كارثه عالميه : نفاذ اخر قطره بترول في العالم في عام 2042 تقريبا ...

[Screenplays]

[justify]... في حال استمرار الاستهلاك العالمي بالمعدل ده
و طبعا حال الاستهلاك هيستمر بالمعدل ده
و بدل ما احنا قاعدين نقول ننتخب ابو اسماعيل و لا عمر سليمان
ياريت نفكر في حلول بديله للبترول زي بقيه الدول المتقدمه
المصدر : Worldometers - real time world statistics
في كوارث تانيه ما قادر اذكرها عشان مرضي القلب و السكر
فياريت تتصفحوا الموقع ده و تقولولي الكلام اللي فيه صح و لا لأ
[/justify]

[wassim_nasser]

ياعم ربنا يديك و يدينا طولت العمر .. يامين يعيش ! وبعدين فيه كذا شركة بدأت تعمل عربيات بالكهربا ومنها جنرال موتورز اللي عملت شيفروليه فولت ودي تتشحن بالكهربا زي الموبايل وتمشى بدون بنزين .. يعنى محلولة اهى

[MohaMed_Refaat]

يا مين يعيش :)))
اكيد حيكون فى مصدر طاقة بديلة اخترعوة سعتها

[hemalotfy]

عيشني انهارده وموتني بكره

[Mzeid]

ان شاء الله لو لنا عمر لليوم دة ......

ثانيا الحلول الموجودة حاليا في مجال المعرفة الحالية للعلم هي 3 حاجات

مزارع شمسية
مزارع رياح
هيدروجين

[DreAmO]

ليه الردود السلبيه دي ؟!

لو اللي قبلنا قالوا ( يا مين يعيش لبكره )

ماكنش زمانا قاعدين عالنت ولا عندنا اي حاجة

[lanos2004]

وقتها مش هنكون محتاجين بترول وبنتنقل من مكان لمكان عن طريق الجن-وسعر الجن هيتحدد على هوة كام رجل وكام دراع وعلى الاساس دة هندفع الضريبه

[muslim_nsb]

كويس انك قلت علشان الواحد يبيع عربيته قبلها بسنه ولا اتنين
على فكره وانا في تقريبا 5 او 6 ابتدائي في اوائل الثمانينات كان في درس في اللغه العربيه عن نفاذ مياه النيل سنة 2000

[dodo2000]

المفروض نبدا رحلة البحث عن البدائل

[shod90]

يا مين يعيش اية يا جدعان !! .. مهيبقى عندكوا اولاد و هما اللى هيضروا جامد !!

[AirForces]

الموقع مكتوب فيه هيخلص بعد 42 سنة يعنى سنة 2054 إن شاء الله
لكن اعتقد دا المخزون العالمى ودا مختلف عن مخزون امريكا لأن امريكا بتنتج وبتستورد وبتستهلك من اللى بتنتجه وتخزن اللى بتستورده يعنى لما المخزون العالمى يخلص امريكا هيكون لسه عندها مخزون وهتتحكم فى العالم .. دا بإفتراض انه مفيش مصدر بديل لكن فى مشاريع كتير جدا للطاقة المتجددة بس طبعا فى الدول المتقدمة .. كان فى مؤتمر من سنة تقريبا فى مصر انه اوروبا عاوزة تنشئ محطات طاقة شمسية فى الصحرا الغربية وهيصدروا لبلادهم واكننا بنأجرلهم
بس اعتقد المشروع اتلغى او اتأجل فى ظل الظروف الحالية

[Screenplays]

الموقع مكتوب فيه هيخلص بعد 42 سنة يعنى سنة 2054 إن شاء الله
لكن اعتقد دا المخزون العالمى ودا مختلف عن مخزون امريكا لأن امريكا بتنتج وبتستورد وبتستهلك من اللى بتنتجه وتخزن اللى بتستورده يعنى لما المخزون العالمى يخلص امريكا هيكون لسه عندها مخزون وهتتحكم فى العالم .. دا بإفتراض انه مفيش مصدر بديل لكن فى مشاريع كتير جدا للطاقة المتجددة بس طبعا فى الدول المتقدمة .. كان فى مؤتمر من سنة تقريبا فى مصر انه اوروبا عاوزة تنشئ محطات طاقة شمسية فى الصحرا الغربية وهيصدروا لبلادهم واكننا بنأجرلهم
بس اعتقد المشروع اتلغى او اتأجل فى ظل الظروف الحالية

انا ضفت ال 42 سنه علي سنه 2000 و انا ناسي اننا في 2012 و ياتري حضرتك شفت بقيت الكوارث ؟ زي كميه استهلاك المخدرات العالميه مثلا و التعداد السكاني ؟

[AirForces]

انا ضفت ال 42 سنه علي سنه 2000 و انا ناسي اننا في 2012 و ياتري حضرتك شفت بقيت الكوارث ؟ زي كميه استهلاك المخدرات العالميه مثلا و التعداد السكاني ؟

اه هو معدلات استهلاك المخدرات رقم مرعب الصراحة بس التعداد السكانى اعتقد معقول هنبقا 10 مليار على 2200 والطبيعى انه الرقم بيتضاعف كل 40 سنة فكدا اقل من الضعف بحوالى 2 او 3 مليار

[ahmed_belta]

مفيش بترول يعني مافيش محطات توليد كهربا
مفيش كهربا يعني مافيش "حاجة خالص" مابين قوسين وفكر فيها شوية"
مفيش حاجة خالص يعني بلاوي سودا كتير
البلاوي السودا دي بقى مابتحصلش مرة واحدة في العالم كله ذي ماحنا متوقعين
لأ دي بتحصل في مناطق و المناطق دي بتأثر على المناطق المجاورة ليها
ذي موضوع السولار في غزه و تأثيره علينا هه
و غزة دي نقطه جنب مصر
لو سبت نفسك 5 دقايق بس تفكر في المواضيع دي يا ريس
كل سنة و انت طيب
ماتفكرش أحسن

[besso]

المفروض بقى احنا نعمل ايه
نستنى لما الدول الكبرى تشوف حلول وبعدين ناخدها منهم
ولا نفكر معاهم بل ونسبقهم كمان والله حرام حرام البلد اللى بتضيع دى والعقول اللى فييها

على فكره شوفت كتيير على اليوتيوب عربيه هندى بتمش بالهواء المضغوط
بس مكانتش سرعتا عاليه يعنى
وعلى فكره الهواء المضغوط قوى لدرجه انو يمشى عربيه لكن تقول ايه بقى للى مش عايز لاى بديل اخر انو يظهر
بسبب جشع شركات البترول العالميه

لانو لو اختراع زى ده انتشر هايقضى على حاجات كتييير
زى بردو العربيات اللى بتمشى بالميه نفس الحكايه

لكن انا وجه نظرى انو الشركات ممكن تغير اتجاهها وابحاثها
بحيث انها ممكن تستخدم البيو غاز
اللى هو الاغاز العضوى (بينتج عن طريق دفن القمامه تحت الرمال وبعد فرته بيطلع غاز)
وبردو فيه بيو ديزل بس مش عارف بينتج ازى
وان ممكن الشركات تحاول بقى تشوف حلول لاضرار المحروقات دى

مين عالم ياخبر النهارده بفلوس بكره يبقى ببلاش