ارض النفاق.....

[ahmed_mido1889]

ليه الناس بقت منافقه كده

مش ينافقك لا ينافق المسئول عن المكان

يعني مثلا كنت راكب ميكروباص وعمل حادث والسواق الي انا معاه هو الي غلطان لما بيسئلو مين الي غلطان كل الناس تقول السواق التاني او يسكتو

وطبعا انا الي كنت في الجنب وخدت الخبطه في كتفي وقولت ان السواق الي معانا هو الغلطان

كل الي معايا قلبو ضدي وخلاص كله بقي مايكل شوماخر وهم اساسا ما يعرفوش الفرق بين الدركسيون والدبرياج

وطبعا حصل نقاش بيني وبين السواق وهو مش معترف انه غلطان او بيستعبط

والناس مش عايزه تقوله انه غلطان علشان ما يغضبش عليهم وينزلهم


ده مثال بسيط وبيحصل حاجات تشبه دي في كل مكان

بيبقي النفاق للمسئول

[ahmedsrs]

الناس عارفة كل حاجة بس عاوزة تخلص

[ahmed_mido1889]

الناس عارفة كل حاجة بس عاوزة تخلص

ما انا عارف كده يا باشا

بس معلش انا لو عايز اخلص ما اكيد هيجي يوم احتاج كلمه حق هلاقي كله هرب ونافق المسئول

ويبقي اتردت ليا وهتدور علي الكل

ليه ما نواجهش بالحق

والحق هيبقي اقوي سلاح

لكن انافق علشان مصلحه

صعبه اوي دي

[beshomilan]

كلامك صح
بس انت فاكر ان الناس بتفتكر ان فيوم حد منهم يحصله كده وميلاقيش حد ينصفه؟؟
هو انت مش عارف ان 55 % من الشعب المصرى امي ؟؟
مستنى ايه من جهل وفقر مالى البلد؟؟

[ahmed_mido1889]

كلامك صح
بس انت فاكر ان الناس بتفتكر ان فيوم حد منهم يحصله كده وميلاقيش حد ينصفه؟؟
هو انت مش عارف ان 55 % من الشعب المصرى امي ؟؟
مستنى ايه من جهل وفقر مالى البلد؟؟

ياريت في طبقه جهل وفقر حتي في الاوساط المتعلمه

بتلاقي الكلام ده

والمدير بينافق رئيسه او بيقف ضد الحق معاه

[mostafa mahmod]

المهم انت عملت الصح
و كما تدين تدان
مسيرك هتلاقى اللى يقول كلمه الحق فى صفك

[Donzi]

مابقاش في حاجة اسمها ضمير عند الناس و كله بيقول و انا مالي ما يولعوا في بعض المهم مصلحتي انا و بس

[ahmed_mido1889]

المهم انت عملت الصح
و كما تدين تدان
مسيرك هتلاقى اللى يقول كلمه الحق فى صفك

الحمدلله اني قولت الحق

بس الي مش فاهمه ليه الناس بتنافق او بتتلون علشان مصلحه او حاجه

ليه ما يقولش للاعمي انت اعمي في وشه

والا اخاف المسئول يمشيني او يطردني ؟؟

[ahmed_mido1889]

مابقاش في حاجة اسمها ضمير عند الناس و كله بيقول و انا مالي ما يولعوا في بعض المهم مصلحتي انا و بس

+1111

الضمير اتدفن من زمااااااااااااان

[amrelsaqqa]

عرض واجرى في الظلام ، شعار اللى باع صدام

شكلك مش واخد بالك ان البلد اصلا كلها ماشية كدة !!

[تامر.محمد]

يا عزيزي ما ده اللي مودي اغلب الشعب ده في داهية

نسبة كبيرة جدا للأسف شغالة بمبدأ ان كان لك عند الكلب حاجة, و فعلا بيقولوا له يا سيدي , و اوقات بيقتنعوا انه سيدهم فعلا (يعني كان الجش يضربنا بالنار ؟ و هو كان نايم في بيتهم اصلا) !

[أبو إياد]

فكرتنى بواحد قريبى حضرت ليه مشكله ولما لقانى ساكت بيسالنى مين الغلطان فقولتله فى وشه انت غلطان فى كذا وكذا ,,,,, قلب وشه وحمر عينه واتصدم ومن ساعتها ماورتلوش وشى تانى ولا عاوز اعرفه
بس المهم يا ميدو بعد ما شهدت عليه نزلك طبعا ههههههههههههه

[ahmed_mido1889]

فكرتنى بواحد قريبى حضرت ليه مشكله ولما لقانى ساكت بيسالنى مين الغلطان فقولتله فى وشه انت غلطان فى كذا وكذا ,,,,, قلب وشه وحمر عينه واتصدم ومن ساعتها ماورتلوش وشى تانى ولا عاوز اعرفه
بس المهم يا ميدو بعد ما شهدت عليه نزلك طبعا ههههههههههههه

لا والله مقدرش يعملها علشان السواق التاني كان هياخدني معاه