هل ينفع اعمل توكيل اداره والعربيه رخصتها انتهت

[احمد المصرى]

السلام عليكم


العربيه الدايو رخصتها انتها من اسبوعين تقريبا ووالدى تعبان مش هيقدر يروح المرور هل ممكن يعمل توكيل اداره لاختى وهيا ترخصها ولا لازم تكون الرخصه ساريه



ثانيا :- مرور فيصل هل ممكن حد من ال واقفين خارج المرور يخلص الورق واستلم الرخصه وياخد فلوس وتقريبا بياخد كام

[أبو صلاح]

اعتقد ان الشهر العقاري بيرفض يتعامل مع الرخص المنتهية
وبيطلب شهادة بيانات

لكن انت ممكن تعمل صيغة التوكيل بإدارة وترخيص سيارات الاستاذ / فلان الفلاني
بدون ما تحط ارقام السيارة (علشان مايطلبش منك الرخصة)

آخر نصيحة اياك والتعامل مع غير موظف المرور شخصيا
لو معاك واسطة انت تعرفها ماشي
لكن حد انت متعرفوش بلاش وفيه نصب وحورات كتيرة بتتعمل
وعندك مرور السلام عبرة لمن يعتبر

[KemozTanta]

عشان تعمل توكيل إدارة لازم تعملة في الشهر العقاري
والشهر العقاري هيطلب شهادة بيانات طالما رخصة العربية منتهية
تروح المرور تطلع شهادة بيانات للشهر العقاري عشان تعمل توكيل إدارة هيبص علي الرخصة اللي بتطلب ليها شهادة بيانات هيلاقيها منتهية هيقولك يابية ادفع ضريبة سنه عشان تطلع + 6 جنية
هيدفعك ضريبة سنه " انت وحظك تنضاف ليك وانت بتجدد او لا "
وبعدين تاخدها وتطلع تعمل التوكيل وترجع تجدد

الافضل روح جدد الرخصة عشان الضريبة اللي تدفعها تلاقيها بدل اللفة اللي قولتلك عليها دي

[aboomar22]

هتدفع ضريبة سنة ولما تيجى تجدد مش هتدفعها تانى وعلى فكرة مرور فيصل بقى احسن كنير قوى من الاول وفيه شباك لكبار السن فاضى خالص ممكن تتعامل معاه ولو بابا يقدر يوصل للمرور هو هيقعد وانت هتخلص كل حاجة واى مشكلة ادخل لرئيس المرور الرجل المهذب المقدم باهر ابو ريه وهيخلصهالك ممكن كمان بابا يعملها توكيل عام هيمشى فى المرور انا كنت عاملة لاخويا

[احمد المصرى]

جزاكم الله كل خير يا شباب وان شاء الله هاخد والدى واروح وربنا يسهل ان شاء الله هو يقعد فى العربيه وربنا يسهل الحال ان شاء الله