استفسارات مهمة لخبراء ال tablets

[Mfaisal89]

السلام عليكم

أنا كنت عايز أشترى تابلت مستعمل فى حدود 2000 - 2500 جنيه علشان أستخدمه أساسا فى القراءة و ( المذاكرة ) .. فكنت عايز واحد أقدر أشغل منه ملفات pdf بشكل واضح ومريح وفى نفس الوقت يكون فيه قاموس محترم ( اوفلاين ) فيه انجليزى وفرنساوى .

الصراحة مش عارف الفلوس اللى معايا دى تجيب ايه بالظبط .. ومش عارف أختار أى نوع ؟ آيباد ولا حاجة تانية بتشتغل بأندرويد .

مستنى منكم النصيحة ولك الخير يا فاعل الثواب

[omarsami2009]

شوف الجلاكسى تاب 7 بلس او لو تزود شويه و تشوف واحد 10 يكون نضيف

[mody3on]

معرفش اسعار المستعمل بصراحة .. بس دور على جالاكسي تاب او ايباد 2

[Mfaisal89]

متشكر يا جماعة بس للأسف ماقدرش أزود على الفلوس حاجة :D

هو الفرق كبير بين Ipad 1 و 2 ؟؟

[Curbis]

لو عاوزه عشان قراءة الـ PDF ، هاتلك E-Reader زي كيندل بتاع أمازون أو سوني ريدر

الحاجات دي بتستخدم تكنولوجي اسمها E-Ink يعني الشاشة مش بتطلع ضوء في عينك ، هي بتعكس الضوء بس زي صفحات الكتاب العادي عشان متوجعش العين ، وغير كده رخيصة في حدود 100 أو 150 دولار بالكتير :)

هي عيبها انها أبيض وأسود مش ألوان

ده فيديو بيقارن بينهم

http://www.youtube.com/watch?v=BLYfVNWqEwQ

[Mfaisal89]

طب ايه رأيكم فى موتورولا زووم mz604 ؟؟؟؟

[Curbis]

طب ايه رأيكم فى موتورولا زووم mz604 ؟؟؟؟

الموتورولا زووم كويس جدا بس تقريبا نفس سعر الايباد ، رأيي ان الأيباد أحسن

وفي الجالاكسي تاب جميل برضو

[abou-yahia]

هات حاجه ويندوز تابلت

احسن مليون مره من كل الجديد

عيبه الوحيد انه اثقل في الوزن غير كده ممتاز

وانصحك بلجهاز ده




A touch screen and more – The Inspiron duo Tablet PC | Dell

وبلتوفيق