احسن قرار محكمة بعد تورة يناير 2011 الزام الاتصالات غلق المواقع الاباحية

[wael30003]

طبعا بعد ثورة 25 يناير 2011 كل اهتمامنا بالقصاص والذى اعتبره اهم موضوع بالتاكيد
ولكن الموضوع الذى يليه اهمية مباشرة الثورة لتغيير الاخلاق
لأنه الآن اصبح فساد الاخلاق هو منبع لكل فساد
فساد الدين يعنى فساد الذمم فساد الضمائر
واحنا مشكلتنا مشكلة ذمم وضمائر
الثورة جاءت لتغير واظن بل واجزم ان اول اصلاح هو اصلاح الاخلاق ياريت كلنا نشجع مثل هذا القرار
وما يستتبعه من قرارات مثل الافلام العربية المتدنية فى الالفاظ البذيئة والمشاهد الخليعة
والهدف اثارة الشباب
طب وبعدين بعد الاثارة
انا اقولكم بعد الاثارة زيادة ايرادات التذاكر وبالتالى ارباح من الحرام لأن الاساس حرام
فاصبح المال حرام
ومن كان ماكله ومشربه من حرام فالنار اولى به

للأسف انتقلنا من مكان سادة الامم الى مكان عبيد الامم نداس بالنعال ونقلد البذاءات للأسف لم نستطع سوى تقليد البذاءات وتركنا تقليد حب العلم حب العمل حب الوطن
اصبحنا فى القاع فى كل شىء
اقتصاديا
سياسيا
علميا
فنيا
دينيا
اخلاقيا
حتى رياضيا للاسف فشلنا بكل ما تحويه الكلمة من خيبة امل
وبعدين فى الاخر
مش عايزين نطبق شرع ربنا
نطبق شرع مين ؟
الغوغاء اللى عايزين الاباحية
ولا عايزين قوانين وضعية توضع على هوى اصحاب الفواحش والرذائل
دين ربنا واضح وطاهر ونقى
وكل من تمسك به نجى وكل من تركه ضل وذل
قال الله تعالى ( ومن اعرض عن ذكرى فان له معيشة ضنكا ونحشره يوم القيامة اعمى قال رب لما حشرتنى اعمى وقد كنت بصيرا قال كذلك اتتك اياتنا فنسيتها وكذلك اليوم تنسى)
صدق الله العظيم

[Hacker5]

القرار كويس جدا و اكيد ايجابياته كتير
بس يعنى خلاص كل حاجة اتصلحت مافضلش غير غلق المواقع الاباحية ؟
على رأى المثل "يجى عند الهايفة و يتصدر"
بس برضو قفل المواقع دى مش حل قوى
لان فيه 1000 طريقة و طريقة لفتحها تانى حتى لو محجوبة و مافيش اسهل من كدة
من الاخر اللى انا عايز اقوله حتى لو المواقع دى مفتوحة
اللى عايز يتفرج هايتفرج

[Totexxxxx]

قرار متأخر , بس المهم انه صدر

[wael30003]

[QUOTE=Hacker5;3874208323][size=4][b]القرار كويس جدا و اكيد ايجابياته كتير
بس يعنى خلاص كل حاجة اتصلحت مافضلش غير غلق المواقع الاباحية ؟
على رأى المثل "يجى عند الهايفة و يتصدر"
والله انا شايف الهايف هو اللى بيسيب شرع ربنا ويسيب الحلال والحرام ويتكلم فى الامور التافه اللى لا بتقدم ولا بتاخر

[Screenplays]

قرار تافه و ملوش لزمه اصلا لان اللي عايز يفتح المواقع دي هيفتحها و اللي مش عايز هيعمل نفسه مش شايفها و تعالوا شوفوا الاباحيه عامله ازاي في الغرب و في نفس الوقت متقدمين فعمر ما قرار زي ده هيزق مصر لقدام بل بالعكس هيحصل ما يحمد عقباه

[A7MED_PHARMA]

يعني هيمنعوا غادة عبدالرازق ومروى اللبنانية و............و.................... من التــ مثيل
ويهقفلوا قناة التت إهئ إهئ إهئ


يعني هيفلتروا الفن الهادف زي فيلم (بون سواريه) و (حاحا وتفاحه)

إخص على كده إخص

[maka]

قرار ممتاز و بداية كويسة

انا بستغرب من الناس اللى عاوز الدنيا تتصلح مرة واحدة

[تامر.محمد]

قرار مش وحش , لكنه مش من الاولويات , ولا يعتبر انجاز في الفترة دي
ده غير انه عرض لمرض اسمه تأخر سن الزواج

[omaroof]

قرار ممتاز كفايه ان ابنك او بنتك او اختك لو فتحت النت متلاقيش اعلانات مالهاش لازمه وقلت ادب
وفعلا فيه 100 طريقع لفتح المواقع المحجوبه بس كدا انته اللى عاوز تفتحها او تتفرج عليها
لكن ايه زنب اللى موش عاوز يشوف حاجات كدا ويلاقيها امامه ؟؟؟؟؟؟؟؟؟؟؟؟؟

[ahmedsrs]

قرار ملوش اى لازمة يحلوا مشاكل طوابير الانابيب والبنزين والعيش والاسعار والطرق والتعليم والصحة الاول دا الواحد لو وقف فى طابور واحد بيسمع شتايم عجيبة كانوا عايش فى فيلم من دول تخيل بقى لو انت باعت ابنك اوبنتك تقف فى طابور من دول الموضوع لا يخرج عن الشو الاعلامى

[amoor89]

قرار كويس بس فى وجهة نظرى لا هيقدم ولا هيأخر هو اللى عمله بس عشان اللى اقترح القرار يخلص ضميره قدام ربنا بس مشكلتنا مش مشكلة مواقع قد ما هيا مشكلة الشارع كفاية اللى الواحد بيشوفه فى الشارع كل يوم والذنوب اللى بياخدها غصب عنه حتى لو محترم ومش بيبص العيب علينا كلنا سواء كنا اب او اخ او ام او اخت ان بناتنا واخواتنا ينزلوا الشوارع بالمناظر ال... مش عارف اقول ال ايه عشان متوقفش بس وربنا يهدينا جميعا

[moh19227]

لكن ايه زنب اللى موش عاوز يشوف حاجات كدا ويلاقيها امامه ؟؟؟؟؟؟؟؟؟؟؟؟؟

بيلاقيها قدامه ازاي ؟!!
مهو اكيد هوا اللي بيدور عليها
هوا قرار كويس بي بردو الناس مش هتغلب في مليون طريقه وطريقه
بس الاولي ان الدولة المتمثله في الحكومه والمجلس الموقر انهم يشوفوا سبب المشكله مش موضوع اغلاق المواقع الاباحيه بس يشوفوا الناس راحت للحاجات دي ليه والاسباب واضحه واهمها تأخر سن الزواج يبقي الاولي انهم يحلوا اهم مشكلة في المجتمع مش يدورا علي اغلاق المواقع الاباحيه طب لو اللي بيتفرج ملقاش المواقع دي مهو هينزل الشارع يتفرج ويعاكس ويمكن ..........
انا مش معترض علي القرار ومبقولش انه غلط بس دوروا علي اساس المشكلة

[memo823000]

يا اخونا المنتديات العربية والمصرية للفيديوهات الـ........ بقت كتير جدا وبطريقه بشعه
وخلاص اللى بيتفرج على الحاجات دى معدتش محتاج للمواقع الاجنبيه
فلاولى يكون فيه رقابة على كل المواقع واليوتيوب والمنتديات اللى.....
وتسهيل الزواج
وتدريس القران كله فى المدارس اجبارى لان القران يهذب النفس
والله المستعان

[Evo]

هاهاهاها... دبي مقفول فيها المواقع الإباحيه والدعاره فيها أكتر من هولندا نفسها

اللي عايز الصح بيعمله من ماغير حد يجبره عليه

[wael30003]

قرار ممتاز كفايه ان ابنك او بنتك او اختك لو فتحت النت متلاقيش اعلانات مالهاش لازمه وقلت ادب
وفعلا فيه 100 طريقع لفتح المواقع المحجوبه بس كدا انته اللى عاوز تفتحها او تتفرج عليها
لكن ايه زنب اللى موش عاوز يشوف حاجات كدا ويلاقيها امامه ؟؟؟؟؟؟؟؟؟؟؟؟؟

احسنت