للبنـــــــــــات و بس

[sniper2010]

للبنـــــات و بـــــــس
اوعوا تفهموا العنوان غلط يا جماعة :) دي مجرد نصائح للأخوات في المنتدى عن (إجراءات الأمن) الواجب اتخاذها عند المشي في الشارع
1- المشي على الرصيف و الابتعاد قدر الإمكان عن نهر الطريق خاصة إذا كان في الطريق موتوسيكلات كتير
2- إذا كنت تحملين شنطة يجب رفعها على الكتف أو اليد اللي في الجهة المقابلة من الطريق (يعني لو الطريق على شمالك شيلي الشنطة على يمينك)
3- ضرورة حمل زجاجة بخاخ تحتوي على ماء شطة أو فلفل و رشها على عين أي حد يعاكسك (هيرقد فورا على الأرض و مش هيقدر يعمل أي حاجة غير إنه يصوط بأعلى حس)
4- قص الأظافر بطريقة مدببة لاستعمالها كسلاح مع ضرورة جعلها قصيرة قدر الإمكان حتى لا تنكسر (وكمان عشان الناحية الصحية)
5- استعمال الأظافر يجب أن يكون في منطقة مؤثرة مثل الوجه
6- عدم ركوب تاكسي أو تكتك منفرده ولازم يكون معاكي بابا أو عمو أو خالو ...إلخ حتى لو كان معاكي واحدة صاحبتك فيفضل عدم ركوب التاكسي أو التكتك أيضا و استعمال المواصلات العامة أو الموتورجل
7- أثناء القيادة ليلا: عدم التوقف لمساعدة أي حد (خاصة لو الطريق فاضي) حتى لو كانت واحدة ست (ممكن يكون كمين) أنا عارف إنكم ممكن تعترضوا على النقطة دي بس الاحتياط واجب
8- عدم النزول من البيت منفردة أثناء الليل
9- عدم وضع برفانات أو حتى مزيلات العرق ذات الرائحة لأنها أولا حرام ثانيا ملفته للانتباه (ممكن استعمال مزيلات العرق عديمة الرائحة)
10- وطبعا طبعا التزام الحشمة في الملابس
==== و ربنا يسلم =====
ملحوظة : يحظر على الزوجات قراءة النقطتين رقم 4 و 5 حفاظا على سلامة الأزواج :)

[osama]

1- المشي على الرصيف و الابتعاد قدر الإمكان عن نهر الطريق خاصة إذا كان في الطريق موتوسيكلات كتير
2- إذا كنت تحملين شنطة يجب رفعها على الكتف أو اليد اللي في الجهة المقابلة من الطريق (يعني لو الطريق على شمالك شيلي الشنطة على يمينك)

=================
نصيحة هامة جداً لان حدث لاختي وهي في جامعة عين شمس عند خروجها من الجامعة حدث الاتي
موتوسيكل بسرعة جنونية اقترب منها وخطف الشنطة منها

[azzam]

ألف شكر علىالنصائح
بجد بجد مفيدة جداااا

[محمد المشد]

جزاك الله كل خير 000 ويجب علينا ان نبادر بمساعدة اى سيدة سواء انسة او متزوجة او طفل او شاب او من يطلب المساعدة عند رؤيتنا لاى مكروة لهما وجزاكم الله كل خير ، واتمنى ان ترجع الشهامة مرة اخرى للشارع المصرى

[sniper2010]

يعني ما سمعناش رأي الأخت علا........

[Boutin]

السلام عليكم
أحب تكون أول مشاركة ليا إني أشكرك على الموضوع الهايل ده
وفعلا المنتدى ده سمعته حلوة زي ما بيقولوا عليه و مفيد جدا و يعبر عما تبقى من روح الشهامة المصرية

[Noha.M]

الف الف شكر

جزاك الله كل خير

[OlaOsman]

يعني ما سمعناش رأي الأخت علا........

و اشمعنى رأي الأخت علا يعني بالتحديد؟

طبعا نصائح هامة جدا.. جزاك الله خيرا.

[TaoTao]

نصائح في غاية الأهمية وأنا شخصيا أطبق النصيحة الخاصة بحمل الشنطة بعيداً عن نهر الطريق.

فيه كمان حاجة كانت مبعوتة من زمان على الإيميل وبرضه باطبقها لا شعورياً من ساعة ما قريتها، لو في محل وباعمل بروفة للهدوم قبل ماشتريها .. قبل مابدل هدومي احط صباعي ع المراية واطمئن الأول إنها مش "نصف مرآة" يعني من جهتي تكون مرآة ومن الجهة الأخرى تكون شفافة !
والطريقة هي أن المرآة العادية يكون هناك مسافة (حوالي 2-3 مللي) بين الأصبع وصورته في المرآة عند لصق الأصبع بسطح المرآة، أما لو كانت نصف مرآة فلا تكون هناك هذه المسافة بين الأصبع وصورته. هو صحيح أنا شاب ، بس الزمن ده مافيش حاجة مضمونة

[جندى مجند]

ملحوظة : يحظر على الزوجات قراءة النقطتين رقم 4 و 5 حفاظا على سلامة الأزواج :)

طيب مش كنت تكتب الملحوظة دى فى بداية الموضوع مش نهايته؟!! أهم قروها خلاص يا سيدى

[sniper2010]

طبعا رأي الأخت علا مهم لأنها علامة المنتدى المميزة و الموضوع من غير رأيها ولا يسوى :)

أما بالنسبة للأخ المجند: ما هو كده كده هيقروها بل بالعكس لو مكتوب في الأول كانوا هيتعمدوا يقروها
وآل على رأي المثل الممنوع مرغوب

[sniper2010]

حبيت أعمل المشاركة دي عشان الموضوع ييجي في الأول و اللي ما قراهوش يقراه خاصة الأستاذ محمد عبد الشافي عشان اللي حصل معاه

[sherif_m72]

ربنا يجازيك خير

[l0new0lf]

طيب مش كنت تكتب الملحوظة دى فى بداية الموضوع مش نهايته؟!! أهم قروها خلاص يا سيدى

not to worry, they have their own special ways
:D