هديتك لست الحبايب السنة دي ايه ؟

[islamnabil]

السلام علكيم و رحمة الله و بركاته
طبعا كلنا واقعين في نفس الحيرة دي
حتجيب هدية ايه السنادي لست الحبايب
و لو انت متجوز و عندك ولاد هتجيب لامهم ايه
تعالو نفكر مع بعض و اللي عنده افكار جديدة يقولنا

[زينة الله]

أحسن حاجة تسألها لو كانت عايزة حاجة معينة

لو ما كنش يبقى عندنا اكتر من محور

اولا : الهدايا الشخصية .. ( دهب ولو انه غالى - لبس - اكسسوارات - برفانات - الخ الخ الخ ... )

ثانيا : الهدايا اللى تنفع البيت عموما او الاجهزة اللى تريحها وتساعدها فى البيت

والله الموفق والمستعان

[ahmedeihab]

ان شاء الله السنه دى
خاتم ذهب ابيض و مش خساره فيها اى حاجه

[nonetta]

ماما دايما لما اجي اجيبلها هدية عيد الام او عيد ميلادها
تقول لي مالوش لازمة
الحاجة غالية وفروا فلوسكوا
انا عندي كل حاجة مش محتاجة حاجة
هوا انا لسة هاعيش لما ادوب الحاجات اللي عندي
اقوم راصة لها رصة حاجات ولو قلتلها على حاجة للبيت
تقول لي هوا عيد الام ولا عيد البيت
ههههههههههههه
عثل عثل ماما دي ربنا يخليهالي

على اي حال انا هاجيب لها شنطة وحذاء

[AmAAmAs]

جبتلها راديو من راديو شاك ور جعته ,,,,,, عشان عمال يوشش !

[adel1414]

مبخرة وعلبة بخور ومستكة :)

[nonetta]

مبخرة وعلبة بخور ومستكة :)

حلوة اوي دي جبتها منين
من الحسين ؟
وبتستخدم ازاي ؟
انا نفسي يبقى عندي مبخرة بس مش باعرف بتستخدم ازاي

[medo_coool2002]

انا جبت لماما طقم كاسات فرنساوي

[rompo10]

كل عام وكل الامهات بخير (رحمك الله يا امي)

[shaddadfalcon1]

مراتي جابت عباية خروج حلوه والأسبوع اللي فات لقيت والدتي بتكلمني علي التليفون وبتعيط عشان كانت نازله مع بنت عمي تشتري دهبها وكانت شايله مع والدتي الفلوس واتسرق منها 3300 جنيه واتصرفت في 130 وانا شلت الباقي عشان كانت خايفه من الوحش الكبير والدي ربنا يخليه هههههههههههه

[NoOoOoUr]

والله انا اكثر واحدة كل سنة باتذل بجد وبيجيلى شلل من كثر االتفكير هاجيبلها ايه.... السنة دى قلت اجيب ليها حاجة دهب كويسة... وبعدين قلت لا حبيبة قلبى عندها دهب وحاجات ثانية كثير واصلا هى مش من هواة اللبس للحاجات دى..قلت اجيب ليها عبااايات كويسة.. برده راجعت نفسى وقلت لا نور عينى عندها عبايات ليوم العبايات وكلها من بره مش محتجاهم يعنى....قلت اجيب حاجة تستفيد بيها وبرده قلت لا عندهاااااااا كل حاااااااااااااجة... كلمت والدى ربنا يديه طولة العمر قالى مش عاااارف وبعدين بنرفذة مصطنعة انتى يابت انتى عمرك ماقولتى اجيبلك ايه يابابا (بقيت بينى وبين نفسى مش ناقصة غيرة ابهات دلوقتى ده عيد ام مش عيد اب هههههههه) هههههههههه المهم اخر ماتوصلت ليه انا واخويااا طبعا اننا نديها مبلغ وقدره طبعاااااا وبعدين قلت جاتنى نيلة بافكر فى ايه دى زى ماتكون صدقت انى خلصت عمايل بطاقة علشان تعملى حسااااب فى البنك...يبقى هاتقبل منى فلووووس.... ودى حكاااااااية كل سنة معاااايا وكل سنة بتصفى على بوكيه ورد محترم . بعد تفكير والتخطيط من قبلها باربع شهور برده مش بلاقى اى حاجة غير بوكية الورد..وكل سنة ونتى طيبة ياامى :):)

[islamnabil]

كل سنة و كل الامهات بخير و سلامة
برضه لسه محتار
غالبا حجيب حاجة للبيت بس صحيح هوا عيد الام ولا عيد البيت
محدش عنده اي فكرة مبتكرة :)

[mado83]

جلبيتين بيت لكل واحده لامى ولحماتى
وحلو اوى كده لحسن الشهر ده لوووووووووووووووز اللوز

[MaZaGAngeE]

مش عارف و محتار جدا