حد يعرف اماكن بتدي كورسات لمواد تجارة انجلش ؟

[semsem_uno]

انا في تجارة انجلش و للأسف ضعيف في الaccounting و الماس و مش عارف اركز اوى جوة الكلية
حد هنا كان بياخد فيهم كورسات و يعرف اماكن بتدي كورسات للمواد ديه ؟؟

[matrix_it]

بص انت تروح للمكتبات اللى قدام الجامعة و هتلاقى ورق كورسات و هناك تسأل على مواعيد الكورسات اللىانت ضعيف فيها

[islam.3bada]

انا فى بكالريوس تجارة e و ممكن اساعدك على ما اقدر
انت فى سنة كام الاول و جامعة ايه ؟؟
و تقصد بكورسات دى يعنى حاجة زى الدروس تساعدك فى المذاكرة و انت فى الكلية و كدا و لا كوسات خارجية معتمدة وشهادات ؟؟

[semsem_uno]

انا فى بكالريوس تجارة e و ممكن اساعدك على ما اقدر
انت فى سنة كام الاول و جامعة ايه ؟؟
و تقصد بكورسات دى يعنى حاجة زى الدروس تساعدك فى المذاكرة و انت فى الكلية و كدا و لا كوسات خارجية معتمدة وشهادات ؟؟

بالظبط
كورسات تساعدنى في المذاكرة
و انا في سنة اولى لسة و في اخبار اليوم

[semsem_uno]

بص انت تروح للمكتبات اللى قدام الجامعة و هتلاقى ورق كورسات و هناك تسأل على مواعيد الكورسات اللىانت ضعيف فيها

الف شكر :)

[islam.3bada]

الموضوع سهل جدا ان شاء الله , انا عارف ان فى سنة اولى بتبقى الـ Accounting و الـ Math عاملين زى اللوغاريتمات
قولى انت خدت acc ايه فى الترم الاول و بتدرس acc ايه الترم ده
اعتقد financial صح ولا ايه ؟؟
عموما مبدئيا كده انت هتنزل المكتبات اللى عند جامعة القاهرة او عين شمس على حسب القريبة منك اللى بتبيع
الـ sheets بتاع تجارة e وتسأل عن الكورسات هيدلوك عن الاماكن و مين بيديها و كده .
شوف كده و لو نويت و هتبدأ قولى و انا هديلك رقم معيدAccounting شاطر جدا فى تجارة e جامعة حلوان هيخليك استــــــــــــــــــاذ
هو بيدرس فى سنترز كتير دقى و معادى و مصر الجديدة برضو على حسب القريب منك
ممكن اجيبلك برضو رقم حد كويس جدا فى الـ Math هو معيد برضو فى كلية تربية ...
بس لو نويت حاول تبدأ من دلوقتى قبل الترم ما يطير منك و ربنا يوفقك ان شاء الله
لو عاوز تسأل على اى حاجة تانية , انا معاك ان شاء الله

[matrix_it]

عايز اسئلك على حاجة بقى بما انك فى بكالوريوس بتعمل ايه عشان تروح تدريب ؟

[islam.3bada]

بالنسبة لموضوع التدريب ده انا هقولك على حاجة مهمة يا تدرب بجد و تتعلم حاجة فعلا و تستفيد فى الفترة اللى هتدرب فيها يا اما بلاش احسن تضيع وقتك فيه و خد كورسات تزود بيها مهاراتك و تضيف ليك مهارات مش عندك لان ده اللى هيعلى ال cv بتاعك فعلا
انما لو هتروح بنك او شركة تبعت ايميلات و فاكسات و تستلمها و كلام من ده يبقى قلته احسن , لان شهادة انك تدربت فى المكان الفلانى مش هتفيدك فى الشغل ولا هتحسن نظرة صاحب الشغل ليك الا لو كنت هتشتغل فى نفس المكان اللى تدربت فيه مش ميزة يعنى الا لو كنت تدربت فى نفس المكان اللى انت مقدم فيه على شغل لان ساعتها بيبقى ليك ميزة و افضلية عن باقى الناس اللى مقدمين معاك عاى اساس انك دخلت المكان قبل كده و عرفت النظام عندهم ايه و هتوفر عليهم انك مش لسه هتسستم من الاول .
نرجع بقى لموضوع التقديم ده , التدريب بيعتمد بنسبة كبيرة أوووووى على الواسطة انا مش عايز احبطك بس للاسف ده بيحصل الا الشركات الكبيرة اللى بتحتاج اعداد كبيرة زى فودافون مثلا
انت زبط cv بتاعك و اخل على المواقع بتاع الشركات و البنوك و شوف مواعيد التقديم عندهم امتى لانهم بيفتحوها فترة و بيقفلوها لو ملقتش معلومة مفيدة انزل بنفسك ليهم و اسال كل اللى هتحتاجو غير ال cv ( مش لازم يكون cv قوى و لا حاجة عادى انت لسه طالب و هما عارفين ده المهم يكون فيه صورتك و كل المعلومات البيزك عنك ) هتحتاج انك تطاع اثبات قيد من الكلية
و ربنا يوفقك ان شاء الله , ممكن تجرب الاول مع البنك الاهلى و NSGB
لو انت محاسبة حاول فى سنة من السنين تدرب فى مكتب محاسبة هتستفيــــــــــــــــــــد اووووى و هتتعلم بجد و هيفرك معاك فى اى انترفيو تدخلوه , و ربنا معاك ان شاء الله و يوفقك

[matrix_it]

لو حد سئلك فى انترفيو على حاجة من اللى درستها هتفتكرها ؟؟؟؟
انا صراحة مش فاكر اى حاجة

[matrix_it]

انا في تجارة انجلش و للأسف ضعيف في الaccounting و الماس و مش عارف اركز اوى جوة الكلية
حد هنا كان بياخد فيهم كورسات و يعرف اماكن بتدي كورسات للمواد ديه ؟؟

انت ممكن كمان تحضر السكاشن هتفيدك اوى ولو فى مجاميع اشترك فيها بس ابقى احضر

[islam.3bada]

لو حد سئلك فى انترفيو على حاجة من اللى درستها هتفتكرها ؟؟؟؟
انا صراحة مش فاكر اى حاجة

دى بتختلف من واحد لواحد على حسب الطريقة اللى بيتعامل بيها مع الدراسة و المذاكرة اثناء سنوات الكلية بس طبعا كل الناس بيقى عتدها تقصير و لو بسيط فى الجزء ده حتى اللى بيبقوا مستواهم كويس و بيجيبوا تقديرات عالية و كدا

عموما محدش بيفتكر طبعا كل حاجة انت هتفتكر طبعا الاساسيات زى financial accounting 1 & 2 دى هتلاقيك مش ناسيها , انما طبعا اى واحد لازم يحضر كويس قبل ما يروح الانترفيو و يكون مراجع عشان هتتسال اكيد

نصيحة ... احتفظ بالكتب بتاعتك لكل السنين لانك هتحتاجها جدا بعد كدا

[bHa2]

عندنا ف جامعه عين شمس كورس اسمه s.a.p
دا 8 محاسبات
ماليه 1
ماليه 2
ماليه 3
تكاليف
اداريه
مبادئ مراجعه
مبادئ ضرايب
بنوك و شركات تأمين
الماده 7 اسابيع ب 500 جنيه "محاضرات-ماتريال-امتحان"
المركز اسمه "مركز البحوث و الدراسات التجاريه و الاحصائيه-كليه تجاره جامعه عين شمس"
رقم سكرتاريه المركز 22619509
الدراسه انجلش طبعا :)

[Ahmed_Rahem]

برضة لمن يريد فية صديق ليا مدرس فى كورسات المحاسبة لطلبة التجارة لو عايز رقمة قولى وابعتلك على الخاص، ولو عايز للشهادات برضة اعرف ناس ليها فيهم.
وربنا يوفق الجميع

والسلام ختام

[AboELsoud]

بص يا باشا بما انك من سكان مدينه نصر يبقى اقرب سنتر ليك بيدي دروس هو ( لوروينج )

و ده عنوانه شارع انور المفتي ( اللي هو ورا طيبه مول ) في عماره جنب صيدليه اسمها عمرو علي

السنتر صحابي بياخدوا فيه بقالهم 3 سنين و انا باخد جنبهم في سنتر اسمه كارفن عشان انا تجاره عربي :)