العمل فى شركات الادوية

[Medicalist]

السلام عليكم
حد يا جماعه بيشتغل فى شركة ادوية بس تكون شركه كبيره
انا طبيب وعايز اشتغل فى شركة ادويه
الفرص بالنسبالى بتكون ازاى والمرتبات بتكون كام ؟
انا من المنصوره

[Medicalist]

ماحدش بيشتغل فى شركات ادويه خالص

[karioki2100]

متابع

[beshomilan]

بص انا ولد صاحبى خريج علوم كيمياء
اشتغل فمصنع ادويه اسمه كيما فارم فى 6 اكتوبر كان شغال quality assurance وكان شغله ورديات 8 ساعات ومتغيره وكل ساعة زياده بتكون بتمن ساعتين ونص وكمان تأمين صحى واجتماعى وباصات بتاخده وتوديه
وممكن ينزل شفتات الجمعة لكن كله بحسابه طبعا :)
اعتقد كان بيوصل ل 1800 جنيه او فى الحدود دى
هو خد خبره من هناك وبعد كده راح ايديتا دلوقتى :)

[Medicalist]

شكرا يا باشا فى انتظار باقى الردود

[MOUSTAFA_SAAD]

المرتب بيعدى الفين
وفى شركات تعبانه بيكون اقل ةوفى شركات كبيره بيعدى اربع الاف

وبتستلم عربيه بعد اقل من سنه
حاول تاخد خبره الاول فى اى شركه حتى لو كانت على ادها وبعدين شوف شركه كبيره

[PoweRPassioN]

السلام عليكم
حد يا جماعه بيشتغل فى شركة ادوية بس تكون شركه كبيره
انا طبيب وعايز اشتغل فى شركة ادويه
الفرص بالنسبالى بتكون ازاى والمرتبات بتكون كام ؟
انا من المنصوره

دور عندك في المنصوره على قهوه المندوبين
""كل محافظه بيبقى فيها قهوه او كافيه او فندق بيتجمع فيه بتوع شركات الادويه""
أسأل عليها وروح هناك وأسأل عن لو فيه فرص متاحه في بعض الشركات
طبعا ممكن مندوب وممكن بعدين تكمل في الmedical departments على أساس انك طبيب
المرتبات فيها تباين كبير على حسب الشركه
جهز بس الC V التمام وربنا يكرم