عايز اشترى غسالة للوالدة

[damasry]

السلام عليكم ورحمة الله

عايز اشترى غسالة ملابس لوالدتى بمناسبة عيد الأم ومحتار ما بين الـ LG والـAriston

قريت كتير ان Ariston كويسة بس توكيلها بى.تك مش موفر كل قطع غيارها بجانب ان اسعار قطع الغيار عالية.

LG ايه رأيكم فى الموتور الجديد اللى هما عاملينه، هما واثقين فيه اوى لدرجة انهم بيدوا باين ضمان 10 سنين على الموتور.

انا عايز حاجة تعييييش عشان الغسالة اللى قبل دى كلفينيتور وعايز حاجة تعيش زيها بس فى نفس الوقت سعرها يكون فى الحنين

[MohssenRashed]

انا عندي اريستون بقالها سنة و بالمجفف, انصحك لو للوالده هات بالمجفف سواء lg او اريستون هيريحها كتيررررررر

[damasry]

ان شاء الله اشوف اللى فيها خاصية المجفف.


فين باقى اﻷراء!!!

[D . a .\ AYMAN]

الأثنين قريبين جدا من بعض سواء في الفرق أو الجودة أو الأوبشنز اللى فيهم ... وكذلك الأثنين توكيلهم سيئ الى حدا ما لكنه مش وحش قوي يعني والله أعلم لأني ماجربتش بتوع إل جي لسة إلا في حاجات عبيطة وماكانوش بالجودة أو الإحترافية اللى توقعتها ... توكيل بي تك أكثر إحترافية ولكنه أقل مستوى في قلة الإهتمام بالعميل

وكنت خلاص هاجيب إل جي عشان شكلها كان عاجبني أكتر بس ما لا قيتش الموديل اللى كنت عايزه اللى كان فيه غسيل بالبخار والمجفف مع بعض روحت جايب الـ إل جي اللى بفتحة من فوق وكبرت دماغي وبصراحة هية غسالة جميلة جدا لغاية دلوقتي