عايز تكييف !

[gaaz]

عايز اجيب تكييف لأوضة في 4 في 4
ياريت تقولولي احسن نوع
وكم حصان
وسعره
واحسن مكان اجيبه منه
واي نصايح اخرى

[assaf]

هات تكيييف 2.25 حصان عشان تحس انه كويس والكمبروسر يفصل
لو انت ساكن في اخر دور بيكون الحصان لكل 8 متر اما لو دور مش اخير و الحيطان مش بتتعرض للشمس الحصان 10 متر
احس نوع دلوقتي هو شارب او lg وشوف انتا عايزه بارد سخن ولا بارد بس

[gaaz]

طيب دبوقتي المفتاخ يا جماعه اركبه فين ؟
الكهربائي بيقولي المفتاح اللي بيركب تحت التكييف ده موضه قديمه وبطل الكلام ده
ودولقتي كله بيركب المفتاح برة جمب العداد
صح الكلام ده ؟

[أبو صلاح]

اعتقد انه مش فارق كتير
كل تكيف بيبقى ليه مفتاح في لوحة العدادات منفصل
لانه لا قدر الله وحصل قفلة يفصل الكهرباء اوتوماتيك

وكل التكيفات دلوقتي بريموت كنترول يعني استخدامك للمفتاح قليل

لكن صراحة في مرة حصل معايا حاجة غريبة في برمجة التكيف انه اشتغل لمدة 36 ساعة وانا معرفش يشتغل ويفصل مع نفسه لغاية لما اكتشفت انه اشتغل لوحده بالصدفة
من ساعتها وانا بقيت اعتمد على مقتاح التكيف وهو اصلا متركب جنب التكيف

بس برضه اعتقد انه لو مش هيفيد مش هيضر برضه
تمنه كله على بعضه 36 ج

[adel1212]

-ممكن 1.5 حصان لو مش بتتعرض للشمس
- 2.25 لو الشمس بتحبك
-شارب - سامسونج - lg
-لو مكان المفتاح موجود ومش حتكسر في الحيطان ركبه مش حيخسر
تحياتي

[Qmax]

والله انا ركبت lg neo plasma واثبت وجوده مفيش صوت بره ولا جوه ده غير كفائة التبريد والتدفئه مش هااقولك فوق الممتاز

متركب عندي في نفس المساحه اللي عندك