عايز اشترى كوتشى

[A.Saad]

مش اعرف عنهم حاجة
بس عايز اشترى كوتشى
ياريت الافادة

[Eng.Geo]

شوف في Adidas
ولا انت بتستفسر عن حاجة معينة ؟

[A.Saad]

لا مش حاجة معينة

[KhaledGub]

انا بردو عاوز اشتري وروحت adidas من كام يوم اللي فوسط البلد لقيت الكوتشيات نار من 700 لـ900 وانت طالع وقالي هيعمل sale لسة في شهر 7
مفيش توكيل عامل sale دلوقتي او هيعمل قريب يا جماعة

[wassim_nasser]

فيه ال factory outlet الموجود ف شارع جسر السويس اللي علي ناصية شارع السباق وده بيعمل sale جامد وفيه كمان محلين قدام الميريلاند واحد جنب فرحات والتانى بعده بشوية وانت ماشى ناحية اشارة روكسى .. دول برضه فيهم sale .. و عندك طبعا نايكى و اديداس ف شارع طلعت حرب و جنينة مول بس لازم تكون مكيش .. و نصيحة منى ماتسترخصش ف الحاجات دي لأنها مريحة وتعيش بس برضه مش لدرجة 900

[nonetta]

في رافين جينز عامل تخفيضات واسعاره معقولة
ودي صفحته عالفيس فيها شوية صور للموديلات


Welcome to Facebook - Log In, Sign Up or Learn More

ليه فرع في الشواربي
فرع في سيتي ستارز دول اللي اعرفهم
في فروع تانية كتير
في اديداس ونايك الاسعار بتبدأ من 300
في بردو factory outlet بعد كارفور المعادي بشوية في ماركات متنوعة

[A.Saad]

adidas factory outlet بيبقى فرز تانى ولا فرز اول وايه نظامه
فيه معرضين فى ش فيصل عند ش المستشفى وواحد كمان فى كايرو مول
لو حد يعرف نظامهم ياريت يقول

[A.Saad]

رافين
اخباره ايه فى الكوتشيات ؟؟؟

[M.Mosaad]

سكيتشر منزل انواع فيها تكنولوجيا جديدة اسمها Shape ups دي بتقوي عضلات الرجل و بتحرق سعرات طول مانت بتستعملها لو تعرف حد ممكن يجيبهالك من امريكا سعرها حلو جداااااااا انا جايب واحد عامله 60 دولار يعني حوالي 360 مصري المفاجأة بقي كنت ماشي في سيتي ستارز من كام يوم و لقيت توكيل سكيتشر قلت حلو اجيبها من مصر لقيتها في المحل ب 1015 جنيه

هي تحفه و مريحه جداااااااا هتستغربها في الاول و تتعب منها لحد ما عضلات الرجل تاخد عليها بعد كدة مش هتعرف تلبس غيرها و في منها كوتشيات و كمان احذيه عاديه

[mostafa53]

adidas factory outlet بيبقى فرز تانى ولا فرز اول وايه نظامه
فيه معرضين فى ش فيصل عند ش المستشفى وواحد كمان فى كايرو مول
لو حد يعرف نظامهم ياريت يقول

السلام عليكم ورحمة الله وبركاته
أنا أعرف اللى فى كايرو مول فيه حاجات فرز تانى وسعرها بيبقى معقول جدا, والفرز التانى بيبقى حاجات ثانوية جدا يعنى مالهاش علاقة بالمكونات الأساسية: يعنى خياطة شكلها مش معدول مثلا. لكن المشكلة إن اختياراتك فى الشراء حاتكون محدودة جدا ويمكن ماتلاقيش مقاسك. محتاجين زيارات كتيرة لغاية ماتلاقى المناسب لك

[GMakram]

انا شايف بلاش نايك او اديداس,اسعارهم بقى مبالغ فيها اوى هنا فى مصر,خليك فى تمبرلاند,جوده من اعلى مايمكن وراحه مابعدها راحه واشكال ظريفه وفى نفس حدود السعر واحسن من نايك واديداس بكتير,انا من كم سنه كنت رحت انا واحد اصدقائى عضو معانا هنا فى المنتدى كان جايب جزمه من تمبر وبعد شهر اتقطعت وقلتله ازاى هتروح ترجعها قالى جزم تمبر مش بتتقطع بسهوله كدا ومكنتش مقتنع بصراحه وراح رجعها وغيروهاله,انا مكنتش مصدق بصراحه,وانا نفسى عندى جزمه تمبر من حوالى سنتين ومش بتتأثر بأى حاجه تجرى فيها خالص
تحياتى

[ossamayk]

ممكن تشوف أبو علاء عنده أكتف وأديدس وماركات تانية وأسعار مختلفة
الفروع إللي أعرفها: المعادي - مول طلعت حرب - سيتي ستارز

[nonetta]

انا شايف بلاش نايك او اديداس,اسعارهم بقى مبالغ فيها اوى هنا فى مصر,خليك فى تمبرلاند,جوده من اعلى مايمكن وراحه مابعدها راحه واشكال ظريفه وفى نفس حدود السعر واحسن من نايك واديداس بكتير,انا من كم سنه كنت رحت انا واحد اصدقائى عضو معانا هنا فى المنتدى كان جايب جزمه من تمبر وبعد شهر اتقطعت وقلتله ازاى هتروح ترجعها قالى جزم تمبر مش بتتقطع بسهوله كدا ومكنتش مقتنع بصراحه وراح رجعها وغيروهاله,انا مكنتش مصدق بصراحه,وانا نفسى عندى جزمه تمبر من حوالى سنتين ومش بتتأثر بأى حاجه تجرى فيها خالص
تحياتى

بس تمبر لاند اقل حذاء عندهم بعد السيل ب 450
اوفر اوي

[medo_coool2002]

انا اول مره
اشوف واحد بيستفسر عن الكوتشيات

هو خلاص يعني الخيارات قدامك متعدده اوي للدرجه

[nonetta]

انا اول مره
اشوف واحد بيستفسر عن الكوتشيات

هو خلاص يعني الخيارات قدامك متعدده اوي للدرجه

ايه الغريب في كدة
ممكن يكون كل لبسه فورمال
وعمره ما اشتراه
وفجأة افتكر انه محتاج كوتشي ومعندوش فكرة يشتري ايه ومنين وبكام
وبعدين دي مش اول مرة
اعمل بحث كدة في المنتدى وشوف