احتفال عيد ميلاد المنتدي الخامس

[Karim_Monir]

السلام عليكم ورحمه الله
كل سنة وانتم بخير
معلش غايب عنكم شويه بس عشان يمكن نعزل قريب
لاء مش انا
انتو
احنا
المنتدى كله يعني احتمال لسيرفر اكبر واقوي قريب :-)
فطبعا بقرأ عروض كتير واشوف مواصفات كتير قبل ماستقر نهائي
زده شاغل جزء كبير من وقتي
لكن ماقدرش انسي احتفالنا السنوي ببيتنا الكبير
السنادي هايتم 5 سنين باذن الله
ويبدء السنة السادسة معاكم في الخير كما اتعودنا
السنادي كنا عايزين مكان عالبحر
ولما سالنا على مكان عالبحر لقينا التكلفة هاتكون خارج استطاعة ناس كتير
الداي يوز ب 150 +الغداء اوبن بوفيه ب 120
يعني الفرد ب 270
بس بس محدش يضرب :-)
فرجعنا قواعدنا سالمين لفندق افريكانا اللي عملنا فيه احتفال السنة اللي فاتت
والحمد لله كله كان مبسوط
داي يوز رائع وجميل ومشمس وقريب من بحيرة كينج مريوط في اسكندرية
وعلى حمامات السباحة والملاعب
وكان منطقة ترفيهية للاطفال
و2 شالية واحد سيدات والاخر رجال
واوبن بوفيه الناس ماكنتش قادرة تخلص اكل وسابو تورتة المنتدي
عشان كدة ان شاء الله بتفق معاهم حاليا
بس حسب الكلام المبدئي اليوم تقريبا هايكون اغلي
بحاول مايكسرش حاجز ال 100 جنيه للفرد داي يوز +اوبن بوفيه شامل كل شيئ
لكن هما قالو ان اسعار اللحوم غليت جدا واسعار كل حاجة غليت فرفعت اسعار كل حاجة
وبيحاولو يوصلو معايا لاوفر كويس
بس محتاجين عدد مبدئي
ولو تفتكرو العدد السنة اللي فاتت اللي اكدو قبل الاحتفال كان حاجة و تلاتين
ويوم الاحتفال وصل حاجة وتمانين :-)
والحمد لله ان الاوتيل كان عامل حسابهم في الاكل
كمان نسيت اقول ان الشيف كان هايل وعمل كل الاكل الجميل اللي كلناه
فاضل اعرف كام واحد ناوي يجي عشان نعرف ناخد خصم
تقريبا هانحاول نوصل الفرد ل 100 جنيه شاملة كل حاجة
وده اقل سعر ليوم زي ده
ده لو خدنا 2 شاليه على البحر مع غداء وشوية كلام فاضي هانقرب من الرقم ده ومش هانخد الخدمة والمكان ده

اخر حاجة في اقتراحين ليومين جمعة
واحد 13 ابريل
والتاني 20 ابريل
الاول هايدخل معاه 4 ايام اجازة شم النسيم والاسعار فيه غالية فعلا عشان الحجوزات
ومش هانعرف نستمتع باليوم من الزحمة لان شركات كتير بتعمل برنامج للاوتيل 4 ايام بداية من الجمعة
وكمان هايكون اغلي
وانا شخصيا للسبب ده بفضل جمعة 20 ابريل
في انتظار تاكيدكم المبدئي للحضو من عدمة
عشان نبدء نلم فلوس مع بداية قبض الشهر اهو :-)
تحياتي ونشوفكم على خير
كريم منير

[Karim_Monir]

http://www.nilemotors.net/Nile/213879-a.html

http://www.nilemotors.net/Nile/213688-a.html

[ahmed_su]

كل سنة وانت ونايل موتورز طيبين وعقبال السنة الـ 50

ويتم الاحتفال على خير ان شاء الله

[rompo10]

كل سنه وكل اعضاء نايل موتورز طيبين

[alaa_dash]

ما شاء الله ...خمس سنين ... ربنا يديم المودة بين اهل المنتدى ...

و عقبال الذكرى الخمسين :))

[dr.hazem]

الله يعيد علينا الايام بخير

كان نفسي احضر بس اعتقد اني هكون سافرت في قبل الموعد ده


تحياتي

[FunnyMickey]

يارب المره دي يارب المره دي
:) :)
كل سنه بقول الشغل ومبعرفش اسيب الشغل
وادي الشغل اتغير

يارب المره دي

[Samir Elshahawy]

كل سنة و حضرتك طيب يا أستاذ / كريم و كل أعضاء نايل موتورز طيبين و متجمعين دايما علي خير

مبدئيا انا هأكون موجود باذن الله
و أن كنت مش متأكد لأني المفروض مسافر كمان كام يوم سفرية الله أعلم هاتخلص أمتي لكن هأحاول أوفق ظروفي و أكون موجود علشان كده ميعاد 20 أبريل ده مناسب جدا

[solyahmed]

كل سنة ونايل موتورز طيب يا كريم .. وان شاء اللة موجود في عيد ميلاد المنتدى زي السنة اللي فاتت .. كمان انا ما شفتكش من السنة اللي فاتت وحشني والله .... ممكن يكون معايا ناس واكيد حدد العدد قبلها ..
وكمان يوم 20 ابريل دة يوم عيد ميلادي ...

[mazher_m]

كل سنه ونايل موتورز ومصر بخير وعقبال 500 سنه

[Ashraf_Ibrahim]

كل سنة والمنتدى طيب وبخير
يوم 20 ابريل مناسب جدا
وانا ان شاء الله هكون موجود واحتمال اجيب اخواتي معايا -لسة مش احتمال اكيد يعني- بس انا معاكم ان شاء الله

[Ghamrawy]

جميل جميل
كل سنة و احنا كلنا طيبين
معاكوا زى السنة اللى فاتت ان شاء الله

[Dr Ahmed]

معلش أنا عايز أوضح إن حتى لو كان العرض عائلى فبنحافظ فى الاحتفال على عدم الاختلاط ودا شئ لازم يكون معروف ومتفق عليه لإنه ممكن يسبب ضيق لبعض الأعضاء والعضوات

[A7MED_PHARMA]

كل سنة والمنتدى بخير
بإدارته .. ..وأعضائه

.
وربنا يجمعنا على خير
السنة الي فاتت كنت أكدت..بس ظروف حصلت وقتها وماقدرتش أجي

[Kareem Fawzy]

ان شاء الله موجود
وفرصة افسح خطيبتى فى مكان جديد
موجود ان شاء الله ( 2 فرد ) يوم 20 ابريل يا كريم
وكل سنة وكلنا طيبيين ونايل موتورز فى تقدم يارب من السنة للسنه