ايه الأكلات اللي بتعمل كملين؟

[shaddadfalcon1]

السلام عليكم

عايز اعرف ايه الأكلات او المشروبات اللي بتعمل كملين لحد عنده البواسير وبيتعب قوي كل اما يختاج يدخل الحمام وميقدرش يعمل العمليه دولقتي

[chicobon]

الكوسه و الباميه و البرتقال و عصير البرتقال او ممكن تاخد اجيولكس مكوناته طبيعيه و هو ملين طبيعي ملهوش اي ضرر و بلشفاء ان شاء الله

[أحمد كمال]

كيس اجيولاكس عالريق (ده ملين طبيعي من بذور و اعشاب) مع عالاقل كبايتين مية (او عصير برتقال فريش بالتفل بتاعه)

و معلقتين لاكتيلوز 3 مرات يوميا برضه (و ده عبارة عن نوع من انواع السكر يعني زي ما فيه جلوكوز و فركتوز ده لاكتيلوز) ........ و يشرب مية بالعبيط

[nimaster]

عليك وعلى جميع اصناف الخضرة وخصوصا(الجرجير والخس والخيار )
بالاضافة الى حمامات مياه دافئه.
وربنا الشافى

[sasa44]

الخيااااااااااااااااااااااااار مفعوله سحر وعن تجربة
والزبادي كمان

[shaddadfalcon1]

الف شكر يارجاله
ربنا مايوقعكم في ذنقه :)

اصلي مجرب تعبها قبل كده وانا في الكليه وكنت مره مروح في القطر وطبعا مش قادر اقعد ولقيت واحد الشهامه طلبت معاه قوي ومصر يقعدني لحد ماواحد من صحابي قاله خلاص وقام شاددني ومقعدني علي رجله

[memo823000]

وطبعا ياكل تفااااااااااااااااح كتير بس من غير قشره
ولو عايز حادق خضار سوتيه فى الفرن عباره عن كوسه كتير وجزر كتير وبسلة بدون بطاطس نهائى
وعليها شرائح طماطم وبعدين تتقفل بورق فويل وفى الفرن دا طبعا مع المولينات اللى فوق اللى قال عليها الاخوه وربنا هو الشافى (تجربة مع اخويه)
بس راح عمل عملية للبواسير فى مستشفى مش فاكر اسمها بس المستشفى فى قلب الكنيسه اللى جنب منزل شبرا اللى على كوبرى اكتوبر وانت جاى من مدينة نصر لدكتور مسيحى السنة اللى فاتت وبصراحة جاب معاه من الاخر الحمد لله

[A.Saad]

يبطل التوابل الزيادة مش بس الشطة
الفلفل الاسود الزيادة خطر
يبعد عن مسببات الامساك
شرب المياة بكثرة
وممكن يعمل حمام ماء دافيء ببيتادين

[MohssenRashed]

متابع جداااا

[SYD]

الشوفان سمعت انه ملين وكويس اوي للي بيشتكي من القولون
طبعا الكوسة
بص
اي الياف تعتبر ملينة وكويسة اوي للمعدة

وعصير البرتقال مالوش حل
وفرصة كويسة ان اليومين دوول البرتقال البلدي متوفر

الصفحة دي لقيت فيها فوائد الشوفان
الشوفان،فوائد الشوفان


وربنا هو الشافي
والف سلامة لصديق حضرتك

والله المستعان
،
،

[fepsceasar]

عليك بالشوفان فى اللبن مع معلقة عسل

[homme49]

ممكن تتناول الحلااوة الطيحينية على الريق بعد الإستيقاظ من النوم و تختار الحلوة السادة بدون مكسرات
و من الخضروات بخلاف ما ذكر الملوخية (موجودة حاليا طازجة و لكنها سعرها فوق العشرة جنيهات ) و هناك المجمدة و سعرها أربعة جنيهات

[Amr_MO]

الأخ السائل شفاك الله وعافاك

بالنسبة لعلاج البواسير عن تجربة ان شاء الله لأحد الأقارب

تجيب مقدار متساوي من زيت الزيتون وزيت الخروع وزيت حبة البركة مع فص توم مطحون وناعم وتخلص المكونات دي مع بعضها بشكل جيد جدا وتحطها في ازازة صغيرة على قدها كدة بعيد عن الضوء والشمس

الاستعمل هو بعد قطاء الحاجة ويفضل ليلا قبل النوم، غسل المنطقة جيدا بالماء والصابون وتجفيفها من الماء تماما، بعدها بتاخد بصباعك او باي شيء مشابه يعني يادوب تبلل اصبعك فقط وتدهن مكان البواسير بشكل جيد من كل الجوانب وتنام وتحاول تكرر الموضوع ده صباحا يعني مرتين في اليوم بنفس الطريقة الغسل بالماء والصابون اولا والتجفيف واعادة الدهان مرة اخرى وان شاء الله في اقل من شهر هتزول البواسير تماما، وطبعا قبل الاستعمال ترج الازازاة علشان تخلط الزيوت والثوم المطحون قبل الاستعمال والدهان