دمى محروق

[abokoko]

فى عملى بشركة الكهرباء يوجد عندنا 2 جهاز كمبيوتر - احدهما دائم التعطل - وفنى الاصلاح بالشركة مش بيعمل حاجة غير يبص على الجهاز ويقول - ارسلوه للفرع الرئيسي -
لمينا من بعضنا واشترينا كيسه جديده ونزلنا عليها برامج الشركة - كله بمجهود ذاتى - والحمد لله الشغل بقي 100% - وفنى الاصلاح اتفاجا باللى حصل دون علمه ( ما هو زى قلته )
وبحقده وبقلبه الاسود اتنقل الموضوع للاداره بصوره طبعا زى الزفت
وعليه
النهارده جه فاكس بعدم اصلاح الاجهزه الا داخل الشركة ولا يتم شراء اجهزه او معدات الا بمعرفة الشركة ووو ومن يخالف يعرض نفسه للمخالفه
وعليه
شلنا الجهاز بتاعنا وخبيناه ورجعنا الجهاز اللى عطلان
وهنبتدى اشغال الموظفين - نبعت جواب الجهاز عطلان - ويجيي البيه الفنى يبص على الجهاز - ويقول برايه العبقري - الجهاز لازم يروح الشركة بالاداره -- على بعد 500 كيلو متر - وطبعا لسه امر الشغل وندور على عربيه توديه - ويفضل هناك على بال ما يتصلح - وبععدين ندور على عربيه تجيبه - ونقول يا رب يجيي متصلح
على فكره اخر مره كان هناك رجعوه مع توصيه بشراء رامه وتركيبها بمعرفتنا

اقول ايه - غير ان اللى يشتغل يبقي هو الغلطان -

[amoor89]

معلش مهو ده الغباء الادارى المصرى اللى لا يمكن يتوفر فى اى مكان فى الدنيا غير عندنا نفسى والله يصدروه عشان منحرمش العالم من التقدم العظيم فى مجال ادارة الشركات
حاجة تفقع انا عارف الله يكون فى عونك

[abokoko]

على فكره
فنى الاصلاح - اللى مش بيعمل ولا حاجه -- ممكن يكون وصل الفكره بطريقه مغلوطه
ورغم ان ده مش بيعفي الادارهخ من غباء القرارات المعوقه للعمل - لكن بيكون عذر
الفكرة اللى ممكن يكون وصلها
ان برنامج الشركة برنامج سري ومفروض ممنوع الاطلاع عليه
والرد ببساطة ان السريه مكفوله للشركة
لان برنامج الشركة لا يعمل الا ب دونجل حماية -
واقصى ما نعمله هو تنزيل نسخه جديده وتصطيب البرنامج
وده بياخد معانا يوم على الاكثر
لكن لو ارسلنا الجهاز للشركة ممكن يقعد اسبوع للسفر والعوده واسبوع للاصلاح

كمان حاجه تانيه
الكيسه اللى اشترناها مواصفاتها اعلى
البروسيسر اسرع والرامات اكبر بالتالى سرعة انجاز العمل والحصول على البيانات هتكون اسرع
يعنى طورنا العمل بالاسراع بتاديه الخدمه

[grand hand]

مشكلتنا فى العقول.. رايحة فى داهية
وده بياكد نظرية مفيش فايدة
اللى ايدها العندليب الاسمر فى اغنية طريقك مسدود مسدود يا وردى!

[Eng_hatemfathy]

اكثر وسيلة امنة للبقاء بعيدا عن المسائلات والمواجهات هى اركن جنب اخواتك واياكش تخرب وكل من يحاول التغيير مصيره الى النقل او التغريب او السجن او مستشفى المجانين او التشهير بالباطل او جلطة او سكتة قلبية او............
وربنا يستر على مصرنا المهروسه

[DreAmO]

بسيطه ماتستبسطهاش :)

بما ان الجهاز خربان اصلا ومكحكح ( وانا حاسس بيك لأني شوفت الكمبيوتر في ادارة الكهرباء اللي عندنا .. حاجة انقرضت )

انتوا تتعمدوا تخريب الجهاز تماماً .. يعني تخريب يقضي عليه خالص

علشان يجبلكوا جهاز تاني خالص .. بس ربنا يستر ومايجبوش جهاز كان مركون في فرع من الفروع هههههههههههه

مالاخر اشتغلولهم في الازرق .. لحد ما يجلكم جهاز تمام


الحل السلمي بقى واللي هنفترض انه متحضر في بلد متحضره

تبعتوا شكوى جماعيه لمكتب الوزير .. والحجات بتاعة التنظيم الاداري والحركات دي

متهيألي في وزير مخصوص للاداره انا مش فاكر اسمها ايه .. لأني مابقتش مهتم بالوزرات والشكليات دي

[Hondawy_2008]

على فكرة في البلد دي اللي مبيشتغلش هو اللي بيوصل و اللي عايز يشتغل و بيتعب مبيوصلش متعصبش نفسك هي كدة

[rompo10]

اشتغل كتير تغلط كتير تتجازي كتير هي دي مصر

[abokoko]

للاسف فنى الصيانه ضمن تعيينات الواسطه
وبيطبق عليه - لا منه ولا كفايه شره -
بس بقول العيب مش عليه - العيب على الرؤساء اللى مشغلينه

ده يتساب ازاى من غير جزاءات ما دام مش بيصلح حاجه
وكل اللى بيعمله بكتب ورقه - تقرير - الجهاز محتاج اصلاح ومحتاج لارساله للفرع الرئيسي بالشركه
امال هو بيعمل ايه وشغلانته ايه ؟؟؟؟؟؟؟؟؟

[A.Saad]

شكوى فيه انه لا يقوم بالاصلاح مما يؤدى لضعف انتاجكم

[mohammedabdallh]

ربنا معاك
فعا البلد دى مفيهاش فايده

[amrelsaqqa]

انت لما رحت جبت جهاز جديد كدة انت داريت على اخطاء الفنى
ورغم كدة ، عمل فيك زنبة وده اللى حرق دمك

ببساطة انت لازم يكون مجهودك بيصب في انك تظهر اخطاءه قدام كل اللى فوق منه مش تدارى عليها ( ده طبعا في حالته هو بس عشان هو يستاهل كدة فعلا لأنه هو اللى بدأ - اوعى تاخد الكلام ده مبدأ عام هههههه - )

يعنى من الاخر عن ما الجهاز اتصلح ولا الشغل اتعمل وان شالله الجهاز يسافر 500 كيلو 5 مرات في اليوم لحد ما يعرفوا ان الفنى ده حمار وزي قلته

وياريت بقى تقرفه في عيشته اكتر يعنى كل يوم تبوظ حاجة تافهة كدة وتخليه ييجى يصلحها حتى لو حاجة سوفتوير المهم يا اما تقرفه في عيشته يا اما لو هو مش عايز يشتغل ، الموضوع هيبان اوى وهتلاقيه بيقول يرسل للفرع الاساسى على مشكلة مثلا زي ان كابل الداتا مفكوك او الاوفيس فيه مشكلة ومحتاج تسطيب جديد و ساعتها الدنيا هتبقى فوق دماغه هو وهيعرف ان الله حق

[hanyhamer]

والله يا أخى أحوالنا كلها محزنة ومضحكة فى نفس الوقت محزنة لما وصلنا ألية من نفوس مريضة بالكراهية الى الأخرين وهى من داخلها تحاول تحطيم من حولها لتظهر منفردة لاتحزن كلنا محاطون بنفس هذا الشخص مع اختلاف شكلة وأسمة فقط

[abokoko]

انت لما رحت جبت جهاز جديد كدة انت داريت على اخطاء الفنى
ورغم كدة ، عمل فيك زنبة وده اللى حرق دمك

ببساطة انت لازم يكون مجهودك بيصب في انك تظهر اخطاءه قدام كل اللى فوق منه مش تدارى عليها ( ده طبعا في حالته هو بس عشان هو يستاهل كدة فعلا لأنه هو اللى بدأ - اوعى تاخد الكلام ده مبدأ عام هههههه - )

يعنى من الاخر عن ما الجهاز اتصلح ولا الشغل اتعمل وان شالله الجهاز يسافر 500 كيلو 5 مرات في اليوم لحد ما يعرفوا ان الفنى ده حمار وزي قلته

وياريت بقى تقرفه في عيشته اكتر يعنى كل يوم تبوظ حاجة تافهة كدة وتخليه ييجى يصلحها حتى لو حاجة سوفتوير المهم يا اما تقرفه في عيشته يا اما لو هو مش عايز يشتغل ، الموضوع هيبان اوى وهتلاقيه بيقول يرسل للفرع الاساسى على مشكلة مثلا زي ان كابل الداتا مفكوك او الاوفيس فيه مشكلة ومحتاج تسطيب جديد و ساعتها الدنيا هتبقى فوق دماغه هو وهيعرف ان الله حق

حضرتك لما اشتريت الجهاز كع زمايلى -كان الهدف استمرار العمل بالذات لشخصي لانى رئيس القسم ويهمنى استمرار العمل دون توقف --فمكنتش بدارى عليه -
كمان رؤسائي عارفين انه مش بيعمل حاجه بس زى ما قلت ده واسطه يعنى هو نفسه عارف انى محدش هيجيي جنبه وعلشان كده مكبر دماغه على الاخر وبيكلم الجميع من طرف مناخيره حتى مديري العام
وهو بتبع رئيس الشركة مباشره وشايف نفسه
كمان - هو بيقول على نفسه انه سوفتويير مش هارد ووير -- طبعا التخصص سوفت او هارد مش مطلوب فى شركة عدد اجهزه الكمبيوتر فى قطاعنا يمكن بالكامل وفى كل الاقسام 30 جهاز اكتر او اقل شويه
كمان هو مش هامه انه مش بيصلح لانى محدش بيلومه - وممكن نقول ممشي اموره

حسبي الله ونعم الوكيل

[amrelsaqqa]

حضرتك لما اشتريت الجهاز كع زمايلى -كان الهدف استمرار العمل بالذات لشخصي لانى رئيس القسم ويهمنى استمرار العمل دون توقف --فمكنتش بدارى عليه -
كمان رؤسائي عارفين انه مش بيعمل حاجه بس زى ما قلت ده واسطه يعنى هو نفسه عارف انى محدش هيجيي جنبه وعلشان كده مكبر دماغه على الاخر وبيكلم الجميع من طرف مناخيره حتى مديري العام
وهو بتبع رئيس الشركة مباشره وشايف نفسه
كمان - هو بيقول على نفسه انه سوفتويير مش هارد ووير -- طبعا التخصص سوفت او هارد مش مطلوب فى شركة عدد اجهزه الكمبيوتر فى قطاعنا يمكن بالكامل وفى كل الاقسام 30 جهاز اكتر او اقل شويه
كمان هو مش هامه انه مش بيصلح لانى محدش بيلومه - وممكن نقول ممشي اموره

حسبي الله ونعم الوكيل

لا بجد لا تعليق فعلا
الله يكون في عونك !!

طيب بما ان حضرتك رئيس قسم حتى لو مش رئيسه هو ، مفيش اي اجراء قانونى جاد تقدر تتخذه ضده ؟

قبل موضوع الوزير ده ..