كده هرتلة

[A7MED_PHARMA]

السلام عليكم


امبارح
خبر إعلان السيد (المحترم) عمر سليمان
ترشحه لرئاسة الجمهورية
على قناة المحور..المذيع صاحب الرأس(اللامعة) سيد بيستقبل مكالمات من ناس

الناس دي بتقول إيه

واحد معتوه..بيقولك أنا من ثوار التحرير وشايف ان السيد عمر سليمان اول من إعترف بالثورة
وواحد تاني يقولك..إن عمر سليمان..ماكنش عاوز يترشح..ونزل على (رغبات) الجماهير اللحوحة
وقبل انه يترشح..علشان خاطر الشعب عاوز كده


وقبله عمرو موسى


وأيام انتخابات المجلس
نواب الفلول الي دخلوا الحزب الأخضر(مش حزب البانجو)
حزب الوفد
برضووو .. ساحبين وراهم كام عيل
طالعين يقولوا
احنا من ثوار التحرير .. وشايفين ان المرشح الفلاني ..أنسب الناس .. وأحسن الناس
ودي شوفتها بعيني
دائرة ديرب نجم
طلعت السويدي الراجل الي لم عمال المصانع بتاعته..وخرج بيهم في الزقازيق لتأييد المخلوع
ولما المخلوع وقع
دخل انتخابات المجلس..عن حزب الوفد
وطلع في مؤتمر حزب الوفد في الشرقية..وقال انه طول عمره وفدي قلبا وقالبا
ومعاه كام زغلول..طالعين يقولوا انهم ثوار..وبيحبوا عموا طلعت السويدي



.


ام البجاحة وقلة الأدب
انا مش عارف اقول ايه



بجاحة وقلة أدب
وشهيد الداخلية الي مات امبارح

جنازة مهيبة..وكل رتب الداخلية بما فيها وزير الداخلية نفسه

وعشرات المصريين بيموتوا..ويتخطفوا كل يوم ولا حد بيحط في دماغه

.
بجاحة دي ولا الي اختشوا ماتوا
.



الكل أخد براءة
الكل برئ
الثوار محدش قتلهم
.
الجيش سايبها تولع
.
الناس هتموت بعض على الغاز والجاز والبنزين
.
الاسعار ملهاش رابط





انا عارف ان كلامي مش جديد
بس فكرة ترشيح عمر سليمان .. الي بيقول ان الشعب هو الي عاوزه
حرقت دمي




اقول ايه


نفسي أقف في التحرير
وأشتم شتيمة قبيحة للبلد كلها

[mr_vampire]

اومــــــــــــــــــــــــــــــــــــال ايه بقي هقضي باقي ايامي بجوار عائلتي واحفادي؟؟؟؟؟؟؟؟؟

[A7MED_PHARMA]

وكان بيقولك ..إستراحة المحارب

تقريبا إستراحة المحارب دي في شرم

[elbeheri]

مفيش ثورة .......كانت لعبة

[elbeheri]

اكتر نكتة متداولة على الفيس دلوقتى :
مرة شعب عمل ثورة عشان يشيل النظام القديم جابو ليه الاقدم منه........ ههههههههههه

[maryano]

مبروووك عليناااااا السجن يا رجاله دة واحد بيقول المصريين مش مؤهلين للدمقراطية متقوقع لو كسب مصر حتبقي شكلهاا ايه !!!!

[alaasaid]

و الله يا جماعة الشعب المصرى فى كل مرحلة بيثبت انه على وعى كبير و عارف الناس دى كويس على حقيقتها و ان شاء الله الاشكال دى هتسقط

[bHa2]

الـ tv بقي عباره عن مستنقع من الاخبار المقززه
خلاص بقي عندي لا مبالاه غريبه تجاه الكلام دا
لاني عارف انها عمرها ما هتتعدل
وقولت الكلام دا من قبل ما مجلس الشعب يمشي
الحل ان كل واحد يقول يلا نفسي ومليش دعوه بغيري
هخلص دراسه واسحب ورق هجره ان شاء اروح اسرائيل
اهم حاجه بعيد عن القرف دا
افه مصر ف شعبها اللي بيعمل من اي حاكم فرعون ويفضل يسبح بحمده
الفرصه الوحيده للثوره ع النفس كانت ايام اللجان الشعبيه و القعده ف التحرير
لما كان يبقي ف ايدك رغيف تقسموا مع خمسه و تشبع برضه
دلوقتي لو الناس تطول تاكلك هتاكلك :(

[Screenplays]

عادي اللي بيسبحوا بحمد مبارك هيسبحوا بحمد سليمان و هي دي العيشه مع كوك زيرو

[تامر.محمد]

برغم ان كل ده عاملينه نفس الاشخاص

بس لما تروح قل لي عشان اجي معاك

[rompo10]

والله صعبان عليا الناس اللي استشهدت ربنا يجبلهم حقهم

[max_ziro]

و راحت بعد كل الى عملناة ..

[rockana9112007]

دى مسرحية ومسرحية خايبة كماااان ................................بس اللى هينقطنى ان فعلاااا فى ناس كتير بتصدق وبتنبهر كماان

بس اعتقد ان دة هو المشرح اللى المجلس العسكرى هيدعمة فى السر ويزورله كمان الانتخابات

[A7MED_PHARMA]

طبعاااااااا

هيتم التزوير..والإخوان طالما أنتخوا في العسل مع المجلس
هيفوتوله تزوير الانتخابات .. طالما معاهم مجلس الشعب


.
حسبي الله ونعم الوكيل في كل البشر دي

[amrelsaqqa]

انا صابر لحد شهر 7 .. او 8 بالكتير

اما اشوف اخرتها ايه ..

حصل انتخابات وحصل تسليم سلطة بجد ، و بان ان البلد هتنضف ويتصلح حالها .. كان بها

لو فضل التعريض اللى في البلد هو هو ، مش هقدر اقعد اكتر من كدة ... وهفكر جديا في السفر او الهجرة