أكتر موقف خلاك تقول محدش بيتعلم ببلااااااش؟؟

[grand hand]

أكيد قلت الكلمة دى فى يوم من الأيام

بعد موقف أو تجربة معينة

حسيت بعدها إنك اتعلمت درس بس دفعت تمنه غالى

إحكى وقول الموقف ده

وقول التمن كان إيه واتعلمت إيه

عن نفسى كنت بثق جداً فى أحد الأصدقاء
وكنت بقوله تقريباً على معظم أسرارى وبفتح له قلبى فى كل شئ،
وكنت بحس إنه مؤتمن خصوصاً إنه متدين وبتاع ربنا ومش لئيم
إلى أن حصل منه موقف عرفنى إنه
مش لازم صديقك المفضل تكون انت عنده الصديق المفضل
واتعلمت أكون حريص أكثر فى التعامل مع الناس
واقفل حنفية الثقة فى الناس والطيبة الزيادة
اللى كانت ممكن تخلينى مثلاً أسافر مخصوص عشان أخدم حد
(أى حد) بدون انتظار لشكر أو مقابل وكنت بستمتع جداً بده،
لحد ما بدأت أحس إن الصفة اللى كنت شايفها أكبر ميزة فيا
بدأت تتحول لشئ سلبى، وبدأت أحس إن ناس كتير بتستغل ده
وممكن حد يتقرب لك مش لشخصك
ولكن لمصلحة وبعدها بخ مع السلامة.

وده من اكبر الدروس اللى اتعلمتها

والتمن كان وقت كبير قضيته موهوم مكانش لازم أضيعه

ياريت كل واحد يشاركنا بتجربة أو موقف
ويقول اتعلم منه إيه

[أبو إياد]

بص ياصاحبى لو ماخدتش فوق دماغك مش هاتتعلم بس اكتر عيب فى الانسان ياذى بيها نفسه وماتضرش الاخرين هو الثقه العمياء

[shaddadfalcon1]

اني اتجووزت :)

[Ahmed_Rahem]

نفس الموقف مع واحد كنت بعتبرة صاحبى - وانا فى اعدادى - عمل مفتاح على مفتاح الشقة، والشقة اتسرقت مرة ولكن لحمد ربنا مكنش فيها فلوس، وعملت لعبة انا واخويا ووالدى ومسكناة بالمفتاح الى معاة.
وللأس دة مأثر فيا لحد دلوقتى انى مبيعشليش اصحاب، يعنى معنديش انتيم، او صاحب لفترة طويلة.
دة غير ان معنديش ثقة فى اى حد خالص، ولو اديت حد ثقتى بتكون فى حاجة لو راحت مش هتفرق معايا.
بس برضة مش بخون كل الناس، انا فقط بكون حذر زيادة عن اللزوم لدرجة كبيرة شوية.

[Sherifmt]

ونفس القصة أتكررت معايا وانا بجد باتمني ربنا يقدرني وأعلم أبني الدرس ده كويس بلاش الطيبه لحد الهبل ومهما كان صاحبك لازم يكون فيه حدود وعلشان تكون قوي لازم انت دايما اللي تقود علاقة الصداقة بما يرضي الله ولا تقبل أملائات صديقك وزنة علي ودانك .....والا لا تلوم الا نفسك ..... ده درس من الحياة مش بيدرس ولا في مدرسة ولا حتي جامعة .........تحياتي من مكه

[المنسي]

اكتر موقف قلت لنفسي محدش بيتعلم ببلاش لما تكون بتحب حد جامد جدا وتثق فيه وتكتشف انه بيلعب بيك ساعتها فعلا قلت محدش بيتعلم ببلاش بعد ماتكون طبعا خسرت حاجات كتير

[grand hand]

بص ياصاحبى لو ماخدتش فوق دماغك مش هاتتعلم بس اكتر عيب فى الانسان ياذى بيها نفسه وماتضرش الاخرين هو الثقه العمياء

كلامك صح جدا يا ابو اياد ومحدش بيتعلم ببلاش

وفى مثل جميل جميل بيقول حرص ولا تخون

عموما الاشياء غير المتوقعة لما تجى من اشخاص غير متوقعين بتبقى صعبة ومؤلمة

اني اتجووزت :)

ههههههههه

ليه بس ياباشا

العازب مش عاجبه والمتجوز برضه مش عاجبه حاله طب الحل ايه

ونفس القصة أتكررت معايا وانا بجد باتمني ربنا يقدرني وأعلم أبني الدرس ده كويس بلاش الطيبه لحد الهبل ومهما كان صاحبك لازم يكون فيه حدود وعلشان تكون قوي لازم انت دايما اللي تقود علاقة الصداقة بما يرضي الله ولا تقبل أملائات صديقك وزنة علي ودانك .....والا لا تلوم الا نفسك ..... ده درس من الحياة مش بيدرس ولا في مدرسة ولا حتي جامعة .........تحياتي من مكه

مظبوط كلامك.. وتحياتى من مصر

اكتر موقف قلت لنفسي محدش بيتعلم ببلاش لما تكون بتحب حد جامد جدا وتثق فيه وتكتشف انه بيلعب بيك ساعتها فعلا قلت محدش بيتعلم ببلاش بعد ماتكون طبعا خسرت حاجات كتير

بيكون صعب جدا وبتحس ان مفيش امان للبشر

وممكن تقلب بفقدان الثقة فى كل شئ لو كانت الصدمة شديدة شوية

[grand hand]

نفس الموقف مع واحد كنت بعتبرة صاحبى - وانا فى اعدادى - عمل مفتاح على مفتاح الشقة، والشقة اتسرقت مرة ولكن لحمد ربنا مكنش فيها فلوس، وعملت لعبة انا واخويا ووالدى ومسكناة بالمفتاح الى معاة.
وللأس دة مأثر فيا لحد دلوقتى انى مبيعشليش اصحاب، يعنى معنديش انتيم، او صاحب لفترة طويلة.
دة غير ان معنديش ثقة فى اى حد خالص، ولو اديت حد ثقتى بتكون فى حاجة لو راحت مش هتفرق معايا.
بس برضة مش بخون كل الناس، انا فقط بكون حذر زيادة عن اللزوم لدرجة كبيرة شوية.

تجربتك صعبة واعرف حد عاش نفس تجربتك تقريبا، كان له صاحب انتيم وكان بيجهز شقته للجواز وصاحبه ده اكل شارب داخل طالع معاه والناس شايفنهم مع بعض فاكرنهم اخوات لدرجة كان مديله نسخة من مفتاح الشقة، وفى يوم بيفتح الشقة لقاها عالبلاط العفش والاجهزة الكهربائية وكل شئ حتى انبوبة البوتاجاز ملقاهاش، خبط عالجيران قالوله ده صاحبك جه امبارح وحمل كل حاجة على عربية نقل وقال انك هتنقل الحاجة لشقة جديدة، المهم عمله كمين واصطاده واهل صاحبى روقوا الواد وخد علقة محترمة واتحبس مش فاكر قد ايه... الغريب بقى ان صاحبنا اللى اتسرق مهانش عليه العشرة وكان بيزوره فى السجن اه والله وكان بياخد معاه اكل كمان لحد ما خرج.. مش عارف ازاى ممكن بنى ادم يخون صاحبه ويبيعه مقابل لا شئ او حتى مقابل شئ!

[magid1010]

اني اتجووزت :)

+111111111 ههههههه طبعا انا خت الدرس ده و لسه بعانى منه

[Lion_Heart]

تجربتك صعبة واعرف حد عاش نفس تجربتك تقريبا، كان له صاحب انتيم وكان بيجهز شقته للجواز وصاحبه ده اكل شارب داخل طالع معاه والناس شايفنهم مع بعض فاكرنهم اخوات لدرجة كان مديله نسخة من مفتاح الشقة، وفى يوم بيفتح الشقة لقاها عالبلاط العفش والاجهزة الكهربائية وكل شئ حتى انبوبة البوتاجاز ملقاهاش، خبط عالجيران قالوله ده صاحبك جه امبارح وحمل كل حاجة على عربية نقل وقال انك هتنقل الحاجة لشقة جديدة، المهم عمله كمين واصطاده واهل صاحبى روقوا الواد وخد علقة محترمة واتحبس مش فاكر قد ايه... الغريب بقى ان صاحبنا اللى اتسرق مهانش عليه العشرة وكان بيزوره فى السجن اه والله وكان بياخد معاه اكل كمان لحد ما خرج.. مش عارف ازاى ممكن بنى ادم يخون صاحبه ويبيعه مقابل لا شئ او حتى مقابل شئ!

ايه الندالة دى !!!!!!!!!!!!!
معلش و ايه سذاجة صاحبك دع اللى بيروح يزوره ؟؟؟؟؟؟؟؟؟

[grand hand]

ايه الندالة دى !!!!!!!!!!!!!
معلش و ايه سذاجة صاحبك دع اللى بيروح يزوره ؟؟؟؟؟؟؟؟؟

هو مش ساذج ولا حاجة ابدا ده ناصح جدا وعنده خبرة كبيرة فى الحياة كمان، ممكن يكون صعب عليه العيش والملح وسنين العشرة او شاف ان صاحبه كان مضطر او فى ظروف اجبرته على حركة الندالة دى او اى شئ تانى الله اعلم!