مخالفة بيئة خليتني مجرم

[aliabutaleb]

أه والله هي كدة بالظبط
المحضر اللي انا وقعت عليه مكتوب فيه إن اللجنة اللي مسكت عربيتي كانت في إطار الكشف عن الممارسات الإجرامية اللي بيرتكبها بعض السيارات اللي بيخرج منها انبعاثات خطرة على البيئة
ايه الكلام الكوميدي ده :)

الخلاصة
اللجنة قدام هايبر وان ولسة شغالة لغاية دلوقتي
ومش بيوقفوا غير العربيات القديمة
وبيدخلوا في الشكمان بتاعها كابل كدة أخره فيه أداة متوصلة بجهاز مفترض انه بيقيس الانبعاثات دي
والحمد لله على كل حال
قاسوا العربية بتاعتي وقالولي ان الكهربا بتاعتها مقدمة فبتطلع حاجات ضارة بالبيئة
مضيت على المحضر والحمد لله مكانش فيه سحب رخص

[CryptonX]

أه والله هي كدة بالظبط
المحضر اللي انا وقعت عليه مكتوب فيه إن اللجنة اللي مسكت عربيتي كانت في إطار الكشف عن الممارسات الإجرامية اللي بيرتكبها بعض السيارات اللي بيخرج منها انبعاثات خطرة على البيئة
ايه الكلام الكوميدي ده :)

الخلاصة
اللجنة قدام هايبر وان ولسة شغالة لغاية دلوقتي
ومش بيوقفوا غير العربيات القديمة
وبيدخلوا في الشكمان بتاعها كابل كدة أخره فيه أداة متوصلة بجهاز مفترض انه بيقيس الانبعاثات دي
والحمد لله على كل حال
قاسوا العربية بتاعتي وقالولي ان الكهربا بتاعتها مقدمة فبتطلع حاجات ضارة بالبيئة
مضيت على المحضر والحمد لله مكانش فيه سحب رخص

طب و مش عيب تضر البيئة ؟

حرام عليك ياخي :)

ركب فلتر في الشاكمان :)

[goodwave]

محمد باشا .... زميل الدراسة العزيز:)
مسمعوش إخواتنا في البلد ... كانوا طخوك طوالي .... وتطلع إية البيئة دي ؟ ولية تركبها معاك عربيتك ؟ أهو الحكومة ظبطتها معاك وإديتك مخااالفة ... مبسوط ديلوكييييت ؟

[محمد المشد]

النظام دوت فى السعودية 000 بس بيتم عملة عند فحص السيارة السنوى وبيتم وضع تكت على السيارة بأنها قد تم فحصها

[OlaOsman]

تؤ تؤ تؤ.. و كمان مخالفاتك طلعت بيئة يا علي؟

لأ بس أحييهم.. فنانين تقليب جيوب المواطنين

[aliabutaleb]

ربنا يجزيكم خير والله يا جماعة
ضحكتوني من قلبي :)
كنت عاوز أدفع لو فيه مخالفة فورية ولا حاجة بس المقدم قاللي متقلقش دي حاجة بسيطة كدة هاتبان لك عند التجديد
قاللي وهو بيضحك ولا تحب أسحب الرخص وأبعتك اسكندرية في الحر ده عشان تاخد لك يومين اجازة وتجيب الرخص
قلت له لااا كتتر خيرك مش عاوز اجازات

بس والله صعب عليا جداً
الساعة 12 ونص في عز الحر والصهد واقف في الشارع عشان يشتغل الشغلانة الغبية دي
ربنا يكون في عونه بصراحة لأنه كان واضح إنه راجل محترم

[ashour]

الحمد لله انها امضى و بتروح
اهو هو ده الفراغ... بقى موقف ناس فى الحر و فى حته فاضيه عشان تكشف على الشكمان... ده العادم اللى الشكمان بيطلعوه ميجيش حاجه جنب دقيقه شغل فى مصانع الشرقية للدخان اللى فى وشك الزحمه و الناس عايشين جنبها.

[mmolazem]

فبتطلع حاجات ضارة بالبيئة
مضيت على المحضر والحمد لله مكانش فيه سحب رخص

ومضيت على المحضر ؟؟ .............. مضيت فعلا ؟؟.
- آآه يا خوفى بعد المحضر ( بفتح الميم ) ....... يكون فيها محضر ( بضمها ).
دا ضرر بالبيئه ياخوانا ، مش اى حاجه ، يعنى ممكن يكون فيها انتربول كمان.
ابشروا ..... فقد دخلنا عصر الابتكارات الجديده فى فنون البلطجه.

ان شاء الله يكون خير يا أخى ( وابقى طمنا عليك ).

[GoldenManEye]

أيه يا رجالة,,, الراجل بيقول إن الجهاز طلع العربية مش متظبطة و مضرة بالبيئه.
و بيقول ظابط المرور مضاه على محضر و كان ظابط محترم و عامله بإحترام.

أنا شايف ان ده عادل جداً يعنى مخدش حاجة فى جيبه يعنى لا بلطجة و لا غيره.

يا ريت نكون منصفين شويه!

[Ahmed Eraqy]

الحمد لله انها امضى و بتروح
اهو هو ده الفراغ... بقى موقف ناس فى الحر و فى حته فاضيه عشان تكشف على الشكمان... ده العادم اللى الشكمان بيطلعوه ميجيش حاجه جنب دقيقه شغل فى مصانع الشرقية للدخان اللى فى وشك الزحمه و الناس عايشين جنبها.

اصل البشوات اصحاب المصانع دول عمرهم ما هيضروا البيئة

الشعب المفترى ده هو اللى بيعمل كل حاجة

بكره ياخدوا مننا مخلفات علشان يخيطوا ثقب الاوزون الى احنا طبعا خرمناه

[MoToRiZeR]

اهو ده بقي التهريج شخصيا!

انا يومياَ في ميدان التحرير و بمر علي مؤسسات حكومية كتير
و اكاد اجزم ان السيارات الخاصة بالكوادر الحكومية هي اكتر سيارات تضر البيئة !
خاصة الاوتوبيسات .. ابقي ماشي ورا الاوتوبيس و هو معلق نمر حكومة و مطلع هباب اسود

و انهاردة و الله عاصفة سوداء طالعة من شكمان اوتوبيس معلق نمر "حرس جمهوري"
يروحوا يشوفوا بلاويهم الأول بعد كدة يرموا بلاهم عالناس

و الدليل ان ده تهريج ان الضابط شخصيا بالنسبة لوصف حضرتك كان بيضحك و كأنه مش مقتنع بالموضوع