يا ترى جارى بيفكر صح

[abokoko]

باختصار
جارى اللى ساكن فوق منى حمامه بيرشح عندى
وكلمته اكتر من مره - ونديت ناس جيرانا ليشهدوا على كلامنا
المهم هو النهارده جاب سباك واشترى حاجات والسباك هيشتغل عنده بكره
هو بعت لى فاتوره الحاجات اللى اشتراها ؟؟؟؟؟؟؟؟
هل انا مطاب بانى اساهم معاه فى تكاليف الاصلاح
؟؟؟؟؟؟؟؟؟؟

[kameluo]

لأ طبعا

[abokoko]

الحمد لله - انى بفكر صح ومش هظلمه
بس انسب رد عليه يكون واضح ومن غير ما نزعله بقدر الامكان - يكون ايه
؟؟

[mrghost]

نعم؟ تساهم ليه؟ هو حمام مين اللى بايظ؟
لا طبعا المشكله عنده هو مش عندك انت يعنى حضرتك ملكش دعوه بحاجه اهم حاجه انه ميسببلكش ضرر

[medododo]

طنش خالص
أو اقولك ادهن السقف عندك وأبعتله الفاتوره
:))))))))))))))))))

[midoabdeen]

بسييطة اوى
صلح سقف الحمام عندك وابعتلة الفاتورة انت كمان

[abokoko]

طنش خالص
أو اقولك ادهن السقف عندك وأبعتله الفاتوره
:))))))))))))))))))

ههههههههههههههه
هو ده الرد المناسب فعلا

[chicobon]

معقوله في ناس كده وانت تدفع في في حاجة في بيتهم ليه لو ماسورة خارجيه ماشي انما لو جوة شقته اكيد انت ملكش صالح ده ايه الجيران الهنا دول سبحان الله الي يعيش يما يشوف

[dr.hazem]

معروف في الموضوع ده صاحب الحمام بيتحمل الموضوع كله وكفايه ان الدهان عندك باظ


تحياتي

[abokoko]

معقوله في ناس كده وانت تدفع في في حاجة في بيتهم ليه لو ماسورة خارجيه ماشي انما لو جوة شقته اكيد انت ملكش صالح ده ايه الجيران الهنا دول سبحان الله الي يعيش يما يشوف

حضرتك انا كتبت - باختصار -
وتجنبت ان اخوض فى التفاصيل
النهارده لما كلمته كانت رابع مره
وقبليها هو بيستخدم الاسلوب الناعم والمنمق من الكلام
زى انا اخوات ويهمنا منزعلش من بعض ووو
وقال انه لا يعرف سباك وانى انا اجيب له سباك اهل ثقه
!!!
وعموما وبرضه بالاختصار - النهارده لما السباك طلب منه الحاجات -قال لى انى اروح معاه نشتريها
وقلت ماشي - كله مصلحه ليا - ورحت فعلا معاه اشترينا الحاجات بعربيتى ورجعنا والحمد لله
وبعدها لقيته باعت لى فاتوره الحاجات اللى اشتراها

[moh19227]

حضرتك انا كتبت - باختصار -
وتجنبت ان اخوض فى التفاصيل
النهارده لما كلمته كانت رابع مره
وقبليها هو بيستخدم الاسلوب الناعم والمنمق من الكلام
زى انا اخوات ويهمنا منزعلش من بعض ووو
وقال انه لا يعرف سباك وانى انا اجيب له سباك اهل ثقه
!!!
وعموما وبرضه بالاختصار - النهارده لما السباك طلب منه الحاجات -قال لى انى اروح معاه نشتريها
وقلت ماشي - كله مصلحه ليا - ورحت فعلا معاه اشترينا الحاجات بعربيتى ورجعنا والحمد لله
وبعدها لقيته باعت لى فاتوره الحاجات اللى اشتراها

دا برود ياباشا فكك منه وقوله مع نفسك وهاتهاله صريحه

[Screenplays]

قوله هو انا باجي استحمي في حمامكوا عشان اساهم في اصلاحه ؟

[MASERATI]

السلام عليكم و رحمة الله و بركاته

اللى حمامه بينقط هو اللى يشيل الليلة, الا اذا كنت أنت راجل غنى أوى و جارك ده فقييييييييييييييييير أوى, و أنت عاوز تساهم معاه من باب الانسانية, يبقى كلام تانى, لكن العادى, أنه هو اللى يشيل الليلة.

قال يبعتلك الفاتورة قال !!!!!!!!!!!!!!!, مابعتلكش العيال ولاده, ياخدوا منك المصروف الصبح ؟؟؟!!!!!

ايه الاستهبال و القرف ده, هتخلوا الواحد يتوقف على الفاضى و لا ايه.

[rockana9112007]

المشكلة دى بصراحة مقرفة جداااا وبتسبب حساسيات كبيرة بين الجيران
بس لازم فيها الصراحة عشان يبقى الكل على نور

وطبعااا كل واحد بيشيل ليلتة

[Egyzizo]

أنا مختلف معاكم ..
الماسورة فى بيته أيوه ، لكن أنا اللى متضرر ..
هو ماكانش متضرر حاجة وعملها عشانى.
لو ماعملهاش ماكانش هيخسر حاجة.
بس التصليح عمل له قلبة فى بيته وصنايعية داخلين خارجين
وكل ده عشانى.

أعتقد من اللياقة المساهمة فى المصاريف بالنصف.