بعد إذن الإدارة "كتابة لفظ الجلالة بطريقة صحيحة"

[amrico]

الإخوة والأخوات،

برجاء كتابة لفظ الجلالة بطريقة صحيحة

لو كنت عاوز تحلف اكتب " والله " وبلاش واللهي



بلاحظ عدد غير قليل من الأعضاء بيكتب لفظ الجلالة بطريقة واللهي، على الرغم من ان المعظم هنا في المنتدى ناس جامعيين

انا بعد إذن إدارة المنتدى عرضت الموضوع هنا في المنتدى العام، نظرا لخطورة الموضوع

أرجو عدم الإستهتار بالموضوع


انا عن نفسي مش خبير لغوي ولا إخوان ولا سلفيين، وممكن يحصل إني اغلط في كتابة بعض الكلمات، ولكن الخطأ في كتابة لفظ الجلالة من شخص مسلم ومتعلم غير مقبول.


وشكرا!!!

[المنسي]

شكرا للتنبيه فعلا من الممكن اعضاء يقعو فى النقطة دى وجزاك الله خيرا

[amdd]

عندك حق وشكرا للتنبيه

[benmatar]

فعلا كلام سليم وأمر لا يستهان به

[أبو صلاح]

لو كنت عاوز تحلف اكتب " والله " وبلاش والله

أنا آسف
انا مش فاهم ايه الفرق بين الاثنين ؟
يعني انا شايف انهم نفس الحروف

[M.Elgergawy]

فعلا وفي ناس كتير بشوفها بتكتب واللهي
المفروض يحلف ب والله

[M.Elgergawy]

أنا آسف
انا مش فاهم ايه الفرق بين الاثنين ؟
يعني انا شايف انهم نفس الحروف

على فكرة تقريبا المنتدى بيصحح الكتابة لوحدها عشان دلوقتي انا كتبت والله + ي في الاخر وطلعت سليمه والله

[me_medoo]

أولاً جزاكم الله كل الخير ... بس كان عندي نقطة صغيرة بسيطة تكاد تكون مداخلة هو دلوقتي لو الواحد غلط وكتب واللهي بدل واللهِ ، هل هذا الامر أنتقاص من لفظ الجلالة أم أنها خطء مطبعي بسيط ... وتعتبر تهجئة للغة العامية وليست اللغه العربية الفصحى .

انا اوقن شخصياً ولست بمفتي او فاتي في الموضع ... ولكن احياناً نطر ان نكتب لفظ الجلالة هاكذا ... Wallahy أو walah ...أو alaah
فهل حرام أن أكتب بالانجليزي المعرب طبعاً لأ .

والابنجليزية تكتب God
وبالايطالية تكتب Dio
وبالفرنسية تكتب Dieu
وبالالمانية تكتب Gott

فالمسئلة هنا أعتقد لايوجد بها حرمانية ... أو أنتقاص من لفظ الجلالة لاقدر الله ولكن هو تحويل أشارة الكسرة الي حرف ياء من اللغة العربية الفصحة الى العامية ... وان الاصل في الكتابة بصفة عامة هي مجرد أشكال ورموز كي يستطيع عقل الانسان أن يدرك لفظها ومعناها للكلمات ... والله اعلم ... وجزاكم الله كل خير ... وتحياتي .

[amrico]

أولاً جزاكم الله كل الخير ... بس كان عندي نقطة صغيرة بسيطة تكاد تكون مداخلة هو دلوقتي لو الواحد غلط وكتب واللهي بدل واللهِ ، هل هذا الامر أنتقاص من لفظ الجلالة أم أنها خطء مطبعي بسيط ... وتعتبر تهجئة للغة العامية وليست اللغه العربية الفصحى .

انا اوقن شخصياً ولست بمفتي او فاتي في الموضع ... ولكن احياناً نطر ان نكتب لفظ الجلالة هاكذا ... Wallahy أو walah ...أو alaah
فهل حرام أن أكتب بالانجليزي المعرب طبعاً لأ .

والابنجليزية تكتب God
وبالايطالية تكتب Dio
وبالفرنسية تكتب Dieu
وبالالمانية تكتب Gott

فالمسئلة هنا أعتقد لايوجد بها حرمانية ... أو أنتقاص من لفظ الجلالة لاقدر الله ولكن هو تحويل أشارة الكسرة الي حرف ياء من اللغة العربية الفصحة الى العامية ... وان الاصل في الكتابة بصفة عامة هي مجرد أشكال ورموز كي يستطيع عقل الانسان أن يدرك لفظها ومعناها للكلمات ... والله اعلم ... وجزاكم الله كل خير ... وتحياتي .

شكرا على المداخلة الجميلة
بس انا عاوز انبه حضرتك وباقي الأعضاء لموضوع غاية في الأهمية
المنتدى مش بس المصريين اللي بيتابعوه، في ناس عرب برضه
انا مثلا كنت في سلطنة عمان وواحد عماني شاف كلمة واللهي وانا فاتح صفحة من صفحات المنتدى، وماقولكش على التريقة اللي اخدتها
الراجل كان بيقولي مش عيب لما يكون اللي علمونا الكتابة اساتذة مصريين، ونلاقي المصريين مش عارفين يكتبوا لفظ الجلالة
المصيبة الحكاية مش بس في المنتدى، افتح القنوات المصرية وشوف الناس بتكتب ازاي في الشات
رأيي الشخصي المتواضع، لو كنا عندنا غلطات في الإملاء وانا أولكم، على الأقل نتحرى الدقة في كتابة اسم الله عز وجل
واسف للإطالة

[amrico]

شكرا للتنبيه فعلا من الممكن اعضاء يقعو فى النقطة دى وجزاك الله خيرا

عفوا و جزاك الله خير

[amrico]

عندك حق وشكرا للتنبيه

العفو وربنا يبارك في حضرتك

[amrico]

فعلا كلام سليم وأمر لا يستهان به

ربنا يبارك في حضرتك

[me_medoo]

هههههههه حبيب قلبي واللهِ ... على فكرة انا مش عاوز اقلك كان زمان كنت بستغرب ان المصرين بيكتبو باللغة العامية . حتى القصص الي باللغه العامية مكنتش بقدر أقرأها ...

بس عادي ياباشا ... انا مشترك في كزا منتدى خليجي ولقيهم كمان بتكل بيكتبو الحروف زي ما بينطقوها ... زي مثلاً كلمة (أش) وتعني أيييش ... زي مايقولك أش دخلك أو أييش دخلك = عندنا وانتا مالك ... فأحنا كمان بنفتح منتدياتهم وبنقعد نتريق كمان وندحك على كتابتهم لأنهم نكته في حد ذاتها ... ولا أخونا في الفلسطينين لمن يقولك ( أيش كالك يازلمة ) كالك = قال لك ههههههههههه

وكلو كوم ولمن رحت الترب ازور قبر الحج ... جه واحد على اساس انو مقرء ... وقعد يقرة قرأن ... وياحبيبي علي قراتو كنت هرزعو حتت دين قلم على قفاه ... ده قرى القران باللغه العامية العامية ... وفوق قريتو وفوق ماهو اثول وحرف السين ضايع عندووو أغلاط بالهبل جي بصلحلو بيقلي لا انا كده صح قلتلو امشي اطلع بررررررررررررررررة ... حرف الطاء بينطقو تااااء ... والصاد والثاء سين ...
وانا واحد من الناس بتدايئ جداً لمن حدا يقرى القران وميعطش الحروف وينطقها صح الصح وحتى حرف الجيم في فرق بين الجيم العربية ... والجيم المصرية او اليمنية ... وانا واحد من الناس لمن كان ابوية بيسمعلي القران الي حفظتو بس أغلط في حرف ولا في اية ولا انسى ايه كان يلسعني حتت دين قلم على قفاية ... لمن يخلي صوابعو تعلم كده على افاية (القفى ) .. حتى بعد ما اخلص الدرس ... واروح العب في الحارة تحت ... الناس تبص على قفايا كده ويعرفو انا غلط في كم اية ... ولمن تبقى أفاية حمرة حمرة ومتلطش من كل حته يعرفو اني النهرده مكنتش حافظ هههههههههههههههههه . وتحياتي ياجميل .

[me_medoo]

تصحيح

معلش ياشباب أنا أتصلت بالشيخ وسئلتو ... وكان ردو علي بأني مخطاً ... نحوياً ..
معنى ان أعراب كلمة واللهِ :
الواو حرف جر .
اللهِ : لفظ جلالة مجرور وعلامة جرة الكسـرة .

---

#0dff00

أما عن أضافة ياء كقولنا : ربي ...أو بيتي أو سيارتي
تسمى ياء الملكية وهي شيء أخر ... وقالي لمن يقابلني هيبقى يشرحهالي بالتفصيل ... وجزاك الله خير أستاذ / amrico .

[amrico]

تصحيح

معلش ياشباب أنا أتصلت بالشيخ وسئلتو ... وكان ردو علي بأني مخطاً ... نحوياً ..
معنى ان أعراب كلمة واللهِ :
الواو حرف جر .
اللهِ : لفظ جلالة مجرور وعلامة جرة الكسـرة .

---

#0dff00

أما عن أضافة ياء كقولنا : ربي ...أو بيتي أو سيارتي

تسمى ياء الملكية وهي شيء أخر ... وقالي لمن يقابلني هيبقى يشرحهالي بالتفصيل ... وجزاك الله خير أستاذ / amrico .

العفو وربنا يبارك في حضرتك
انت راجل محترم جدا والله