مسافري دول الإمارات , أستفسار ضروري

[KemozTanta]

السلام عليكم ياجماعة
انا كان ليا استفسار الله يخليكم عشان اخوكم ميلبسشششششششش
دلوقتي انا واحد عملي فيزا سياحة في الامارات وحصلت ظروف ومش هعرف اروح
وطالب مني 1150 درهم قيمة الفيزا سياحة شهر اللي اندفعت من جيبة

هل فيزا سياحة الامارات شهر بتتكلف 1150 درهم طب هل يمكن أسترجاع قيمتها لاني مسافرتش ولا استعملتها ؟

الف شكر ليكم وارجوكم تفيدوني.

[أبو صلاح]

بص على ده كده

https://www.facebook.com/note.php?note_id=199220420088697

[أحمد كمال]

الامارات انا باطلعها ب 160 دولار لو بدون فندق و لو حجزت فندق 100 دولار

مش دي القضية بس مفيش في الدنيا فيزا refundableю يعني سافرت ما سافرتش استعملتها ما استعملتهاش مش مشكلته و لا مشكلة السفارة و لا البلد اللي انت رايحها

انا مطلع تاشيرة ب 200 دولار (و احتاجت ترجمة ورق ب 500 جنيه كمان بس الورق المترجم هيفيد في حاجات تانية) سارية ل 2012 كلها متعدد الزيارات لاحدى البلاد و احتمال كبير ما اسافرش ما ينفعش اقول لهم هات ال 200 دولار

[KemozTanta]

طيب يااحمد باشا دلوقتي كدا الفيزا ثمنها حقيقي 1100 درهم , حضرتك بتقولي ب 160 ودول حوالي 960 جنية مصري لكن ال 1100 درهم دول 1800 جنية !!
انا بس بتأكد طالما مبترجعش والمبلغ حقيقي هدفعة مش مشكلة
بس اللي قلقني اني مش عارف اوصل لمتوسط سعر الفيزا سياحة المستخرجة من داخل دولة الامارات لاني لاقيت علي الانترنت رقم 300 درهم لفيزا سياحة الامارات من شركات سياحة هناك
وبعدين الشركات المصرية كنت سائل من شهر و كانت الفيزا ب 2500 بالتذكرة ذهاب وعودة بس كان في تأمين ف ازاى ادفع 1800 فيزا بس !!

[S H @ F T]

فيزا الامارات بطلعها من مصر ب425 جنيه فقط لمده شهر
ال3 شهور هي اللي بتعمل حوالي 1000 جنيه

[محمد عز]

اظن الرقم صحيح

لان فيزا السياحة بتتكلف من مكتب سياحة حوالى 800- 1000 درهم (شاملين تامين صحى - رسوم الدخول - طباعة الطلب...الخ)

لا يمكن استرجاع الفلوس تحت اى ظرف حتى لو قدم الطلب واترفض

[أحمد كمال]

طيب يااحمد باشا دلوقتي كدا الفيزا ثمنها حقيقي 1100 درهم , حضرتك بتقولي ب 160 ودول حوالي 960 جنية مصري لكن ال 1100 درهم دول 1800 جنية !!
انا بس بتأكد طالما مبترجعش والمبلغ حقيقي هدفعة مش مشكلة
بس اللي قلقني اني مش عارف اوصل لمتوسط سعر الفيزا سياحة المستخرجة من داخل دولة الامارات لاني لاقيت علي الانترنت رقم 300 درهم لفيزا سياحة الامارات من شركات سياحة هناك
وبعدين الشركات المصرية كنت سائل من شهر و كانت الفيزا ب 2500 بالتذكرة ذهاب وعودة بس كان في تأمين ف ازاى ادفع 1800 فيزا بس !!

بص ..... التاشيرة طالما ما طلعتش مباشرة من السفارة يبقى مالهاش سعر و السعر على مزاج الشركة السياحية المصدرة لاسباب عديدة منها انه بيدفع عمولات للكفيل بتاع التاشيرة (sponsor مش كفيل زي السعودية) و بيغطي خسائره الناتجة احيانا عن المخاطر بتاعة الناس اللي بتكسر التاشيرة و ساعتها هو بيلبس المخالفة


و التاشيرة في اي بلد استعملتها ما استعملتهاش اتقبلت اترفضت فلوسك عمرها ما بترجع