مشكلة عاطفية

[makmool]

السلام عليكم ازيكم جميعا
المشكلة باختصار هي ان انا شاب عندي27 سنة تقريبا. غير مرتبط كنت بشتغل في شركة كويسة ولازلت فيها من 5 شهور كده جت بنت عندنا تشتغل من نفس سني تقريبا المهم هي حاولت التعرف علي واظهار الاهتمام بي وانا كمان اظهرت اهتمام بيها لحد اما جة وقت وفاتحتها في اني عاوز اخطبها
كلمت والدها وطلب مقابلتي الصراحة مستريحتش لية خالص كل اسئلتة تخص الامور المادية وبس مسالش علي اهلي غير اسلئلةبسيطة وتاني مرة بدا يتكلم برضة في الشبكة والتجهيز وانة مش عاوز فترة خطوبة طويلة وكده يعني حتي من غير ما يقابل اهلي
انا حسيت انة شخص مادي شوية بس البنت مش كده خالص وانا مستريح ليها جدا لكن والدها لا لا لا
مش عارف اعمل اية الصراحة
ممكن نصيحة؟؟؟؟؟؟ لاني اول مرة الاقي موقف زي ده في مواضيع الجواز؟؟؟؟؟؟؟

[Screenplays]

نصيحه فكك من الجوازه دي لانك مش بترتبط بالبنت بس

[al_manara]

نصيحه فكك من الجوازه دي لانك مش بترتبط بالبنت بس

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.

وواضح ان الراجل من كلامك مش فارق معاة حاجة غير الفلوس . لاكن الدين والاخلاق لا. (نحسبك علي خير)

[amr.elsayed]

انا شايف ان دة عادى فى الزمن دة والراجل والد البنت بردو عايز يتطمن على بنته مش حيجوزها لاى حد
انت اللى تعمله كالاتى .. تحدد امكانياتك كويس وتتكلم بمنتهى الصراحة
بس بالاصول ...انا حعمل كذا وحدفع كذا وحجيب شبكة فى حدود كذا ومش حعمل كذا وكذا وشوف الراجل واتفق معاه
موافق يبقى مبروك ... مش موافق يبقى فكك

[me_medoo]

بص ياسيدي في ناس هتقلك مش مهم ابوها ومش عارف ايه انا بقلك عن تجربة اذا البنت كويسة وابوها او ولدتها او حتى اخوها مش كويس. تغور البنت وابوها لانو هيطلع عينك في المستقبل وطبعا هيمسسكك قبل الفرح ويمضيك على قيمة قاااااااد كدة حصلت معايه وكانت الجوازة هتتفشكل بس انا حلفت اني مش همضي وبعد ما اقنعوني علشان حلفاني ميتكسرش قمت بصمت على القايمة هههههههههه.
المهم صحيح تقدر معلش تقلي هيا برج ايه وانتا برج ايه علشان اعرف اذا في توافق في الطباع ولا لا

[Hondawy_2008]

نصيحة من أخ بجد هتفهمها بعدين مش دلوقتي " فكك من المصريات خالص "

[amr.elsayed]

بصوا حواليكوا للزمن اللى احنا عايشين فيه .. يعنى من حق الاب انه يعرف امكانيات الراجل اللى جاى يتجوز بنته
بغض النظر عن ان الاب دة انسان كويس ولا لأ ... حط نفسك مكان ابو البنت لو واحدجاى يتقدم لبنت اى حد فينا
مش حيساله هو عنده شقة ولا لا ؟؟؟؟؟ !!!! مش حيساله عن موارد دخله علشان يعرف ان الراجل دة حيعرف يصرف على بنته ولا لا ؟؟؟؟
اكيد كل الاسئلة دى واردة ومن وجه نظرى اسالة ضرورية لازم الاب يسالها للعريس علشان يقيم الحالة المادية ليه
زى ما حيقيم اخلاقه ... زى ما حيقيم درجة التدين .. علشان يتطمن انها مع يد امينة

[shaaban2008]

دع مايريبك الي مالايريبك

[amr.elsayed]

نصيحة من أخ بجد هتفهمها بعدين مش دلوقتي " فكك من المصريات خالص "

طيب يا هونداوى مش حنتقل عليك ونقولك ايه عيوب المصرية .. بس قولنا مميزات المراة ذات الجنسية الاخرى
لعل وعسى تكون سبب فى سعادة راجل مصرى وتبقى دخلت موسوعة غينتس لانك حتكون اول واحد يحل اللغز

[me_medoo]

نصيحة من أخ بجد هتفهمها بعدين مش دلوقتي " فكك من المصريات خالص "

هههههه. انا فهمت النصيحة دي بس متاخر وبعدين هو ف ي قدامنا غيرهم يعني هنروح مثلا نجيب عروسة من برة استيراد ولا هنسافر لبنان ولا المغرب ونبعت نجيب عروسة من هناك ثم لبنانية مين يا ابني الي هترضى بيك. يعني من حلاويتنا احنا كمان علشان يرضو بينا ولا الفلوس والكنوز نازلة بتنقط من جيوبنا ما احنا شعب فقران عدمان هو كان احسن مشروع. كانوا هيعملوه بس اتوقف مش عارف ليه حكاية الزوجة الصينية دي كانت هتحل ازمة كبيرة للشباب المصري التعبان ولا تقلك هاتلي ولا جبلي ولا وديني ولا عاوزة فلوس وتجيلك بالكرتونة بتاعتها بس المشكلة احنا عندنا كمية بنات كتيرة في البلد هنعمل فيهم ايه بس نولع فيهم ولا نرميهم يعني والمشكلة مينفعش نعملهم. اعادة تصنيع من تاني رغم ان اقل بنت علشان تتجوزها بتكلفك في حدود نص مليون جنية مصري. من شبكة ومهر وفرح وزفة وخالفو ده غير العبش غير تمن الشقة. ذات نفسها وفي النهاية يجيلك ابوها ويقلك احنا بنشتري راجل وتبقى عاوز تنط في كرشو وتقلوا مين بيشتري مين ده انا الي عمال اكع فلوس من اول صنية البسبوسة لغايت اجرة المؤزون

[Screenplays]

نصيحة من أخ بجد هتفهمها بعدين مش دلوقتي " فكك من المصريات خالص "

+111111111111 و الله مش مرضتش اقول الكلمتين دول لاحسن حد يفكرني عنصري و لا مريض نفسيا و لا حاجه ههههههههههههههه

[A7MED_PHARMA]

نصيحه فكك من الجوازه دي لانك مش بترتبط بالبنت بس

.







.






.

.



.



.





.







.

.













.




.

[Hondawy_2008]

طيب يا هونداوى مش حنتقل عليك ونقولك ايه عيوب المصرية .. بس قولنا مميزات المراة ذات الجنسية الاخرى
لعل وعسى تكون سبب فى سعادة راجل مصرى وتبقى دخلت موسوعة غينتس لانك حتكون اول واحد يحل اللغز

بص يا باشا ولا تتقل ولاحاجة بس أنا ممكن أقولك كل عيوب المصرية بس المشكلة ان في حاجات متتقلش ولو قولتها هتوقف هههههههههههه بس هقولك العيوب اللي ينفع تتقال:

1- لو حلوة تبقا متنكة عليك و عايزة و عايزة ولو وحشة انت كدة كدة لابس :)))

2- الراجل في عين عيلنها كلب بلدي و الكلب البلدي لازم يتربط بحبل متين علشان ميفكش و الحبل هو القايمة اللي حضرتك بتحط فيها اللي جبته واللي مجبتوش و بتمضى عليه و دة أول خازوق و المؤخر اللي برده بتمضي عليه و بتدفع منه نسبة للمأذون ودة تاني خازوق علشان لما تفوق من انك لبست أكبر مقلب في حياتك لما اتجوزت الكتكوتة متعرفش تجري :)))

3- الست المصرية أستاذة في النكد و العند عارف لو انت بتحبها تروح عند أمها مش هتروح ولو يتحب انها تعد و متروحش هتنط كل شوية لأمها ههههههههههه

4- المثل اللي بيقول " الراجل ميعبوش الا جيبه " مش هتسمعه غير في مصر يعني من الآخر سعتك صريف في نظرهم و بس

5- لما سعتك تخلف حضرتك تبقا مواطن درجة عاشرة في البيت و الهانم وزنها يفضل يزيد ولا في ادنى اهتمام بيك ولا بنفسها مخلاص ساعدتها انجوزت و خلفت يعني خلاص مهمتك انتهت زيك زي دكر العنكبوت بالظبط ههههههههه


مميزات الأجنبية بقا :

1- جميلة من غير غرور أو تناكة

2- هتتجوزك لشخصك مش علشان هتجيبلها تلاجة كام قدم و شقة كام متر وووووو الخ

3- مش هتتربط ربطة الكلب البلدي اللي فوق بقايمة و مؤخر

4- أنت رقم واحد عندها حتى بعد متخلف

أنا شخصيا حاليا بدور على عروسة روسية مسلمة بجدية فعلا و احتمال قريب أطلع طلعة روسيا كدة أتمم الموضوع ان شاء الله

[Hondawy_2008]

طيب يا هونداوى مش حنتقل عليك ونقولك ايه عيوب المصرية .. بس قولنا مميزات المراة ذات الجنسية الاخرى
لعل وعسى تكون سبب فى سعادة راجل مصرى وتبقى دخلت موسوعة غينتس لانك حتكون اول واحد يحل اللغز

[color="blue"][size="4"]

آسف للتكرار النت مهنج

[Hondawy_2008]

+111111111111 و الله مش مرضتش اقول الكلمتين دول لاحسن حد يفكرني عنصري و لا مريض نفسيا و لا حاجه ههههههههههههههه

لا يا باشا دة عين العقل هههههههههههه