عايزين حل لموضوع الجواز المعقد دة

[M.FOUAD]

صاحبي الوحيد اكبر مني بحوالي سنتين و زميلي معايا مدرس مساعد في كلية الطب
المهم هو مش متزوج كان خاطب واحدة من ايام الكلية و فضلوا مع بعض حوالي سنتين و حصلت مشكلة ان والدها اتعملوا محضر تهريب و كان لواء شرطة و اترفد من الشرطة بسبب المشكلة دية و هو سابها طبعا بعد ضغط من اهلة
مع ان البنت انا رايي انها متتعوضش بسهولة كاخلاق و ادب و التزام و اي حاجة ممكن تخلي الواحد يرتبط بواحدة و خاصة انها بتحبة جدا كمان و مقتنعة تماما بان ابوها غلطان.
المهم اتضح ان الراجل برئ من التهمة دية انة كان مجرد خلاف مع مامور الجمرك و العند وصلة لكدة و رجع الشرطة سنة و بعد كدة طلب تسوية معاشة و اشتغل محامي اللي ميعرفوش يقول علية شيخ صلاة في الجامع علطول و عمرة كل سنة و بتاع
بس المشكلة انة لو سال علية اي ضابط شرطة او اي حد في منطقتة بيقول علية كلام وحش انة سلوكة سيئ و انة بتاع مشاكل و انة كان مرفود من الشرطة و الكلام دة مع ان ابو البنت جابلة الورق اللي يثبت انة برئ عشان يريح بنتة بس لانها لحد دلوقتي مش قادرة توافق باي حد غيرة
و هو نفس الكلام خطب واحدة تانية و مستريحش معاها و سابها
اية رايكوا يرجعلها و يضحي بسمعتة و سمعة اهلة و لا يسيبها و ميعرفش يتجوز غيرها لافي اخلاقها و لا مشاعرها
نقطة تانية ممكن تساعد انة من محافظة و هي من محافظة تانية بينهم ييجي 250 كيلو

[NoOoOoUr]

لا حول ولا قوة الا بالله يعنى والدها طلع برىء وقدمله الورق اللى يثبت انه برىء علشان يريح قلب بنته والكلام الوحش طلع عليه بعد ماكان اتمسك فى القضية... يعنى مش من قبلها لانه لو كان من قبلها كانت هاتبقى رده فعل صاحبك انه مش هايخطبها... لانه بيسمع لكلام الناس... مع العلم ان مافيش حد مش بيتكلم عن حد وحش حتى لو كان ملاك لازم فى ناس تقول عليه كلام وحش... وبعدين حتى لوكان والدها فعلا شخصية مش كويسة باين من افعاله انه بقى كويس (يعنى سبحانه يقدر على كل شىء) وبعدين هى بتحبه وهو بيحبها والرسول صلى الله عليه وسلم قال انه لايرى للمتحابين الا النكاح... طالما هى بتحبه وهو لسه بيحبها يرجعلها وهو هايقدر يقنع اهله... ربنا يصلح الاحوال :)

[Screenplays]

موضوع معقد و متنيل بستين نيله

[MohaMed_Refaat]

انا شايف انة يرجعلها
لان البنت ملهاش دعوة بتصرفات ابوها فى الشغل
وكمان الناس بتنسى الحجات دى وطالما البنت كويسة هى دى الزتونة

[windofchange]

يرجعلها طبعا ويراضيها

[M.FOUAD]

لا حول ولا قوة الا بالله يعنى والدها طلع برىء وقدمله الورق اللى يثبت انه برىء علشان يريح قلب بنته والكلام الوحش طلع عليه بعد ماكان اتمسك فى القضية... يعنى مش من قبلها لانه لو كان من قبلها كانت هاتبقى رده فعل صاحبك انه مش هايخطبها... لانه بيسمع لكلام الناس... مع العلم ان مافيش حد مش بيتكلم عن حد وحش حتى لو كان ملاك لازم فى ناس تقول عليه كلام وحش... وبعدين حتى لوكان والدها فعلا شخصية مش كويسة باين من افعاله انه بقى كويس (يعنى سبحانه يقدر على كل شىء) وبعدين هى بتحبه وهو بيحبها والرسول صلى الله عليه وسلم قال انه لايرى للمتحابين الا النكاح... طالما هى بتحبه وهو لسه بيحبها يرجعلها وهو هايقدر يقنع اهله... ربنا يصلح الاحوال :)

كلام سليم بس الناس لسة بتقول كلام غريب مرة دة متجوز واحدة قد عيالة و يحلف و يطلع شهادة قيد عائلي انة مش متجوز و اللي بيجيب الكلام دة اكثر من واحد و ناس موثوق فيهم المشكلة ان الراجل دة شخصية عامة و كان مترشح لمجلس الشعب كمان و سقط بس حاليا مفيش حد بيقول علية كلمة حلوة

[M.FOUAD]

موضوع معقد و متنيل بستين نيله

انا شايف انة يرجعلها
لان البنت ملهاش دعوة بتصرفات ابوها فى الشغل
وكمان الناس بتنسى الحجات دى وطالما البنت كويسة هى دى الزتونة

يرجعلها طبعا ويراضيها

انا كان رايي بصراحة غير كدة الراجل دة بقى محامي و ممكن بعد ما يرجعلها لو لا قدر الله حصل بينهم خلاف يخش في قضايا و وجع قلب و هو اصلا ميعرفش اية شكل القسم خاصة ان رايي ان البنات بعد الجواز غير قبل الجواز و الحب و الكلام دة بميدومش خالص
و غير كدة هل هيعرف يربي ولادة بعيد عن المجتمع دة خاصة انة بطبيعة شغلة اغلب اليوم برة البيت ممكن اة وعود البنت انها هتبعد عن اهلها و الكلام دة بس الله اعلم هل هيتحقق و لا لا
لو فية حد شايف غلط في كلامي يصححلي يا جماعة عشان احنا اتخانقنا بسببة النهاردة

[NoOoOoUr]

كلام سليم بس الناس لسة بتقول كلام غريب مرة دة متجوز واحدة قد عيالة و يحلف و يطلع شهادة قيد عائلي انة مش متجوز و اللي بيجيب الكلام دة اكثر من واحد و ناس موثوق فيهم المشكلة ان الراجل دة شخصية عامة و كان مترشح لمجلس الشعب كمان و سقط بس حاليا مفيش حد بيقول علية كلمة حلوة

مش تزعل منى بس حتى لو متجوز واحدة صغيرة ولا كبيرة دى مش مشكلة دى حريه شخصية طبعا وده حلال يعنى مش من حق حد يدخل ويقول ويعيد فى الموضوع ده ولو بيتكلموا علشان هو مثلا مش معرف الناس ليه انه متجوز فاهو لانه اكيد عايز يحافظ على بيته الاساسى يعنى ده مش عيب... انما بالنسبة ان ماحدش بيقول فيه كلمه حلوة فاصدقنى ماتقدرش تحكم الا لما تتعامل وصاحبك اتعامل معاه ياترى حلو ولا زى مالناس بتقول عليه... لو فعلا بنادم كويس يبقى البنادم العاقل هايطنش كلام كل الناس وهااااايقنع اهله انه فعلا كويس.. وبعدين حتى لو هو وحش مع ناس كثير فااكيد مع ناس ثانية المعاملة بتتغير.. ولو هو فعلا بنادم مش كويس القرار يرجع لصاحبك هايقدر يكسر قلبه وقلب البنت اللى حبته وادته قلبها ومش عايزة تكون لحد غيره والبنت فعلا محترمه وكويسه ومش تتعوض علشان كلام الناس اللى هو فى الاساس لا بيودى ولابيجيب ؟؟ بجد هايبقى حرام عليه قوووى .. على فكرة دايما الاهل بيبقى عايزين راحة ولادهم لو بيحبها يرجعلها واهله بالعقل هايقدر يقنعهم .. وكفايه ان البنت بجد كويسة

[NoOoOoUr]

انا كان رايي بصراحة غير كدة الراجل دة بقى محامي و ممكن بعد ما يرجعلها لو لا قدر الله حصل بينهم خلاف يخش في قضايا و وجع قلب و هو اصلا ميعرفش اية شكل القسم خاصة ان رايي ان البنات بعد الجواز غير قبل الجواز و الحب و الكلام دة بميدومش خالص
و غير كدة هل هيعرف يربي ولادة بعيد عن المجتمع دة خاصة انة بطبيعة شغلة اغلب اليوم برة البيت ممكن اة وعود البنت انها هتبعد عن اهلها و الكلام دة بس الله اعلم هل هيتحقق و لا لا
لو فية حد شايف غلط في كلامي يصححلي يا جماعة عشان احنا اتخانقنا بسببة النهاردة

مش مع حضرتك فى حكاية والدها بص حضرتك لو صاحبك رجع للبنت دى وفهمها انه رجعلها لانه فعلا بيحبها وفهمهما موقفه من والدها... لو حصل اى حاجة البنت دى مش هادخل والدها وهاتفضل فاكراها لصاحبك طول عمرها انه رجعلهااا هى لانه بيحبها ... لو حصلت مشاكل الدنيا والاخرة البنت عمرها مادخل والدها لانها بتحب صاحبك وهاتفتكر ليه فى يوم من الايام انه هو رجعلها هى وبس عشان بيحبها ...... وربناا يقدم ليه اللى فيه الخير. :)

[amr.elsayed]

هو حيتجوز البنت ولا حيتجوز ابوها ؟؟؟؟؟ !!!!

[akramlail]

انا اتعرضت لنلموقف مشابهة مع ابو خطيبتى ومع ذلك اتمسكت بيها واعد سنة محبوس احتياطى وهربان وف الاخر اخد براءة واهلى احترموا رغبتى ومعترضوش وقالو البنت ملهاش دعوة
وف الاخر مقدروش دة وبعد مشاكل راحت اتخطبت لواحد تانى وباعتنى
انا من رايى ميسبهاش لان مش سهل الواحد يلاقى حد متفاهم معاة ويستريحلة بقت صعبة جدا وهيندم

[M.FOUAD]

مش مع حضرتك فى حكاية والدها بص حضرتك لو صاحبك رجع للبنت دى وفهمها انه رجعلها لانه فعلا بيحبها وفهمهما موقفه من والدها... لو حصل اى حاجة البنت دى مش هادخل والدها وهاتفضل فاكراها لصاحبك طول عمرها انه رجعلهااا هى لانه بيحبها ... لو حصلت مشاكل الدنيا والاخرة البنت عمرها مادخل والدها لانها بتحب صاحبك وهاتفتكر ليه فى يوم من الايام انه هو رجعلها هى وبس عشان بيحبها ...... وربناا يقدم ليه اللى فيه الخير. :)

هو حيتجوز البنت ولا حيتجوز ابوها ؟؟؟؟؟ !!!!

انا اتعرضت لنلموقف مشابهة مع ابو خطيبتى ومع ذلك اتمسكت بيها واعد سنة محبوس احتياطى وهربان وف الاخر اخد براءة واهلى احترموا رغبتى ومعترضوش وقالو البنت ملهاش دعوة
وف الاخر مقدروش دة وبعد مشاكل راحت اتخطبت لواحد تانى وباعتنى
انا من رايى ميسبهاش لان مش سهل الواحد يلاقى حد متفاهم معاة ويستريحلة بقت صعبة جدا وهيندم

شكرا يا جماعة على ارائكم
بس رايي لو حصل العكس و المشاكل بدات بعد الجواز هيبقى اتعس انسان في الدنيا لانة كان عارف من الاول و كل الناس قعدت تقولة ان ربنا بيحبك انة كشف الراجل على حقيقتة قبل ما كان يتدبس في الجوازة

[Hmatchy]

بص راى البسيط وعن تجربتى البنت بتبان 65% من شخصيتها فى فترة الخطوبة و اكيد ال 35% اللى فاضلين مش هيكونو عكس ال 65%
لاكن لو الموضوع مجرد ارتباط فا ده صعب يبين اى حاجة
انا خطبت مرة قبل كده و قلت بلاش ارتباط و اقرب منها و اعرفها فى اطار رسمى والحمد لله بعد 4 ايام من الخطوبه عرفتها فعلان وبعد 4 اسابيع بالظبط سبتها
انت بتقول انهم اتخطبو سنتين و اكيد شافها و هى مبسوطة و وهى زعلانه و وهى متنرفزة يعنى قدر يفهمها
موضوع باباها ده انا شايف انو ملوش دعوة لانو من كلامك البنت متتعوضش
رح قول لصاحبك فى واحد من سنك بيقولك اوعى تضيعها اللى زى دى مش موجوده كتير و اجرى كلمها بدل ما تخسرها و تقول يا ريتنى

[moh19227]

رأيي هوا هيتجوزها ولا هيتجوز ابوها !!
ثم انه هيعيش بعيد عن اهلها لو مرتاحلها زي مبتقول يصلي صلاة استخارة ويتوكل علي ربنا