عايز اطلع اللزق من وشي

[DreAmO]

النهارده عملت عمليه في عيني والدكتور حطلي قطن عليها وثبته بلزق في وشي

المهم شلت الحركات اللي كانت مغطيه عيني دي كلها زي ماقلي الليله

طبعاً انا شايف الكلام دة داخل في بعضه وحالتي نيله خالص دلوقت

اتعذبت وانا بشيل اللزق .. كان ناقص يطلع بجلدي

المهم في اثار للزق على وشي بقى .. ووشي ملزق

ميه سخنه وصابون وكل المحاولات فشلت

اعمل ايه .. اشيله بميه نار .. ولا انقع وشي في طاسه الزيت المغلي

محدش يقولي اشتري حاجه .. علشان مش هينفع

عايز وصفه تكون موجوده في البيت

[midoabdeen]

بوص يا سيدى
انت هاتجيب شوية تنر
وشوية بطاس
ومع كلور
بس لو يشرتك مش بيضة هات كلور الوان
وحتة صنفرة واخلط الخليط كلة وادعكة بالصنفرة كويس مش هاتلاقى اى اثار خالص















طبعا بهزر معاك
هات اسيتون اللى هو بتاع ازلة المونوكير دا هايجيب من الاخر

[DreAmO]

بوص يا سيدى
انت هاتجيب شوية تنر
وشوية بطاس
ومع كلور
بس لو يشرتك مش بيضة هات كلور الوان
وحتة صنفرة واخلط الخليط كلة وادعكة بالصنفرة كويس مش هاتلاقى اى اثار خالص


طبعا بهزر معاك
هات اسيتون اللى هو بتاع ازلة المونوكير دا هايجيب من الاخر

ياريتك ماكنت طلعت بتهزر .. دي الوصفه الاولى متوفره عندي واسهل .. وفي جاز على فكره

الوصفه التانيه محتاجه نزول الشارع ودة مش هينفع ( دة انا يادوب شايف الكيبورد ) .. بس هحتفظ بيه كإقتراح

الف شكر لحضرتك

[al_manara]

شفاك الله وعافاك .

[shaddadfalcon1]

شوف اللي الاعضاء الأفاضل قالو عليه واعمله اوردر من اي صيدليه فيها ديلفري

[A.Saad]

شوف الكحول الابيض

[heshamzaky]

الف سلامة الاول على العملية
اسهل حاجة قطنة ب سبرتو طبى و بس أو قطنة ب كولنيا فيها نسبة كحول زى ال555 كدة