مقارنه غريبه حبيتين صحبك ولا حبيبتك

[mohamedkordy]

صاحبك ولا حبيبتك؟؟

عمرك اتحطيت في الموقف ده قبل كدة؟ تخيل كدة ان حبيبتك جيت قالك في مرة( يا انا يا صاحبك في حياتك) هتعمل ايه؟؟؟؟؟؟



طبعا انا مش بتكلم هنا على واحد بتشوفه في الجامعة و اللا في النادي و بينكم سلامو عليكم و عليكم السلام و كلمتين و اقلب



يكش يولع و لا يغور في داهيه لأ ده اصلا مش صاحب ده مجرد زميل . انا بتكلم على صاحبك.صديق عمرك.صاحبك الأنتيم.تعرفوا بعض بقالكم سنييييييين ع الحلوة و ع المرة سوا .نصك التاني .صاحبك جدا جدا جدا



بينكم ذكريات جميله أوي مع بعض و خروجات وهزار و خناقات و مواقف مش هتنساها في عمرك كله



صاحبك اللي الناس بيحسدوك عليه و يقولولك انا عمري ما شفت اتنين اصحاب بيحبوا بعض كدة و الله بجد ايه ده انتوا فظاع و لايقين على بعض اوي .تقوم انت تخمس في وشه و تقول (قل اعوذ برب الخلق) قول ما شاء الله



و بعدين تقوم قايل



بس التاني دى حبيبتي .حبيبتى. عارف يعني ايه حبيبتي ؟؟؟؟؟



يعني أرق كلمة. و أطيب قلب. و أجمل وقت انا بعيشه



يعني اللي الدنيا دي كلها ما تسواش حاجة قصاد نظرة عنيها الي بتنسيني هموم الدنيا كلها.حبيبي اللي لازم اسمع صوته قبل ما انام و انام احلم بيه و اصحى اتصل بيه و اقوله وحشتني .ده انا ابيع الدنيا كلها علشانه

طيب تختار ايه بقى ... ياعينى على الى ممكن يتحط فى الموقف ده

عايز اعرف اختيارتكوا وربنا معاكوا

[hany63]

محمد بيه ازيك
ده قسم مقارنات عربيات مش مقارنة اي حاجه الموضوع مكانه الاجتماعي
وطبعا هقول لك معرفة الرجاله كنوز بس لو حضرت الست يبقى ------------

[تامر.محمد]

حسب السبب
لو السبب ان هو مثلا انسان مش كويس (سبب يعتمد على مبدأ صحيح و يستحق ) , يبقى احتمال

لو السبب شخصي او اي حاجة , يبقى لأ

[Dr'AhmZZong]

لو أنت مقصر في حق خطيبتك بسبب صاحبك .. يبقى عندها حق ..

لكن لو هي بقى عايزة كده من الباب للطاء يبقى مينفعش .. و لازم تبقى حازم في الموضوع ده ..

[zangry]

هى ليه تقلك يا انا يا صاحبك !! ياريت توضح اكتر ..

[aboomar22]

هى ليه تقلك يا انا يا صاحبك !! ياريت توضح اكتر ..

صح الكلام ده اللى ممكن يكون فيه تفسير الطلب الغريب اللى حبيبتك بتطلبة انما لو مالوش سبب يعنى من باب التعنت او بتمشى رايها يبقى اوعى دى اولها وبعدها يمكن تقلك يا انا يا اخواتك واكتر من كده

[S O P H O S]

لازم يكون في سبب ده اولا وكلنا لحد دلوقتي مش نعرفه

تاني حاجة لو الانسانة دي انا هتجوزها وخطوبة وكده وفي سبب مقنع شوية هختارها

والعكس غير صحيح

[mohamedkordy]

هو الموضوع واحد صحبى اتحط فيه مش انا علشان صاحب الولد ده ليه علاقات نساءيه كتير غير انو مطلق فالبنت قلقانه ومش بتحب ان خطيبها يخرج معاه وهوا محتار وخد رائى وانا بسالكوا علشان كدا

[Dr'AhmZZong]

مادام كده يبقى هي عندها حق .. بتحبه يا اخي

[mohamedkordy]

مادام كده يبقى هي عندها حق .. بتحبه يا اخي

هههههه مشكلتها بتغير عليه اوى مش عارف على ايه بس تقول ايه القرد فى عين امو غزال

[GMakram]

انا شايف الفيصل فى الموضوع ده هو اولويه الدخول فى حياتك من الطرفين,يعنى اللى دخل حياتك الاول هو اللى تعمله حساب.

مش يبقى انت وصاحبك اصحاب من زمان وتدخل حياتك بعد كدا حبيبه وتطلع حد من حياتك لمجرد عدم اقتناعها او رضاها عنه,طلما من الاول هى ظهرت فى حياتك فى وجود صاحبك يبقى عليها بتقبل الامر ده وعدم استغلال اهميتها وقيمتها فى حياتك وتفرض شروط....ومن الناحيه التانيه برضو متبقاش انت وحبيبتك متعودين على نمط واسلوب حياه معين وفجأه يظهرلك صديق وتبقوا اصحاب اوى وكمان يبقى من اعز صحابك وده يعمل مشكله,لا فى الحاله دى هى اهم منه لو اتضايقت.

تحياتى

[Dr'AhmZZong]

هههههه مشكلتها بتغير عليه اوى مش عارف على ايه بس تقول ايه القرد فى عين امو غزال

هههههههههههه معلش بقى ..

و من الحب ما قتل

[تامر.محمد]

و هو بيشترك مع صاحبه في العلاقات النسائية دي ؟

الحل الصح عموما انه يبعد عن علاقات صاحبه النسائية خالص
و يبلغها بكده

بصراحة اكتر , لو علاقات صاحبه النسائية دي داخلة في الغويط , يبقى الاحسن انه ينصحه و لو ما توقفش يسيبه فعلا

بس

[aboomar22]

طيب بص لو اخوك ماشى مع واحد ليه علافات نسائية هتخاف عليه ولا ايه وهتقله ابعد عنه طيب لو انت ليك ابن هتخاف عليه ولا لا اكيد هتقلة كده اقولك حاجة تانية متيجى نعكس الموضوع لو البنت اللى ليها صاحبتها ومش هنقول بتعمل حاجة كبيرة هنقول بتعرف شباب كان هو هيبقل كده اكيد كان برضه هيخيرها بين صاحبتها وبينه صح الكلام ده بس هو يعمل ايه مع صاحبة يبعد بالتدريح يعنى معلش انا مش فاضى عندى شغل اصل وبعدين ممكن والله اعلم البنت شافت منه حاجة وحشة ومش عايزة تقول يعنى عاكسها حاول يكلمها برضه دى ننحط فى الاعتبار

[eldell]

انا فوجئت بالموضوع ده هنا دلوقتى كنت عااااايز اعرف رايكم وكنت ناوى ادخل اعمل موضوع فى القسم الاجتماعى بس على العموم انا اتحطيت فى الموقف ده من 10 اياااااااام وبتقولى لو جه دلوقتى ووقت انك تختار بينى وبين واااحد صحبى وانا مش بعتبره صاحبى انا بعتبره اخوياااااا قعدت فوق النصف ساعه عمال اتهرب الى هو مينفعش اختيار بنكم ده اخويا وانتى حبيبتى مينفعش استحاله من هنا لهنا كااااااان ردى انى اخترت صاحبى هههههههههههههههه بس بعدها لما تفكر مع نفسك بجد حاااااجه تجرح اوى بس انت ممكن تهرب من الموضوع انك تختارها هى بس انت فى دماغك انه مينفعش الاختيار بين الاتنين