إعـــــــلان

Collapse

.

,
See more
See less

المقابلة يوم 13 !!! وكمااان جمعة ؟؟ انا مش جاي !!!!

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    المقابلة يوم 13 !!! وكمااان جمعة ؟؟ انا مش جاي !!!!

    جه في بالك الكلمتين دول ؟؟؟ اه اه اللي في العنوان !!

    في ناس بتقلق من رقم 13 و لو كان الجمعة 13

    انت منهم ؟؟؟؟

    اول مرة تسمع عن الحوار ده ؟؟؟؟

    طب خد عندك
    انت تعرف ليه الأجانب بيقولوا ان رقم 13 و لوكان تاريخ يوم جمعه يبقى فقر و حظ سئ ؟؟؟

    أنا أقوللك

    لأن بابا الفاتيكان أمر بجمع و احراق جميع فرسان الهيكل (فرسان المعبد) وهم كتيبة نشأت في الحروب الصليبية و زادت قوتها و نفوذها حتى قررت الكنيسة التخلص منهم

    وكان ذلك بشكل مفاجئ و غير متوقع بدأ ليلة الجمعة 13 من الشهر و تم اعدامهم حرقا على الخوازيق النحاسية بتهمة الهرطقة (زي الردة عند المسلمين كده)

    و من هول الصدمة لرجل الشارع (أصلهم كانوا مسيطرين جدا زي رجل الحديد كده الأيام دي) فالناس حسوا ان ده هو يوم الحظ العاثر (بس طبعا لو الجدع بتاع الحديد ده اتخزوق و اتحرق هاعمل اليوم ده عيد قومي :) )

    و اللي زاد الطينة بلة ان كان في ناس في وكالة ناسا ضد تسمية اطلاق رقم 13 على ابولو 13 (مركبة الفضاء المنكوبة) و اتهمتهم الادارة بالتخلف و انهم عيب ان ينضموا لفرق بحوث الفضاء المعتمدة على العلوم البحته ...........

    ويــــــــــــــــــــــــــــالهول الصدمة ........... انفجر ابولو 13 ميـــــــــــــــــت حتة
    و ابتسم المتشائمون نصرا .......و امتقع المتعلمون صعقا

    و أصبحت اسطورة الـــ13 واقعا لايقبل الجدال منذ ذاك الوقت

    حتى انك قد لاتجد فنادق اميريكية كثيرة تحمل غرفها الرقم 13 و بعض المصاعد تستبدل زر الطابق 13 بـ12B او 14A


    و نبقى نحن ...........
    امة النور الخابئ و العلم السليب
    و أهل يوم الجمعة
    و أحفاد النبي (صلى الله عليه وسلم) الذي نهى عن التشاؤم و التطير

    مازال بعضنا يحسب حساب اسطورة امة اخرى و ينسى اساطير امته
    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]
    الكلمات الدلالية (Tags): 13, font, ؟؟, الجديدة, اللي, المقابلة, الي, انا, بولو, جاى, دول, سيتي, شار, عن, فرق, في, قابل, كل, لادا, مش, مصر, مع, معرض, من, مين, نور, هل, هي, وكمااان, يلعب
  • #2
    كلامك مظبوط ياحماده
    بس مش هروح برضه
    اصلي عندي يوم 14 امتحان :(

    Comment

    • #3
      الجمعة عيد للمسلم وفيها ساعة اجابة والتشائم حرام
      [gdwl]-----------------------------------------------------------------------------------------
      إن لم تجد عدلا في محكمة الدنيا، فارفع ملفّك لمحكمة الآخرة.. فإنّ "الشّهود" ملائكة، و "الدّعوى" محفوظة، و "القاضي" أحكم الحاكمين[/gdwl]

      Comment

      • #4
        على فكرة، فيه تفسير تانى للتشاؤم من رقم 13 عند الغربيين يرتبط بعدد الحاضرين على مائدة العشاء الأخير وان يوم تنفيذ الحكم كان يوم جمعة

        لست اقصد بالطبع التدخل فى عقائد الآخرين لكنه تفسير تاريخى متداول لمسألة التشاؤم من الجمعة 13
        [SIZE=5][COLOR=navy]سبعاوى[/COLOR][/SIZE]
        _______________________________________________

        Comment

        • #5
          المشاركة الأصلية كتبت بواسطة sab3aawy مشاهدة المشاركة
          على فكرة، فيه تفسير تانى للتشاؤم من رقم 13 عند الغربيين يرتبط بعدد الحاضرين على مائدة العشاء الأخير وان يوم تنفيذ الحكم كان يوم جمعة

          لست اقصد بالطبع التدخل فى عقائد الآخرين لكنه تفسير تاريخى متداول لمسألة التشاؤم من الجمعة 13
          انا شفت الموضوع دا في دافينشي كود
          حتي في تشائم من اي حد يقع منه الملح علي مائده الطعام


          و موضوع ابوللو دا قريته برضه


          مش عارف ليه سعات بحس الناس بتبالغ قوي في موضوع التشائم دا
          [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
          [/CENTER]
          [CENTER]<!--EndFragment-->[/CENTER]

          Comment

          • #6
            ومن ضمن المعتقدات الغريبه ايضا ان قتل العناكب داخل البيت يجلب الحظ السىء
            مش عارف ايه اللى دخل العناكب فى الحظ

            طبعا يوم الجمعه يوم مبارك جداااااا وانا عن نفسى بحب رقم 13 جدااا
            ولا ؤمن مطلقا بموضوع التشاؤم والتفائل ده والرسول عليه افضل الصلاه والسلام قال لا تشاؤم ولاطيره فى الاسلام

            Comment

            • #7
              و في الفورميلا واحد كمان
              مفيش سائق يبقي رقمه 13!!!!!!!!!!!!
              منتهي التخلف

              Comment

              • #8
                الدكتور وهو بيحدد يوم ولادة ليليا، طلبت منه يكون 13 اكتوبر و صادف انه كان يوم جمعة، علشان كان لازم اكون فى شغل مهم جدا يوم 15، الدكتور رفض تماما و قال انه عمره ما يدخل عمليات يوم الجمعة 13، و اتناقشت معاه كتير و حاولت اقنعه بس رفض تماما، الحمد لله اتولدت يوم 14 و فضلت واقف على رجلى طبعا طول اليوم و رحت الشغل تانى يوم و انا مدشدش.
                [RIGHT]أخوكم حسام حسن {أبو ليليا و سيليا}[/RIGHT]
                [SIGPIC][/SIGPIC]

                Comment

                • #9
                  الحمد لله الذي نهانا عن التطير.

                  ماليش في الحاجات دي خالص الحمد لله :)

                  Comment

                  • #10
                    انا عرفت موضوع الجمعة 13 ده من مجلة ميكي و لسة فاكرها لغاية دلوقت
                    كان فيه قصة اسمها الجمعة 13 عم دهب طلع فيها عينه

                    انا من النوع اللي بيتشائم و يتفائل بصراحة
                    و لكن مش من الجمعة 13
                    [COLOR="gray"]
                    [CENTER]Leadership is based on inspiration, not domination[/CENTER][/COLOR]

                    Comment

                    • #11
                      المشاركة الأصلية كتبت بواسطة MoToRiZeR مشاهدة المشاركة
                      انا عرفت موضوع الجمعة 13 ده من مجلة ميكي و لسة فاكرها لغاية دلوقت
                      كان فيه قصة اسمها الجمعة 13 عم دهب طلع فيها عينه

                      انا من النوع اللي بيتشائم و يتفائل بصراحة
                      و لكن مش من الجمعة 13
                      أمال بتتشائم من إيه يا موتو؟؟
                      [SIZE="4"][COLOR="Blue"]Goodle[/COLOR][/SIZE]

                      [SIZE="4"][COLOR="Blue"]محمد عبد الجواد[/COLOR][/SIZE]

                      [COLOR="SeaGreen"][SIZE="5"]موضوع الساعة: الفن المسماري- حقائق تاريخية - متجدد[/SIZE]
                      [url]http://www.nilemotors.com/Nile/showthread.php?t=29892[/url][/COLOR]


                      [CENTER][SIZE="4"]مصر يامّة يا سفينة :)
                      شكلك كده.. هاتغرقينا :)[/SIZE][/CENTER]

                      Comment

                      • #12
                        انا مش بتشائم عن نفسي
                        لكن بضايق لما بشوف قط اسود قدامي
                        لاني سمعت ان الشيطان بيتنكر في صوره قط او كلب اسود دايما
                        و سبحان الله فترات طويله ما اشوفش قطه سوده
                        و فجأه كل يوم ابص الاقي قطه سوده قدامي
                        اقف في البلكونه مثلا الاقيها تحت
                        ابقي رايح مشوار و بجرب طريق جديد الاقي قطه سوده في وشي:(!!!!
                        اقوم قارئ آيه الكرسي و خلاص

                        Comment

                        • #13
                          المشاركة الأصلية كتبت بواسطة Goodle مشاهدة المشاركة
                          أمال بتتشائم من إيه يا موتو؟؟
                          من أحداث اليوم نفسه

                          يعني فيه يوم عمري ما انساه في حياتي .. كان كل حاجة فيه غلط

                          صحيت الصبح علي صوت طلقة رصاص .. كانوا بيقتلوا كلب في الشارع .. دخلت اغسل وشي عشان انزل .. المية قاطعة .. ( من هنا يبدأ التشاؤم وان اليوم ده مش هيعدي علي خير ) .. نزلت .. الدائري متكلبش .. وصلت الجامعة في ساعة و نص .. و بعد ما وصلت .. الدكتور اتصل بالمعيدة و قال انه مش جاي و لغي المحاضرة ( هنا ابتديت اتأكد انه يوم اسود ) .. و انا راجع .. في ميدان التحرير .. واحد خبطلي العربية .. نزلت اتخانق و احرق في دمي شوية .. مشيت .. والدي اتصل بيا و قاللي ان عربيته قفلت عالمفتاح .. روح البيت هات المفتاح التاني و تعالالي الشغل (مصر الجديدة!) .. و انا في الطريق واحد صاحبي كلمني قاللي الحقني انا في كوستا سيتي ستارز و اكتشفت اني نسيت المحفظة في البيت .. خلصت المشوارين دول و بعد كدة فضلت قاعد في الباركنج في سيتي ستارز جوة العربية بتاع ساعة و ربع لحد ما الساعة عدت 12 و رحت طالع و مروح .. عشان لو لسة فيه حاجة ابعد عنها

                          فا هي حاجات كدة يعني اللي بتشائم منها و بتقفلني .. المية قاطعة .. غراب واقف عالشجرة اللي جنب الشباك .. اصحي علي صوت خناقة في الشارع .. زحام غير عادي .. كدة
                          [COLOR="gray"]
                          [CENTER]Leadership is based on inspiration, not domination[/CENTER][/COLOR]

                          Comment

                          • #14
                            المشاركة الأصلية كتبت بواسطة MoToRiZeR مشاهدة المشاركة
                            من أحداث اليوم نفسه

                            يعني فيه يوم عمري ما انساه في حياتي .. كان كل حاجة فيه غلط

                            صحيت الصبح علي صوت طلقة رصاص .. كانوا بيقتلوا كلب في الشارع .. دخلت اغسل وشي عشان انزل .. المية قاطعة .. ( من هنا يبدأ التشاؤم وان اليوم ده مش هيعدي علي خير ) .. نزلت .. الدائري متكلبش .. وصلت الجامعة في ساعة و نص .. و بعد ما وصلت .. الدكتور اتصل بالمعيدة و قال انه مش جاي و لغي المحاضرة ( هنا ابتديت اتأكد انه يوم اسود ) .. و انا راجع .. في ميدان التحرير .. واحد خبطلي العربية .. نزلت اتخانق و احرق في دمي شوية .. مشيت .. والدي اتصل بيا و قاللي ان عربيته قفلت عالمفتاح .. روح البيت هات المفتاح التاني و تعالالي الشغل (مصر الجديدة!) .. و انا في الطريق واحد صاحبي كلمني قاللي الحقني انا في كوستا سيتي ستارز و اكتشفت اني نسيت المحفظة في البيت .. خلصت المشوارين دول و بعد كدة فضلت قاعد في الباركنج في سيتي ستارز جوة العربية بتاع ساعة و ربع لحد ما الساعة عدت 12 و رحت طالع و مروح .. عشان لو لسة فيه حاجة ابعد عنها

                            فا هي حاجات كدة يعني اللي بتشائم منها و بتقفلني .. المية قاطعة .. غراب واقف عالشجرة اللي جنب الشباك .. اصحي علي صوت خناقة في الشارع .. زحام غير عادي .. كدة


                            هاهاااااااه

                            ماتقولش ان ده كان يوم تلات !!!!!!!!!!!

                            اوعى
                            [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                            Comment

                            • #15
                              المشاركة الأصلية كتبت بواسطة Ahmed Samy مشاهدة المشاركة
                              هاهاااااااه

                              ماتقولش ان ده كان يوم تلات !!!!!!!!!!!

                              اوعى
                              لا و الله ما فاكر بس هو كان اخر يوم في معرض الكتاب بتاع السنة دي
                              لأن اصلا اصلا خطة اليوم الأصلية كانت اني اروح المعرض
                              طبعا ولا شميت ريحته
                              [COLOR="gray"]
                              [CENTER]Leadership is based on inspiration, not domination[/CENTER][/COLOR]

                              Comment

                              السابق 1 2 template التالي
                              Working...
                              X