أرقام غريبة كل شوية على الموبايل

[amr mokhtar]

حاجة مش قادر أفهمها
ليه كل شوية ألاقى نمرة غريبة بترن على الموبايل لمده ثانية واحدة و تقفل و ممكن يتكرر ده كذا مرة فى اليوم من نفس النمرة و أحيانآ أكتر من نمرة بالطريقة السودة دى

و الغريب ان مش نمرة واحدة ...

و مرة آخر ما زهقت إتصلت بالرقم و قلت للبنى آدم خفيف الظل اللى بيرن.. إن النمرة دى رنتلى كذا مرة
قاللى مش عارف و على العموم إسمع الأغنية دى!!!!!!!!!!

انتوا متصورين الناس وصلت لأى مرحلة من قلة الأدب و الوقاحة

يا جماعة حد بيتعرض للمشكلة دى غيرى مع العلم ان الخط بتاعى فودافون
و لو حد عنده حل يقوللى عليه

[PRO-DRIVE]

ولا كأن في حاجه طنش

و تصيدله الفرصه و افتح عليه

[Powert]

اعمل حركة مع صحابك انا عاملها

ممكن يكون واحد بيحاول يتصل بيا ومش عارف علشان الرصيد فبتفق معاه انه يرنلي مرتين ورا بعض على طول

لو رن رنة واحدة والتانية بعديها ب دقيقة مثلاً مش بتصل بيه واعرف انه واحد بيعاكس وخلاص


فكرة خبيثة

[جمال]

الحكاية دى بتحصل معايا كتير ومن كل الشبكات موبينيل و فودافون و اتصالات , يعنى مش علشان الرصيد
ياريت حد يجد لنا سبب

[sniper2010]

ممكن حضرتك تستخدم برنامج البلاك لست إذا كان موبايلك يدعمه وهو هيتكفل بالأرقام الغريبة دي

[جمال]

انا عندى خاصية انى ما استقبلش اى رقم غير الموجود فى فون بوك بتاعى , بس ساعات بكون منتظر مكالمة من حد جديد علية و نمرته مش عندى , يعنى استخامها غير عملى الا فى اوقات معينة

[sokasoon]

قاللى مش عارف و على العموم إسمع الأغنية دى!!!!!!!!!!

ده شكلو من نجوم fm



ماتسألش ولا تتصل بحد سيب اللى يرن يرن وارفع عليه

هو لوحدو هيسكت ومش هيرن تانى

[aliabutaleb]

شكل رقم موبايل حضرتك منتشر
انا نفس الشئ مع رقمي
ظروف حصلت في الشغل وخليته ينتشر برة الشغل بشكل رهيب
فوصلت إني مبردش على أي رقم غريب
لأني فعلاً لو رديت يبقى هاسيب شغلي طول النهاردة وأفضل أرد على الارقام دي
أفضل حل إنك تغير الرقم

[osama]

تم حذف المشاركة لعدم احتوائها على نص

[goodwave]

طيب وإللي بيرن باليل الساعة 2 الصبح او 3 الصبح ورنات صغيرة ويقفل ! وتيجي تتصل بيه علشان تلعنه وتلعن .....تييييييييييييييييييت تلاقية مش بيرد! تعمل فية إية؟؟؟؟

إزاي إحنا وصلنا لقمة الهيافة والإنحطاط الأخلاقي والفراغ إن الناس بتضايق بعض وفاضية للمعاكسات ديه؟؟؟؟ وكله شباب قليل الادب والحياء وبيجرب علشان ممكن حظه يطلع حلو وتيجي نمرة بنت!!!!

برده نصيحة يا جماعة لو إضطرتك الظروف تتصل بالبيت او المدام او أختك او والدتك من الشارع او سنترال .... لازم تتأكد إن الرقم إتمسح بعد ما إتكلمت لأن الناس إللي واقفة بموبايل في الشارع ديه اصلا واقفة سرقة فممكن تتوقع منهم أي عمل غير أخلاقي وخصوصا لو حس إنك بتكلم بنت.... والكلام برده للبنات لو حكمت عليكي الظروف تتكلمي من موبايل الشارع لازم تمسحي الرقم بعد ما تخلصي المكالمة علشان الصيع وأصحاب النفوس الضعيفة.... والأفضل تستخدموا ميناتل او كده يعني .... او تشتروا خط بيسنس اهو مال الدنيا وفي الأخر حتلاقوا التكلفة واحدة!

انا ساعات لما ترنلي نمرة غريبة وانا أصلا معايا رقم شخصي ورقم الشغل ورقم علية البلك بيري .... فأي حد بيعاكس من رقم بفضل وراه من التلت ارقام وشتيمة وقلة أدب وبهزأه وكلام من إللي قلبك يحبة وفي مرة واحد كان بيعاكس بعد إسبوع من ملاحقتة لقيتة قفل الخط للأبد :)

بس في ناس تانية معاكساتها مستفزة ومالهاش حل وحتكلم مين ولا مين ماهي كلها فلوس عليك .... لازم يا جماعة يكون في حل او تتبع او غرامة على إللي بيعمل كدة .... ومحدش يقوللي ابيع الخط لأن ده حل إستسلامي وكمان الخط ده معايا بقاله أكتر من 8 سنين!

[دموع الثلج]

انا خطى موبينيل

ومره جالى 73 اتصال فى 35 دقيقه وكلها ارقام غريبه وورا بعض وراء بعض يعنى التليفون يرن ارد اسمع صفاره غريبه جدا او مسمعش حاجه خالص مجرد ما اقفل المكالمه فورا يتصل لى رقم جديد والمشكله ان كل الارقام اللى بتتصل دى كلها برضوا ارقام موبينيل او رقم زيرو ومفيش رقم منهم اتكرر يعنى كانه سريال كنت هتجنن وقتها ارجع اتصل على الارقام اللى بتظهر لى القاها موبيلات مقفوله او محدش بيرد

اتصلت بخدمه العملاء وقلت لهم شوفوا مين الاشخاص دى وانا بكلمهم على الانتظار برضوا الاتصالات شغاله اديت كم رقم للمزظف بتاع خدمه العملاء واقوله طيب حدد لى المكالمات دى من مصر ولا من بره ولا منين وازاى انا اتصل على الرقم يدينى مغلق راح هو بنفسه يتصل على الارقام لقاها نفس القصه ولا عرف تفسير ولا انا عرفت تفسير للى بيحصل فكان الحل المتاح انه يقولى اقفلى الموبيل نص ساعه وقد كان اطريت اقفل موبيلى
لما فتحت الخط جاتلى اتصالات لمده ربع ساعه وبعدها بطلت لوحدها

كمان انتشرت جدا مشكله الاتصالات الدوليــــــــــه اللى بتيجى على تليفونات ناس وبيكون وراها عمليات نصب او ارقام بمجرد انك ترد عليها تصاب بصداع مزمن والعياذوا بالله ودى حصلت مع احد اصدقائى واضطر لدخول المستشفى بسبب رقم دولى غريب وكان التفسير ان المتصل يقوم برفع الموجات الصوتيه اول ما ترد لحد ما تضغط على الدماغ وتسبب انفجار لطلبه الاذن
او ان الموجات الصوتيه تؤثر على اعصاب المخ وتؤدى الى تلاف الاعصاب او الصرع والعياذوا بالله اللى حصل له موقف مع اتصالات دوليه مريبه يقولنا

[azzam]

على فكرة ده حصل معايا انا كمان
و كنت بطنش النمر دي ولا اسال فيها
كلها يومين تلاتة و بيزهق و يسيبك في حالك

[محمد المشد]

الاخلاق 00000000000000000000000000الاخلاق 00000000000000000000000الاخلاق
للاسف ضاعت مع كل شىء جميل ضاع فى مصر

[boty50]

أعتقد ان احنا عايزين برنامج تاني خالص
ودي فكرة جديدة فعلا" وهي أن بدل مانعمل
منع للمنعرفوش لأ نركب برنامج تاني يرد
علي المكالمة من أول رنة يعني يفتح الخط
وانشاالله يقفل بعدها ، يعني تتحسب عليه المكالمة
يعني برنامج Auto Answer

بس ياريت يكون في واح مبرمج يعملهالنا
ونشغلها وقت مانحس ان الرزالة اشتغلت

عموما انا حادور في النت علي برنامج يعمل
الوظيفة دي

[PRO-DRIVE]

كمان انتشرت جدا مشكله الاتصالات الدوليــــــــــه اللى بتيجى على تليفونات ناس وبيكون وراها عمليات نصب او ارقام بمجرد انك ترد عليها تصاب بصداع مزمن والعياذوا بالله ودى حصلت مع احد اصدقائى واضطر لدخول المستشفى بسبب رقم دولى غريب وكان التفسير ان المتصل يقوم برفع الموجات الصوتيه اول ما ترد لحد ما تضغط على الدماغ وتسبب انفجار لطلبه الاذن
او ان الموجات الصوتيه تؤثر على اعصاب المخ وتؤدى الى تلاف الاعصاب او الصرع والعياذوا بالله اللى حصل له موقف مع اتصالات دوليه مريبه يقولنا

معلوماتي ان سماعه التليفون اقصي حدودها الموجات الصوتيه فقط !!

غريب قوي الموضوع دا !!