دكنور يلحقني بسرعة ويطمنى

[sasa44]

السلام عليكم ورحمة الله وبركاته
انا هدخل فى الموضوع علطول
انا من حوالي شهر واسبوع عربية خبطتنى على الطريق ورجلي اتكسرت
التشخيص المبدأي كان كسر فى عظمة الشظية وتمزق فى اربطة الكاحل والركبة
ومن ساعتها عملولي جبيرة من عند الانكل لحد الفخد تقريبا يعني رجلي كلها
ولسه فاكك الجبيرة النهاردة وكانت الصدمة
رجلي مورمة جدا من عند الانكل ومش قادر اثنى ركبتي خالص
الدكتور قالي ده طبيعي علشان بقالها 5 اسابيع مش بتتحرك
وادانى دواين واحد اسمه دافلون والتانى امبيزيم وقالي طول ما انت فى البيت 24 ساعة فى ال 24 ساعة تبقي رافع رجليك على مخده عالية شوية والورم هيروح لوحده
الصراحة انا مقلق من الدكتور ده ومش مطمن
وثانيا لما برفع رجلي على المخده واجي انزلها علشان ادخل الحمام بلاقيها بتحمر قوي
واحس ان الدم كله جري عليها
انا طبعا مش بقدر احمل عليها انا بمشي على عجاز
ياريت اي دكتور يطمني علشان انا مرعوب من شكل رجلي

[A7MED_PHARMA]

طيب إتأكدت ان مكنش فيه نزيف داخلي..او شريان متضرر بأي شكل قبل الجبيرة

ده رقم جراح صاحبي
اسمه دكتور فتحي الخواص
كلمه وقوله انك من طرف د.احمد العلاوي
وهو هيقولك المفيد..راجل إستاذ دكتور..وفاهم جدااا
01276662603

[sasa44]

طيب إتأكدت ان مكنش فيه نزيف داخلي..او شريان متضرر بأي شكل قبل الجبيرة

ده رقم جراح صاحبي
اسمه دكتور فتحي الخواص
كلمه وقوله انك من طرف د.احمد العلاوي
وهو هيقولك المفيد..راجل إستاذ دكتور..وفاهم جدااا
01276662603

الف شكر يا دكتور
طيب ممكن اكلمه دلوقتي ولا الوقت مش مناسب بالنسباله ؟؟؟؟؟؟؟؟؟؟

[sasa44]

انا كلمته
ووالله يا دكتور مش عارف اقولك ايه
الف الف الف شكر
بصراحة دكتور فتحي دكتور محترم وطمنى وقالي ان شاء الله خير
ومعلش هنتعبك معانا هو قالي انه هيقابل حضرتك يديلك كارت لجده دكتور فى مستشفى الحلمية
وان شاء الله ممكن ابقي اخد رقمه من حضرتك هنا لو مكنش فيها تعب
والف شكر مرة تانية يا دكتور وجزاك الله خير

[A7MED_PHARMA]

تمام ربنا يشفيك..ويخفف عنك
الدكتور فتحي..من أكتر الناس إحتراما تشوفها في حياتك
أبقى كلمه..وشوف هيبعتك لمين في الحلمية .. وتروح هناك وتقول إنك من طرف د.فتحي الخواص

[Mo.Kareem]

السلام عليكم ورحمة الله
الاول الف سلامة عليك وربنا يشفيك
انا بمر بنفس موضوع حضرتك ، تقريباً نفس اللى حصلى بس الفرق ان عربيتى هى اللى خبطتنى :)
اول حاجة الدكتور هيطلبها منك اشاعة رنين وبعد كده هيديلك حقن ومرهم وبرشام كتير كده ومع كل ده هتعمل علاج طبيعى ، معلش الموضوع بياخد وقت شوية ومرهق فى فلوسه ، بس الحمد لله قضا اخف من قضا

[sasa44]

الحمد لله رب العالمين
هيا اشعة الرنين بكام يا باشا لو سمحت ؟؟؟؟؟؟؟؟

[MASERATI]

السلام عليكم و رحمة الله و بركاته

ألف حمدالله عالسلامة.

ان شاء الله خير و مافيش حاجة.

خليك ماشى على العلاج الطبيعى و الدوا و لو متضايق من الورم, ممكن تبقى تلبس شراب ضاغط, طبيب العظام هو اللى يحددلك مواصفاته للفترة اللى أنت بتبقى منزل رجلك فيها عالأرض.

ان شاء الله, مافيش لا شرايين متضررة و لا حاجة, لأن لو كان فيه شريان مقطوع من ساعة الخبطة, كانت رجلك حصل فيها -لا قدر الله- مضاعفات سيئة أوى.

[sasa44]

السلام عليكم و رحمة الله و بركاته

ألف حمدالله عالسلامة.

ان شاء الله خير و مافيش حاجة.

خليك ماشى على العلاج الطبيعى و الدوا و لو متضايق من الورم, ممكن تبقى تلبس شراب ضاغط, طبيب العظام هو اللى يحددلك مواصفاته للفترة اللى أنت بتبقى منزل رجلك فيها عالأرض.

ان شاء الله, مافيش لا شرايين متضررة و لا حاجة, لأن لو كان فيه شريان مقطوع من ساعة الخبطة, كانت رجلك حصل فيها -لا قدر الله- مضاعفات سيئة أوى.

الف شكر يا باشا على الرد
بس الدكتور فى المستشفى قالي خليك رافع رجليك على مخده 24 ساعه فى ال 24 ساعة
وانا فعلا بعمل كده
مش عارف كده صح ولا غلط ؟؟؟؟؟؟؟؟

[MASERATI]

الف شكر يا باشا على الرد
بس الدكتور فى المستشفى قالي خليك رافع رجليك على مخده 24 ساعه فى ال 24 ساعة
وانا فعلا بعمل كده
مش عارف كده صح ولا غلط ؟؟؟؟؟؟؟؟

السلام عليكم و رحمة الله و بركاته

خلاص مفيش مشكلة, خليك رافع رجلك, بس طول مانت قاعد, اتسلى, ازاااااااااااااااااااى:

أنك تحاول تتنى ركبتك و تفردها و تتنى الكاحل و تفرده و مشط رجليك كذلك, يعنى اعمل فى رجليك من أول الركبة و أنت نازل, كووووووووووووووول الحركات الممكنة, زى الرجل السليمة بالظبط, هتلاقى الموضوع فى الأول مرهق و متعب و مؤلم و مش جايب همه, بس, بعد أسبوع, هتلاقى أن مجال الحركة فرق معاك جااااااااااااااااااااامد جدا.

بالسلامة ان شاء الله.

[sasa44]

السلام عليكم و رحمة الله و بركاته

خلاص مفيش مشكلة, خليك رافع رجلك, بس طول مانت قاعد, اتسلى, ازاااااااااااااااااااى:

أنك تحاول تتنى ركبتك و تفردها و تتنى الكاحل و تفرده و مشط رجليك كذلك, يعنى اعمل فى رجليك من أول الركبة و أنت نازل, كووووووووووووووول الحركات الممكنة, زى الرجل السليمة بالظبط, هتلاقى الموضوع فى الأول مرهق و متعب و مؤلم و مش جايب همه, بس, بعد أسبوع, هتلاقى أن مجال الحركة فرق معاك جااااااااااااااااااااامد جدا.

بالسلامة ان شاء الله.

الله يسلمك يا باشا والف شكر على الرد والاهتمام
ربنا يجعله فى ميزان حسناتك وجزالك الله خير

[Mo.Kareem]

السلام عليكم
الف سلامة عليك مرة تانية
هى سعرها بيتفاوت من 580 : 1000 جنيه ، والمفروض ان دكتور العظام هو اللى هيطلبها منك مش انت اللى بتعملها من مزاجك يعنى ، ولو لا قدر الله فيه اربطة او غضروف افضل حل انك ديما تكون فارد رجلك ومتتنهاش خالص ، حتى لو هتصلى تصلى على كرسي ، ومتعملش عليها اى مجهود ودور العلاج الطبيعى انه بيعمل تقوية عضلات بس بأشاعة الليزر وجلسات الكهربا وجهاز تانى كده ، ده اللى انا بعمله فى الوقت الحالى
ومرة تانية الف سلامة عليك

[sasa44]

ربنا يستر

[sasa44]

انا رجلي علطول رافعها على مخدة بس لما اجي لنزلها على الارض بتحمر بطريقة رهيبة مش عارف كده طبيعي ولا ايه ؟؟؟؟؟؟؟

[sasa44]

السلام عليكم و رحمة الله و بركاته

خلاص مفيش مشكلة, خليك رافع رجلك, بس طول مانت قاعد, اتسلى, ازاااااااااااااااااااى:

أنك تحاول تتنى ركبتك و تفردها و تتنى الكاحل و تفرده و مشط رجليك كذلك, يعنى اعمل فى رجليك من أول الركبة و أنت نازل, كووووووووووووووول الحركات الممكنة, زى الرجل السليمة بالظبط, هتلاقى الموضوع فى الأول مرهق و متعب و مؤلم و مش جايب همه, بس, بعد أسبوع, هتلاقى أن مجال الحركة فرق معاك جااااااااااااااااااااامد جدا.

بالسلامة ان شاء الله.

انا رجلي بتحمر قوي لما انزلها على الارض مش عارف كده طبيعى ولا ايه