فيها حاجة لو اتجوزت تانى؟

[mastr_n]

اية الى يحصل لو الواحد اتجوز تانى لية المجتمع بيبصلة على انى اذنب فى حق مراتة وعيالة لية مراتة الموضوع دة حياة او موت بالنسبالها ؟؟؟؟؟؟؟؟؟
انا فاتح دعوة للمناقشة.
الموضوع بجد لانة مش حرام ولا عيب

[rompo10]

الجواز تاني لازم يكون ليه اسباب مش جواز وخلاص يعني مراتك مطلعه عينك انت مش سعيد معاها خالص مش بتخلف مع ان موضوع الخلفه دا انا شايفه عادي مش عيب لازم اسباب قويه مش جواز وخلاص

[Screenplays]

لو عملت كده تشوف ايام اسود من دقن راسبوتين هههههههههههههههههههه

[mastr_n]

الجواز تاني لازم يكون ليه اسباب مش جواز وخلاص يعني مراتك مطلعه عينك انت مش سعيد معاها خالص مش بتخلف مع ان موضوع الخلفه دا انا شايفه عادي مش عيب لازم اسباب قويه مش جواز وخلاص

طيب انا معاك فى كلامك بس افرض ان انت شوفت واحدة وعجبتك او انت مقتدر ماديا مثلا تصرف على بيتين اعتقد ان الشرع بيديك الحق لية احنا بقى نحرم ما احلة اللة لنا بعدين فى ناس اعرفها متجوزين وعندهم علاقات تانية بس فى اطار غير سليم فيها اية لو المجتمع يغير الفكرة دية

[Medicalist]

بص المفروض انه شىء طبيعى بس لو زوجتك الحاليه مثلا بتحبك جداا و بتتمنالك الرضا ترضى لو عرفت انك اتجوزت عليها هتنغص حياتك بشكل مش ممكن
ولو اتجوزت واحده تانيه هتبقى عايزه حقوقها كامله و باى شكل هتحاول تدمر حياتك الاولانيه وزواجك الاول وفى الاخر برضه هتنغص عليك حياتك
فتبقى الخلاصه ابعد عن الشر وغنيله

[mastr_n]

بص المفروض انه شىء طبيعى بس لو زوجتك الحاليه مثلا بتحبك جداا و بتتمنالك الرضا ترضى لو عرفت انك اتجوزت عليها هتنغص حياتك بشكل مش ممكن
ولو اتجوزت واحده تانيه هتبقى عايزه حقوقها كامله و باى شكل هتحاول تدمر حياتك الاولانيه وزواجك الاول وفى الاخر برضه هتنغص عليك حياتك
فتبقى الخلاصه ابعد عن الشر وغنيله

بص ياسيدى معظمنا اتجوز جواز الصالونات التقليدى والحاجة الوالدة بتكون طرف اصلى فى الموضوع فبالتالى الحب بيتولد بعد الجواز مش قبلة ودية حاجة بردة تقليدية مافيش جديد انت اتعودت على مراتك وحتى لو كانت تتمنالك الرضا ترضى بص يا سيدى الحمد للة الواحد راضى بما قسمة اللة لة والف شكر وكمان اصل واحد صاحبى خلاص على وشك يتجوز الجوازة التانية ومراتة انسانة عاقلة وبتحبة بس هوة زى ما انا حكيت كدة صالونات اية المانع لما يتجوز تانى ويعرف مراتة والجديدة تكون عارفة ظروفة وارتباطتة وكانت نصيحتى لية انة لازم يعرفها على شان العكننة والكلام الى انتوا عارفينة دة السؤال هوة لازم يكون فى سبب قوى ولا اية الحكاية

[mastr_n]

بس فى حاجة لازم مايحرمهاش من الامومة ويكتفى بعيالة ولازم يعدل منتهى العدل بين الاتنين

[wael3m]

يا راجل هو اللى بيعملها مرة بيفكر تانى أساسا
دى بيخبط دماغة فى الحيط ويقول ايه اللى عملته فى نفسى دا

[abdo_general]

طيب انا معاك فى كلامك بس افرض ان انت شوفت واحدة وعجبتك او انت مقتدر ماديا مثلا تصرف على بيتين اعتقد ان الشرع بيديك الحق لية احنا بقى نحرم ما احلة الله لنا بعدين فى ناس اعرفها متجوزين وعندهم علاقات تانية بس فى اطار غير سليم فيها اية لو المجتمع يغير الفكرة دية

ياسيدي الفاضل مش فكرة قدرة مادية فقط في الصرف علي البيتين
لازم قدرة معنوية في العدل بين البيتين من الناحية المعنوية والعاطفية

واعتقد من الناحية الانسانية
مش كويس ان بعد ما تتجوز واحدة وتاخدها من بيت اهلها تجيبها وتتجوز عليها
الا لو في شيء يعيبها

مش لانك عجبتك واحدة وخلاص

وربنا احله واحنا مش بنحرمه
بس ربنا شرط العدل وقال تعالي " ولن تعدلو "
فا الجواز الثاني بيبقي للضرورة

وليه ابعاد تانية زي اولادك ومدي تأثرهم بالموضوع
استمرار علاقتك بمراتك الحالية
ليه ابعاد كتير صدقني

[mastr_n]

ياسيدي الفاضل مش فكرة قدرة مادية فقط في الصرف علي البيتين
لازم قدرة معنوية في العدل بين البيتين من الناحية المعنوية والعاطفية

واعتقد من الناحية الانسانية
مش كويس ان بعد ما تتجوز واحدة وتاخدها من بيت اهلها تجيبها وتتجوز عليها
الا لو في شيء يعيبها

مش لانك عجبتك واحدة وخلاص

وربنا احله واحنا مش بنحرمه
بس ربنا شرط العدل وقال تعالي " ولن تعدلو "
فا الجواز الثاني بيبقي للضرورة

وليه ابعاد تانية زي اولادك ومدي تأثرهم بالموضوع
استمرار علاقتك بمراتك الحالية
ليه ابعاد كتير صدقني

واللة انا ماعايز اتجوز تانى ولاحاجة دة انا وعدت صاحبى تنى افكث بس بصوت عالى مع اخوانى فى المنتدى انا الحمد للة كدة رضا

[أحمد كمال]

طيب انا معاك فى كلامك بس افرض ان انت شوفت واحدة وعجبتك او انت مقتدر ماديا مثلا تصرف على بيتين اعتقد ان الشرع بيديك الحق لية احنا بقى نحرم ما احلة الله لنا بعدين فى ناس اعرفها متجوزين وعندهم علاقات تانية بس فى اطار غير سليم فيها اية لو المجتمع يغير الفكرة دية

فيه سيدات افاضل و اسرهم ممكن يسامحوا جوز بنتهم لو زنى ...... بس يتجوز ينفخوه على 32 ..... شفت بقى؟


لو هتفكر انك ترضي المجتمع عمرك ما هترضي ربنا

[tutankhamoun]

"و إن خفتم أن لا تقسطوا في اليتامى فانكحوا ما طاب لكم من النساء مثنى و ثلاث و رباع، فإن خفتم أن لا تعدلوا فواحدة.": النساء :03 و قوله سبحانه : "و لن تستطيعوا أن تعِدلُوا بين النساء و لو حرصتم فلا تميلوا كل الميل فتذروها كالمعلقة":النساء:
128

شوف الآيتين دول من القرآن الكريم
و شوف الحتة اللي أنا عملتهالك بأحمر (ده كلام ربنا عز و جل مش كلامي )

فأعتقد أن الزوجة التانية يجب ان تكون ضرورة ملحة مش مسألة متيسر و قادر يصرف و الله أعلم
أما بقى ليه الزوجة بتزعل ............ فتخيل نفسك مكانها بالعكس يعني

[Screenplays]

"و إن خفتم أن لا تقسطوا في اليتامى فانكحوا ما طاب لكم من النساء مثنى و ثلاث و رباع، فإن خفتم أن لا تعدلوا فواحدة.": النساء :03 و قوله سبحانه : "و لن تستطيعوا أن تعِدلُوا بين النساء و لو حرصتم فلا تميلوا كل الميل فتذروها كالمعلقة":النساء:
128

شوف الآيتين دول من القرآن الكريم
و شوف الحتة اللي أنا عملتهالك بأحمر (ده كلام ربنا عز و جل مش كلامي )

فأعتقد أن الزوجة التانية يجب ان تكون ضرورة ملحة مش مسألة متيسر و قادر يصرف و الله أعلم
أما بقى ليه الزوجة بتزعل ............ فتخيل نفسك مكانها بالعكس يعني

هو ده الرد التمام +1111111111111

[mastr_n]

"و إن خفتم أن لا تقسطوا في اليتامى فانكحوا ما طاب لكم من النساء مثنى و ثلاث و رباع، فإن خفتم أن لا تعدلوا فواحدة.": النساء :03 و قوله سبحانه : "و
لن تستطيعوا أن تعِدلُوا بين النساء و لو حرصتم فلا تميلوا كل الميل فتذروها كالمعلقة":النساء:
128

شوف الآيتين دول من القرآن الكريم
و شوف الحتة اللي أنا عملتهالك بأحمر (ده كلام ربنا عز و جل مش كلامي )

فأعتقد أن الزوجة التانية يجب ان تكون ضرورة ملحة مش مسألة متيسر و قادر يصرف و الله أعلم
أما بقى ليه الزوجة بتزعل ............ فتخيل نفسك مكانها بالعكس يعني

اللة يفتح عبيك يافندم الامور وضحت وباذن اللة هحاول اوصل لزميلى توضيحك للامور وربنا يقدم الى فية الخير يارب العالمين

[lancerevolution]

الجواز تانى دا ليه ضوابط كتير جدا جدا جدا و كنت سمعت من شيخ إنه ممكن يبقى حرام فى بعض الأحيان و لبعض الناس بالذات لو مش هيعرف يعدل بينهم.