إعـــــــلان

Collapse

.

,
See more
See less

صخب ... ضوضاء ... ضجيج ... غطيان حلل ... كلاكسات .. بييييب ... اعوعا عوعا

Collapse
X
 
  • Filter
  • الوقت
  • Show
Clear All
new posts

  • صخب ... ضوضاء ... ضجيج ... غطيان حلل ... كلاكسات .. بييييب ... اعوعا عوعا

    هدوء ... شوية هدوء يا ناس .... فى ايه ؟؟؟؟؟؟؟؟


    نحن نريد بعض الهدوء .... شوية ... فترة هدنه و راحه للوداااااااااااااااااااااااااااان ...

    تبدا الودان فى عملها منذ ان يولد الانسان .... فهو يتعرف على ابيه من صوته لما يخش البيت ... ويفضل يجعر و يقول فين الاكل ...... او لما يستجوب المدام و يقولها .... انتى خرجتى رحتى فين يا هاااااااااااااااااانم انهارده ؟؟؟



    ثم يبدا فى التعرف على زمارة بتاع غزل البنات .... و شخلله صاجات بتاع العرقسوس .... و هوهوة الكلاب ...... و سيرينه عربية الاسعاف ...

    ورزع بتاع الانابيب .... و بتاع الروبابيكيا ... و صوته المميز الرخيم ...لما يقول .... بيكيييييييييييييييييييييييييا

    يكبر شوية ........ و يدخل المدرسة و يبدأ فى التعرف على اصوات جديدة .... جرس المدرسة ..... و شخيط المدرس و المدرسة ... و قد يصل الامر الى ان تستخدم كوسيله للعقاب ... قرصه ودن ....



    فالودااااااااان يا سادة مثلها مثل سله المهملات ... و لكنها تختلف فى انها تسقبل مرغما عن انفها كل النفايات الصوتية البشرية و غير البشرية ....

    اصوات ادمية قد تكون رومانسية و حالمه ...تبدا بأغنية "هو..هو نامى يا ننه" ثم عبد الحليم و نجاة . و واخرى قد تكون مزعجه مثل شخير الاب ...

    اوعبارة ابيحه طلعه من معتادى الاجرام و البلطجية ....... تخترف سمعك بدون استئذان .... او دى جى حنه بنت اخت الست " كزرونه "



    و على مر العصور و التاريخ .... وعى الانسان اهميه "الودااااااااااان" فى حياته فدخلت فى الامثله الشعبية " الزن على الودان امر من السحر "

    و لم يقتصر فقط على الوظيفه الفسيولوجية لها و انما ايضا تطرقت الى الدلاله على المكان و المنطق مثلا " ودنك منين يا جحا "

    و احتلت " الوداااان" مكانه عالية عند المرأة ... فهى تزينها باثمن الحلى و لا تتوانى فى خرمها لكى تعلق بها قرطها الذهبى ......



    و لم تنساها ايضا السينما المصرية و المشهد الشهير لعبد المنعم ابراهيم و زينات صدقى لما قالها " ودااااااااااااااانك ده ... اللى عاوزة تتاكل " و رغم عدم منطقية الكلام.. ردت قائله " ياختى " ....... فلم تسلم الوداااااااااااااان من غير العاقل و العاقل .......



    كما انها حماله اسية و تقوم بدور حيوى و مساعد للعين ايضا فتحمل دراعين النضارة ... و تستعمل ايضا كجيب علوى للاقلام و السجاير الفرط ....



    و بالرغم من كل هذة المعاناة ... الا ان الوضع بالنسبة لى مختلف شويه ..... انا عندى عقده من الصوت العالى .... حاولت جاهدا انى اتعايش مع هذة العقدة فلم استطع ..... اقوووم مفزوعا و لو حتى فى عز الليل ... على صوت سقوط غطاء حله على ارضيه المطبخ .... لا استطيع دخول محلات الكشرى بسبب قرع الاطباق و الملاعق و الشوك .... حتى زنه الدبانه معدتش طايق اسمعها ......



    بحثت كثيرا لكى اتعرف على سبب تلك العقده ..... و للاسف وجدت السبب ... علمت اننى عندما كنت طفل رضيع عمرى بالشهور ... كانت والدتى كانت والدتى تتركنى مع اختى الكبيرة – تكبرنى بحوالى 12 سنه – لكى تقوم هى بتنظيف و ترتيب المنزل .... و طبعا ككل الاطفال احتاج انا الى من يهزنى و يلاعبنى كى اتوقف عن الزن ... و بما انى كنت طفل غتيت و مبسكتش و عاوز كل شوية حد يشلنى ... لجأت اختى الى حيله جهنميه كى اتوقف عن البكاء ..... نظرت تحت السرير فوجدت " طشت " نحاسى كبير .... و بجانبة " مغرفة " نحاسية ايضا كبيرة ... ثم ابتسمت ابتسامه ماكرة....



    و انا زى المغفل .........و نظرت الى ... فكلما أشعر بالملل و ابدأ بالبكاء .... فتقوم هى بضرب طرف الطشت بالمغرفه النحاسية ليصدر صوتا رنانا ..



    فانتبه انا و تتجمد ملامحى و تبرز عيناى الى الامام ..... الى ان ينتهى اثر الصوت ... ثم اعيد الكرة و ابدأ فى البكاء ... فتقرع هى "الطشت " مرة اخرى

    فيصيبى شعورا بالذهول ... و هلم جرا .......

    فنصيحه الى كل ام و اب ...... تخلصوا من كل محدثات الصوت فى منزلكم رحمه بأـبنائكم ابتدأ من ال"طشت " الى " الشخشيخه "
    [CENTER][gdwl][B]لا [/B]يستطيع رفع صور للتوقيع[/gdwl][/CENTER]

  • #2
    بس ياعم ماتقلبش علينا المواجع .. بالذات شخير الأب ده .. مشكلة .. والدي الله يرحمه كان صوت شخيره عالي جدا لدرجه اننا كنا كل مانسافر بالقطر مسافات طويلة .. كنت الاقي القطر كله بيتفرج علينا .. تخيل انه ساعات كان بيصحى علي صوت شخيره ! .. لأ و الانقح من كده التكاتك .. تلاقي عيل جه يغسل التوك توك تحت شباكك 1 صباحا و عشان هو مغرم بالوساده الخالية (بتاعت أوكا مش حسام غالى) يبقى لازم تشاركه إعجابه وتسمعها معاه .. ربنا يكون معاك ومعانا
    يا أيها العبد الملول .. ربك طلع مش زينا .. بيرضى حتى مننا .. بأنصاف الحلول ..

    Comment


    • #3
      كالعادة مبدع
      اسلوبك شبيه بالكتاب الساخرين امثال احمد رجب
      لو استثمرت موهبتك دي هنكسب كاتب ساخر جديد .. فكر ... وصدقني ان شاء الله هتنجح
      [mshosh2]http://www7.0zz0.com/2013/05/08/17/903528565.jpg[/mshosh2]

      Comment


      • #4
        المشاركة الأصلية كتبت بواسطة wassim_nasser مشاهدة المشاركة
        بس ياعم ماتقلبش علينا المواجع .. بالذات شخير الأب ده .. مشكلة .. والدي الله يرحمه كان صوت شخيره عالي جدا لدرجه اننا كنا كل مانسافر بالقطر مسافات طويلة .. كنت الاقي القطر كله بيتفرج علينا .. تخيل انه ساعات كان بيصحى علي صوت شخيره ! .. لأ و الانقح من كده التكاتك .. تلاقي عيل جه يغسل التوك توك تحت شباكك 1 صباحا و عشان هو مغرم بالوساده الخالية (بتاعت أوكا مش حسام غالى) يبقى لازم تشاركه إعجابه وتسمعها معاه .. ربنا يكون معاك ومعانا
        فعلا يا دكتور وسيم ..... المواجع ده شغاله معانا على طول ......

        كالعادة مبدع
        اسلوبك شبيه بالكتاب الساخرين امثال احمد رجب
        لو استثمرت موهبتك دي هنكسب كاتب ساخر جديد .. فكر ... وصدقني ان شاء الله هتنجح

        يا راااااااااااافع معنويانى ... يا ابو جوجو يا جميل ... بس علشان خاطرى متقراش مواضيعى الا لما تكون الناس كلها صاحية عندكم ... علشان متحسسنيش بالذنب ....
        يكيفنى بس شرف اعجابك بالهلاوس الفكرية اللى انا بكتبها على الاجتماعى ... على فكرة الصورة الرمزية بتاعتك عاجبه الواد سيف ابنى اوى ... بيقولى عاوز كلاون زى ده ... متعرفش بيتباع فين ؟؟
        [CENTER][gdwl][B]لا [/B]يستطيع رفع صور للتوقيع[/gdwl][/CENTER]

        Comment


        • #5
          ههههههههههههههههههههههههههههههههههههههههههههههههه الهدوء في الجنه ان شاء الله مش في مصر

          Comment

          Working...
          X