إعـــــــلان

Collapse

.

,
See more
See less

مشكله عاطفيه معقده : انسي البنت دي ازاي ؟ اقروا الموضوع كله من فضلكوا

Collapse
X
 
  • Filter
  • الوقت
  • Show
Clear All
new posts

  • مشكله عاطفيه معقده : انسي البنت دي ازاي ؟ اقروا الموضوع كله من فضلكوا

    طبعا معظم الناس هنا هيقولوا هو الواد ده بيهيس و لا ايه ؟ ده طول عمره معادي للجنس الناعم و احب اقول للفقهاء دول انا معادي ليهم لاسباب لا تخفي عن احد و لكن طبعا في حياه كل واحد فينا بنت سواء اتجوزها و لا متجوزهاش فهي موجوده

    مبدئيا هنسمي البنت دي (س) و ده اول حرف من اسمها و (س) اكبر مني ب 5 سنين و طبعا الفقهاء هيقولوا اكبر منه ب 5 سنين و بيحبها ازاي ؟ فاحب اقولهم ان الحب ملوش علاقه بالسن و لا بالشكل و لا بالدين و لا بالجنسيه و لما بتحب بتحب و خلاص

    (س) كانت جارتي قبل ما نعزل و ابتدت الحكايه مع (س) و هي في اولي كليه حروق و انا في 3 اعدادي و محدش يتريق من فضلكوا و كانت بتيجي عندنا البيت عشان تذاكر عندنا و طبعا الفقهاء هيقولوا و ايه اللي يخليها تيجي تذاكر في بيتكوا ؟ ما تذاكر في بيتهم و خلاص فاحب اقولهم ان عندها اختين اصغر منها و ساعتها الصغيره كانت في 3 اعدادي زيي و الوسطانيه كانت في ثانويه عامه و (س) هي الكبيره و هي بتحب الهدوء الزائد عن اللزوم زيي

    طبعا لما كانت بتيجي عندنا كنت بسيب المذاكره عشان اعد اتكلم معاها و لكن امي كانت بتطردني شر طرده عشان اروح اكمل مذاكرتي علي اساس يعني الواد هيفلح اوي

    كنت بجيبلها هدايا في عيد ميلادها و مره جيبتلها هديه في عيد الفلاتنين و الله كنت بحوش مخصوص عشان اشتريلها الهدايا دي و كنت حاسس نحيتها باحساس غريب معرفتش احسه تاني لحد دلوقتي و شكلي مش هحسه و محدش بياخد اكتر من نصيبه

    المهم طبعا هي كانت حاسه و عارفه و كانت بتعاملني معامله تانيه خالص غير اي حد تاني و استمر الوضع ده لحد ما انا بقيت في 3 ثانوي و حدثت المصيبه المتوقعه

    اتخطبت بس لراجل محترم و مهذب فكنت عايش في مأساه و كنت بدعيلها ربنا يسعدها حتي لو سعادتها مش معايا و الحمد لله جبت مجموع زي الزفت نتيجه عدم التركيز في المذاكره و في نفس السنه الهباب دي عزلنا و يومها كان اخر مره اشوفها فيها

    طبعا الفقهاء هيقولوا و ايه الجديد في اللي انت حكيته ؟ فاحب اقولهم ان الجديد ان اخر مره شفتها كانت في 2003 و احنا في 2012 و مش عارف انساها خالص بتطلعلي في احلامي و لسه فاكر ملامحها لحد دلوقتي و لسه سامع صوتها في وداني و بفكر فيها علي طول و كل ما بتيجلنا زياره عشان تسأل علي امي و اختي كنت بتعمد انزل من البيت عشان مقابلهاش و لا اشوفها و لا اسمع صوتها حتي

    انا حاسس بذنب رهيب يا جماعه عشان دلوقتي بقت متجوزه و عندها 3 بنات و طبعا الفقهاء هيقولوا ما انت فاضي و عندك فراغ عاطفي فاحب اقولهم اني مش فاضي و لا عندي فراغ عاطفي بس فعلا مش شايف بنت غيرها قدامي و والواحد بقه 25 سنه و العمر بيجري زي القطر فده اللي مخليني عازف عن الجواز و ياريت الفقهاء يقولولي اعمل ايه عشان انساها بدل كتر اسألتهم

  • #2
    عيش الحياه اللى جايه وانسى اللى راح منك لانه مبقاش من نصيبك ركز فى شغلك وحياتك وهتلاقى حب جاى واعرف واتاكد ان اللى ربنا رايدهولك هو اللى فيه الخير وان شاء الله هتلاقى بنت الحلال اللى مستنياك ويمكن تكون قدامك وانت مش شايفها دور وكون نفسك هتلاقى الخير ان شاء الله

    وربنا يسعدك

    Comment


    • #3
      يبقي كدة عرفنا سبب انك مش طايق اي حاجة من اي حد في اي حتة في اي مكان في اي وقت.

      عايز تنسي الحوار: قول لنفسك كلمة. انها دلوقتي مشغولة بولادها وجوزها وحياتها وانتا مش فالحسبان خاااااااااااااااااالص فلازم يانفسي انتي كمان تشوفي حالك بدل ماتعيشي وتموتي علي حوار مكنش صح اصلا من بدايته.

      ومادام طلبت راي الفقهاء يبقي ابسط جالك زينة فقهاء هذا البلد. الحل للحوار ده انك ترتبط وتتجوز هتلاقي حاجات تشغل تفكيرك وتملا حياتك.

      تحياتي واتمنالك التوفيق ياصاحبي.

      Comment


      • #4
        خودها من اخوك الصغير
        انتا كنت مراهق و دى المفروض مشاعر متغيره يعنى زى احلام اليقظه كده
        تانى حاجه النتا بتحكيه ده مش حب
        تالت حاجه حرام عليك انك تنصح الناس بعدم الجواز لمجرد تجربه زى دى ده لو دى تعتبر تجربه اصلن
        انتا محتاج تعقل شويه و تهدى كده و تعيد ترتيب افكارك و تفكر براحه و تحط هدف قدامك
        و تفكك من ابو اسماعيل و البوسترات و الجو ده
        بس لنفسك و شوف امكنياتك هتلاقى شاب جامد بس محتاج يركز هيبقا عالمى و الله
        ارجو متزعلش من كلامى
        و ان فاتك اول قطر خد البعدو يا كبير و ان فاتك 10 قطرات اركب المكروباص و الله هتوصل هتوصل لو انتا مصمم
        اتمنى تتقبل راى
        كولو بالحنيه بيفك مع تجيات جمعيه حنينها قبل متحلبها

        Comment


        • #5
          علاجك انك تشوفها تاني و هتنساها علطول

          Comment


          • #6
            المشاركة الأصلية كتبت بواسطة minicooper20 مشاهدة المشاركة
            خودها من اخوك الصغير

            تالت حاجه حرام عليك انك تنصح الناس بعدم الجواز لمجرد تجربه زى دى ده لو دى تعتبر تجربه اصلن
            ماشاء الله عليك جيبت الخلاصة

            عجبتني قوي الجملة دي

            Comment


            • #7
              المشاركة الأصلية كتبت بواسطة dado_256 مشاهدة المشاركة
              عيش الحياه اللى جايه وانسى اللى راح منك لانه مبقاش من نصيبك ركز فى شغلك وحياتك وهتلاقى حب جاى واعرف واتاكد ان اللى ربنا رايدهولك هو اللى فيه الخير وان شاء الله هتلاقى بنت الحلال اللى مستنياك ويمكن تكون قدامك وانت مش شايفها دور وكون نفسك هتلاقى الخير ان شاء الله

              وربنا يسعدك
              كلام عقلانى جدا حاول تنفذه بالحرف
              هو انت بتشتغل ايه؟؟
              [CENTER][img2]http://www6.0zz0.com/2012/03/25/12/859275149.jpg[/img2][/CENTER]

              Comment


              • #8
                ياعم أنت بتقول متجوزة ومخلفة 3 عيال
                شوفها إنت بس دلوقتي وهتنسى كل الكلام اللي إنت بتقوله ده

                Comment


                • #9
                  كبر دماغك
                  وشووووووووووف حالك
                  ولازم تعرف انك علشان ترتبط لازم علي الاقل تكون اكبر من الي انت هترتبط بيها ب 5 سنين
                  وبالتوفيق

                  Comment


                  • #10
                    والله يا أخي مسيرك هتتجوز وتكره اليوم اللي اتولدت فيه مش هتكرهه هيه بس
                    [CENTER][B][SIZE=4]I NEED YOU[/SIZE][/B][/CENTER]

                    Comment


                    • #11
                      المشاركة الأصلية كتبت بواسطة mr_vampire مشاهدة المشاركة


                      عايز تنسي الحوار: قول لنفسك كلمة. انها دلوقتي مشغولة بولادها وجوزها وحياتها وانتا مش فالحسبان خاااااااااااااااااالص فلازم يانفسي انتي كمان تشوفي حالك بدل ماتعيشي وتموتي علي حوار مكنش صح اصلا من بدايته.

                      أستاااااااااااذ و رئيس قسم ....
                      أنت كدة ....

                      على فكرة أنا مريت بتجربة مشابهة لتجربتك ....
                      و عايز أقولك أن أكبر غلطة ممكن يعملها راجل فى حق نفسة هى أنة يرتبط عاطفيآ بواحدة متجوزة ....

                      أنها حقآ كارثة أن يقع الأنسان فريسة الحب الخطأ لأنة لا يدرك عمق عذاباتة بعد ذلك
                      حيث لا يعرف قاموس الحب كلمة الخطأ ....

                      مفيش علاج لحالتك غير أنك تفضل تشتغل و تطلع كل همك فى الشغل ....
                      ضع ثقتك فى الله و أطلب منة أنة يوفقك مع الأنسانة اللى هتسعدك ....

                      مع الوقت هتلاقى نفسك نسيت الموضوع دة خااااااالص ....
                      أسئلنى أنا ....

                      الدنيا عمرها ما بتقف عشان خاطر أى حد مهما كان ....
                      الحياة لازم تستمر ....


                      Comment


                      • #12
                        المشاركة الأصلية كتبت بواسطة mr_vampire مشاهدة المشاركة
                        يبقي كدة عرفنا سبب انك مش طايق اي حاجة من اي حد في اي حتة في اي مكان في اي وقت.

                        عايز تنسي الحوار: قول لنفسك كلمة. انها دلوقتي مشغولة بولادها وجوزها وحياتها وانتا مش فالحسبان خاااااااااااااااااالص فلازم يانفسي انتي كمان تشوفي حالك بدل ماتعيشي وتموتي علي حوار مكنش صح اصلا من بدايته.

                        ومادام طلبت راي الفقهاء يبقي ابسط جالك زينة فقهاء هذا البلد. الحل للحوار ده انك ترتبط وتتجوز هتلاقي حاجات تشغل تفكيرك وتملا حياتك.

                        تحياتي واتمنالك التوفيق ياصاحبي.
                        لا انا قرفان من اول ما قامت الثوره و شغلي وقف مش بسبب الموضوع ده و الله انا شايف حالي و شغالين و زي الفل بس الواحد حاله معدش زي الاول و بعدين ارتبط ايه ؟ انت داخل تزقني و تمشي هههههههههههههههههه حبيبي

                        المشاركة الأصلية كتبت بواسطة minicooper20 مشاهدة المشاركة
                        خودها من اخوك الصغير
                        انتا كنت مراهق و دى المفروض مشاعر متغيره يعنى زى احلام اليقظه كده
                        تانى حاجه النتا بتحكيه ده مش حب
                        تالت حاجه حرام عليك انك تنصح الناس بعدم الجواز لمجرد تجربه زى دى ده لو دى تعتبر تجربه اصلن
                        انتا محتاج تعقل شويه و تهدى كده و تعيد ترتيب افكارك و تفكر براحه و تحط هدف قدامك
                        و تفكك من ابو اسماعيل و البوسترات و الجو ده
                        بس لنفسك و شوف امكنياتك هتلاقى شاب جامد بس محتاج يركز هيبقا عالمى و الله
                        ارجو متزعلش من كلامى
                        و ان فاتك اول قطر خد البعدو يا كبير و ان فاتك 10 قطرات اركب المكروباص و الله هتوصل هتوصل لو انتا مصمم
                        اتمنى تتقبل راى
                        بص انا منصحتش حد بسبب الموضوع ده اصلا علي فكره و بعدين الواحد عاقل و راكز الي درجه البرود اصلا و الحمد لله شغالين بس القشيه مش معدن زي الاول و بعدين يفوتني القطر و لا ميفوتنيش مش فارقه

                        المشاركة الأصلية كتبت بواسطة M.Mosaad مشاهدة المشاركة
                        علاجك انك تشوفها تاني و هتنساها علطول
                        المشاركة الأصلية كتبت بواسطة amdd مشاهدة المشاركة
                        كلام عقلانى جدا حاول تنفذه بالحرف
                        هو انت بتشتغل ايه؟؟
                        قبل الثوره المباركه كان عندي مكتب استضافه مواقع و كان شغال زي الفل و كنت ببتاجر في الدومينات بالمعني الحرفي و الحمد لله في ظرف سنه اشتريت عربيه و الحياه كانت فل

                        بعد الثوره العملاء طفشوا عشان معدش فيه فلوس خلاص و العربيه اتسرقت و المكتب اتقفل عشان معدش فيه فلوس و اعدت اصرف من قرشين كنت محوشهم بالصدفه لحد ما بقيت شغال حاليا مصمم اعلانات في شركه دعايه و اعلان محترمه بس برضه مش مبسوط و الحياه مش حلوه زي الاول

                        المشاركة الأصلية كتبت بواسطة mailo مشاهدة المشاركة
                        ياعم أنت بتقول متجوزة ومخلفة 3 عيال
                        شوفها إنت بس دلوقتي وهتنسى كل الكلام اللي إنت بتقوله ده
                        هههههههههههههههههههههههههههه عارف و الله

                        المشاركة الأصلية كتبت بواسطة ahmedaglan مشاهدة المشاركة
                        كبر دماغك
                        وشووووووووووف حالك
                        ولازم تعرف انك علشان ترتبط لازم علي الاقل تكون اكبر من الي انت هترتبط بيها ب 5 سنين
                        وبالتوفيق


                        و الله انا نظري مش ضعيف ههههههههههههههههه و علي فكره ممكن تكون قدك عادي و دي وجهه نظري

                        المشاركة الأصلية كتبت بواسطة cyborg_ift مشاهدة المشاركة
                        والله يا أخي مسيرك هتتجوز وتكره اليوم اللي اتولدت فيه مش هتكرهه هيه بس
                        هههههههههههههههههههههه ما عشان كده مش عايز اتجوز ما هو مش موت و خراب ديار

                        Comment


                        • #13
                          المشاركة الأصلية كتبت بواسطة dado_256 مشاهدة المشاركة
                          عيش الحياه اللى جايه وانسى اللى راح منك لانه مبقاش من نصيبك ركز فى شغلك وحياتك وهتلاقى حب جاى واعرف واتاكد ان اللى ربنا رايدهولك هو اللى فيه الخير وان شاء الله هتلاقى بنت الحلال اللى مستنياك ويمكن تكون قدامك وانت مش شايفها دور وكون نفسك هتلاقى الخير ان شاء الله

                          وربنا يسعدك
                          انت كده جبت من الاخر
                          [img2]http://nileup.com/up/uploads/nilemotors_13649876441.jpg[/img2]

                          Comment

                          Working...
                          X