عايز اشتري شقة يكون سعر المتر 2000 جنية ايه افضل مكان؟

[medo_msmsa]

محتاج رأيكو في شراء شقة يكون سعر المتر 2000 جنية تقريبا مساحتها 110-120 متر ايه افضل مكان اشتري فيه بالاسعار دي؟ وهل الوقت مناسب للشراء؟
علماً اني كنت في الصيف كنت قريب جدا من شراء شقة في كومبوند اسمة النخيل (على الدائري جنب سما تاور وعباد الرحمن عند نازلة مدينة نصر) بس اختلفنا على فرق بسيط في السعر، هل المكان ده يعتبر كويس ولا في افضل

[المنسي]

حضرتك ياريت تحدد المناطق اللى ممكن تناسب حضرتك وساعتها نقولك يعني ممكن اقترح منطقة بالسعر اللى انت عايزه ومتكونش مناسبة ليك من حيث البعد مثلا

[شريف]

هو لازم نكون العماره جديدة؟
في العمارات القديمه بتبقي الاسعار اقل طبعا

[EL Tanna]

ممكن فى هضبه الاهرام
المتر فى البوابه الاولى بيعمل حوالى 1050-1150 كاش
انا لسه كنت بدور هناك من كام اسبوع بس طبعا الاسعار دى اسعار الشقق بس مش فاكر كانت على الطوب الاحمر ولا على المحاره :d

[ASHAALAN]

معلش سؤال لو سمحت، إنت قصدك النخيل ال في التجمع الاول عند نادي وادي دجلة؟

[wel00000]

الحى التاسع العبور من 1600 - 2200 و الحى الخامس العبور فى رنج 1500 - 1600 و الشروق المنطقة السابعة و حى الواحة مدينة نصر بس اعتقد ازيد من 2000 بشوية

[mohamedbook]

اعتقد ان الهضبة مستقبلها كويس لو يناسبك المكان الاسعار تقريبا 1200 االي 1500 او ازيد حسب المعمارة والمكان

[abou-yahia]

مدينه المعراج خلف كارفور قبل زهراء المعادي

الاسعار هناك حتعجبك جدا

والمكان كمان

[أبو ياسين]

المقطم الهضبة الوسطى - الحى الثانى

[sas5]

ممكن فى هضبه الاهرام
المتر فى البوابه الاولى بيعمل حوالى 1050-1150 كاش
انا لسه كنت بدور هناك من كام اسبوع بس طبعا الاسعار دى اسعار الشقق بس مش فاكر كانت على الطوب الاحمر ولا على المحاره :d

السلام عليكم ورحمه الله
معذره اعتقد انه فيه حاجه غلط - فانا على مدى الشهور الماضيه كنت بابحث عن شقه فى هضبه الاهرام والحمدلله اشتريت فى او فبراير الماضى والاسعار مختلفه عما ذكرت
فالبوابه الاولى الاسعا فيها تتراوح مابين 1600 الى 2000 جنيها واغلى شارعين بها هما شارع الثروه المعدنيه وجاردينيا وكلما دخلت للداخل السعر يقل
البوابه الثانيه السعر يتراوح مابين 1200 الى 1400 جنيها ويقل السعر كلما دخلت للداخل
البوابه الثالثه والرابعه الاسعار تتراوح مابين 900 - 1200 جنيها حسب الموقع
اهم شى فى الهضبه لازم الشقه يكون راكب فيها حديده الكهرباء وعداد كهرباء بدون ذلك لاتشترى.
افضل طريقه وافضل من السماسره هى موقع الوسيط على النت .
هذه الايام افضل وقت للشراء ولاتنتظر للصيف لانه دائما ترتفع الاسعار مع دخول الصيف

[medo_msmsa]

حضرتك ياريت تحدد المناطق اللى ممكن تناسب حضرتك وساعتها نقولك يعني ممكن اقترح منطقة بالسعر اللى انت عايزه ومتكونش مناسبة ليك من حيث البعد مثلا

مفيش منطقة معينه بس مش ميال للمناطق البعيدة زي العبور والشروق وبرضة مش عايز في الجيرة خاصة المناطق البعيدة زي هضبة الاهرام مثلا اعتقد المناسب ليه يكون على الداشري بين مخارج مدينة نصر والمعادي ممكن التجمعات الأول والثالث وهل بالاسعار دي في في الخامس؟ بس تكون منطقة عمرانه اصلي شفت حاجات غريبة بعيد عنك

[medo_msmsa]

معلش سؤال لو سمحت، إنت قصدك النخيل ال في التجمع الاول عند نادي وادي دجلة؟

معرفش اللي في التجمع الاول بس اللي انا اقصدها بالظبط لو انت على الدائري ومتجه من مدينة نصر الى المعادي هتيجي على اليمين قبل سما تاور بالظبط هتلاقي مجموعة عماارات طالعة لونها اصفر واضحة حوليها سور

[medo_msmsa]

اعتقد ان الهضبة مستقبلها كويس لو يناسبك المكان الاسعار تقريبا 1200 االي 1500 او ازيد حسب المعمارة والمكان

انت تقصد هضبة المقطم قصاد كارفور المعادي؟ عموما مش عارف مرتحتش ليها ليه لقيت العمارات معظمها بانيها مقاولين ولما تكلمهم تحس كلمتهم مش واحدة غير ان مفيش خدمات الا في المنطقة اللي جنب الجامعة

[medo_msmsa]

مدينه المعراج خلف كارفور قبل زهراء المعادي

الاسعار هناك حتعجبك جدا

والمكان كمان

ايوووووووووة سمعت عنها كتير بس مرحتهاش عايز تفاصيل اكتر عن الاسعار والمساحات وهل اللي باني المدينة شركة ولا نظام بناء عشوائي ومقاولين والجو ده، كمان عايز اعرف الموقع بالظبط وهل هي على الدائي مباشرة؟؟؟ وفي الجنب اللي فيه كارفور ولا الجنب نادي الصيد؟

[medo_msmsa]

السلام عليكم ورحمه الله
معذره اعتقد انه فيه حاجه غلط - فانا على مدى الشهور الماضيه كنت بابحث عن شقه فى هضبه الاهرام والحمدلله اشتريت فى او فبراير الماضى والاسعار مختلفه عما ذكرت
فالبوابه الاولى الاسعا فيها تتراوح مابين 1600 الى 2000 جنيها واغلى شارعين بها هما شارع الثروه المعدنيه وجاردينيا وكلما دخلت للداخل السعر يقل
البوابه الثانيه السعر يتراوح مابين 1200 الى 1400 جنيها ويقل السعر كلما دخلت للداخل
البوابه الثالثه والرابعه الاسعار تتراوح مابين 900 - 1200 جنيها حسب الموقع
اهم شى فى الهضبه لازم الشقه يكون راكب فيها حديده الكهرباء وعداد كهرباء بدون ذلك لاتشترى.
افضل طريقه وافضل من السماسره هى موقع الوسيط على النت .
هذه الايام افضل وقت للشراء ولاتنتظر للصيف لانه دائما ترتفع الاسعار مع دخول الصيف

في تضارب اءراء عن مشروع هضبة الاهرام في ناس رايها ايجابي جدا وفي ناس العكس ممكن تفاصيل اكتر وهل هي كاختيار افضل من كل المتاح واللي الناس اتكلمت عنه في التوبيك