باركولي ... الحمد لله اشتركت في المسابقه الامريكيه

[Screenplays]

الحمد لله ربنا وفقني النهارده و سافرت دمياط عشان ادفع فلوس عن طريق ويسترن يونيون و مع اني زعلان علي ال 15 دولار اللي لهفوهم بس مبسوط بالسفريه السلسه اللي مخدتش 3 ساعات من ساعه نزولي من البيت لحد ما رجعت بالسلامه

انا كده دخلت في المسابقه رسميا و محتاج دعواتكوا بالتوفيق و شكرا لاخويا احمد كمال اللي عرض عليا توفير السفريه دي و لكن لازم الواحد ياخد خبرات في المواضيع دي و خصوصا مش هتبقي اخر مره ان شاء الله

كذا حاجه عرفتها النهارده :

الطريق الساحلي طريق جااااااااااااامد فحت واسع و مفيش عربيات تقريبا و متسفلت و مغري بالجري

دمياط و انت ماشي فيها بتتكعبل في معارض الاثاث فاللي عايز يشتري ميسألش عن معرض معين لان فيه بالهبل

دمياط مليانه عربيات هاتش باك و خصوصا الماروتي بسم الله ما شاء الله كميات مهوله

ايقاف ترخيص الاجره في دمياط و التاكسيات السويفت ب 150 الف جنيه

و اخر حاجه : وصول بوسترات ابو اسماعيل لطرابيزه السفره بتاعت بيتنا هههههههههههههههههههههه امي و خالتي ناويين ينتخبوه و جابوا شويه بوسترات و رموها في البيت عندنا عشان يحرقولي دمي و ربنا يخليهم ليا

ادعولي يا جماعه بالتوفيق عشان دول 100 دولار اللي مدفوعين و كمان مستلفهم هههههههههههههههههههههههههههه و ربنا يوفق الجميع

[zizo50001]

مسابقة اية؟
و بتاعت اية؟

[SaberMan]

الحمد لله ربنا وفقني النهارده و سافرت دمياط عشان ادفع فلوس عن طريق ويسترن يونيون و مع اني زعلان علي ال 15 دولار اللي لهفوهم بس مبسوط بالسفريه السلسه اللي مخدتش 3 ساعات من ساعه نزولي من البيت لحد ما رجعت بالسلامه

انا كده دخلت في المسابقه رسميا و محتاج دعواتكوا بالتوفيق و شكرا لاخويا احمد كمال اللي عرض عليا توفير السفريه دي و لكن لازم الواحد ياخد خبرات في المواضيع دي و خصوصا مش هتبقي اخر مره ان شاء الله

كذا حاجه عرفتها النهارده :

الطريق الساحلي طريق جااااااااااااامد فحت واسع و مفيش عربيات تقريبا و متسفلت و مغري بالجري

دمياط و انت ماشي فيها بتتكعبل في معارض الاثاث فاللي عايز يشتري ميسألش عن معرض معين لان فيه بالهبل

دمياط مليانه عربيات هاتش باك و خصوصا الماروتي بسم الله ما شاء الله كميات مهوله

ايقاف ترخيص الاجره في دمياط و التاكسيات السويفت ب 150 الف جنيه

و اخر حاجه : وصول بوسترات ابو اسماعيل لطرابيزه السفره بتاعت بيتنا هههههههههههههههههههههه امي و خالتي ناويين ينتخبوه و جابوا شويه بوسترات و رموها في البيت عندنا عشان يحرقولي دمي و ربنا يخليهم ليا

ادعولي يا جماعه بالتوفيق عشان دول 100 دولار اللي مدفوعين و كمان مستلفهم هههههههههههههههههههههههههههه و ربنا يوفق الجميع

ربنا يوفقك ان شاء الله
نفس المعاناه فى البيت أمى و خالتى كانوا متعصيبين جدا للبرادعى و دلوقت متطريين ينتخبو أبو الفتوح بيأفلوا عليا أى حاجه بأحب اعملها فى البيت قربت اقول أحد أحد لدرجة أنى أشتريت شاشه ليد فى الأوضه وتلاجه صغيره و شيزلونج فى البلكونه بهرب منهم مش أكتر (:

[mailo]

هم مش كانوا 15 دولار أول ال بوست بقوا 100 في اخره إزاي ولا دي البركة

[Screenplays]

مسابقة اية؟
و بتاعت اية؟

لو كسبت هقول علي التفاصيل عشان مش ناقصه احراج ههههههههه

ربنا يوفقك ان شاء الله
نفس المعاناه فى البيت أمى و خالتى كانوا متعصيبين جدا للبرادعى و دلوقت متطريين ينتخبو أبو الفتوح بيأفلوا عليا أى حاجه بأحب اعملها فى البيت قربت اقول أحد أحد لدرجة أنى أشتريت شاشه ليد فى الأوضه وتلاجه صغيره و شيزلونج فى البلكونه بهرب منهم مش أكتر (:

ماشي البرادعي و ابو الفتوح ماشي معديه مش ابو اسماعيل ؟ و الكارثه انهم شايفين اللي مش هينتخبه انه مش عايز يتطبق شرع الله علي الناس علي اساس اننا بوذيين استغفر الله العظيم

هم مش كانوا 15 دولار أول ال بوست بقوا 100 في اخره إزاي ولا دي البركة

دي بركه الدولار يا شيخنا هههههههههههههههههههههههه يا باشا ال 15 دولار اللي لهفهم البنك كعموله تحويل لكن المبلغ الاجمالي ال 100 دولار

[A.Saad]

ممكن اقول حاجة يا سكرين
انسى مشاكل بيتك
اعمل المسئوليات اللى عليك وبس
انسى النايل موتورز
ركز ومش عايز اشوفك غير وانت ناجح ان شاء الله

[mohammedabdallh]

الف مبروك يا كبير عقبال ما تسافر امريكا وتنسانا
روح يا شيخ













وتعالى بسرعه