حد ليه في القطط ومتفرغ؟؟

[dr.hazem]

السلام عليكم ورحمة الله
بدون مقدمات ومش هطول

احد الاشخاص رمى كيس جنب البيت عندنا من يومين
بالصدفه لقيت الكيس بيتحرك بشوف لقيت جواه تلات قطط صغننين

انا زمان كنت بربي قطط
بس حاليا مش فاضي اطلاقا
طبعا كانو في حالة يرثى لها
اخدتهم وشربتهم والحمد لله من امبارح فاقو ومشغلهم دفايه وكده

المشكله اني مش فاضيلها ومفيش حد في البيت يراعيهم

لو احد الاخوة ممكن ياخدهم ويكسب اجرهم ياريت يا جماعه
انا في القاهره في الزتون وممكن اوديهم اي مكان بس دي ارواح ومرضاش اشوف روح بتتعذب

انا حاليا من امبارح بأكلهم كل ساعتين نستو وبشربهم لبن وميه بسكر
الفكره ان اكيد عمرهم اسبوع لانهم مفتحين

وطبعا لما بياكلو بينامو

ياريت بس الموضوع يحصل خلال اليومين دول الله يرضى عنكم


تحياتي

[mohamedkordy]

ياريت تقولى مواصفتهم

[dr.hazem]

ياريت تقولى مواصفتهم

هما بلدي غالبا
واحده بني فاتح
واحده بني فاتح واسود ورصاصي
وواحده رصاصي جميل كده
ممكن اصورهملك
الموضوع مش موضوع نوع وألوان الفكره كلها ان انا خايف عليهم وانا مش متفرغ ليهم فعلا ولا عندي حد في البيت يرعاهم ويصونهم...

ممكن اصورهملك وهما نايمين دلوقتي

تحياتي

[mohabelnegm]

السلام عليكم ورحمة الله
بدون مقدمات ومش هطول

احد الاشخاص رمى كيس جنب البيت عندنا من يومين
بالصدفه لقيت الكيس بيتحرك بشوف لقيت جواه تلات قطط صغننين

انا زمان كنت بربي قطط
بس حاليا مش فاضي اطلاقا
طبعا كانو في حالة يرثى لها
اخدتهم وشربتهم والحمد لله من امبارح فاقو ومشغلهم دفايه وكده

المشكله اني مش فاضيلها ومفيش حد في البيت يراعيهم

لو احد الاخوة ممكن ياخدهم ويكسب اجرهم ياريت يا جماعه
انا في القاهره في الزتون وممكن اوديهم اي مكان بس دي ارواح ومرضاش اشوف روح بتتعذب

انا حاليا من امبارح بأكلهم كل ساعتين نستو وبشربهم لبن وميه بسكر
الفكره ان اكيد عمرهم اسبوع لانهم مفتحين

وطبعا لما بياكلو بينامو

ياريت بس الموضوع يحصل خلال اليومين دول الله يرضى عنكم
تحياتي

في كل ذات كبد رطبة أجر..ربنا يجعلهم فى ميزان حسناتك .

[grand hand]

بالله عليك رجاء شخصى لا تلقيهم فى الشارع واصبر عليهم واكلهم وشربهم يمكن يكونوا سبب دخولك الجنة زى الراجل اللى سقى الكلب ودخل الجنة، اكتر شئ بضعف قدامه هو القطط الصغيرة وقلبى بيوجعنى لما اشوف عيل صغير ماسك قط وبيلعب بيه او قط بيتعذب فى الشارع.. اصبر عليهم فى الاكل والشرب اليومين دول وهما بعد كده هيدبروا نفسهم فى كل حاجة، وربنا يجازيك كل خير .. وتحياتى لحضرتك

[lanos_power]

فعلا يا ريت مواصفهم و انا ممكن اخد اتنين كمان

[lanos_power]

انا خلاص هاخد واحده و هتكون رصاصى باذن الله و عاوز اعرف تفاصيل عنوان حضرتك
و رقمى اهو 01224759190

[me_medoo]

لا اله الا الله معقولة هيا وصلت حتى القطط بتترمي دلوقتي قدام صفيحة الزبالة دلوقتي ، ده مين القط الشقي الي في منطقتكم الي غلط مع القطة دي ، وازاي امهم طاوعها قلبها تعمل كده في قططها ، بس اكيد القطة معذورة برضو مع غلو المعيشة والضروف الاقتصادية الصعبة. هتربي عيالها ازاي بس كان زمان ايام العز لمن تنط في صفيحة الزبالة تلاقي عز وخير ربنا كتير النهردة لو لقت علبة تونة فاضية تبوس ايديها وش وظهر .
بس كمان في احتمال تاني ان متكنش امهم الي عملت فيهم كده ممكن واحد مش عارف ينام والقطط دي عمالة تنونو طول الليل كام قلهم بس بسسي وقام حططهم في كيس وركب العربية بتاعتو لابعد مسافة ورماهم بعيد عن بيتهم ، انا كان برضو لقيت في الجنينة جمب البيت ضفاضدع طول الليل واك واااااق وااااق. رحت جبت عيل اديتو عشرين جنية وقلتلو جمعهملي في كيس جمعلي حوالي ٢٠٠ ضفضعه رحت واخدهم ورميهم قدام جنينة بيت رئيس الجهاز ههههههههههههههه

[dr.hazem]

بالله عليك رجاء شخصى لا تلقيهم فى الشارع واصبر عليهم واكلهم وشربهم يمكن يكونوا سبب دخولك الجنة زى الراجل اللى سقى الكلب ودخل الجنة، اكتر شئ بضعف قدامه هو القطط الصغيرة وقلبى بيوجعنى لما اشوف عيل صغير ماسك قط وبيلعب بيه او قط بيتعذب فى الشارع.. اصبر عليهم فى الاكل والشرب اليومين دول وهما بعد كده هيدبروا نفسهم فى كل حاجة، وربنا يجازيك كل خير .. وتحياتى لحضرتك

انا والله ما اقدر ارميهم ده كان يبقى ذنب في رقبتي
انا امبارح كله منزلتش من البيت عشانهم
هما فعلا النهارده الفجر ابتدو ياكلو من ايدي لوحدهم والحمد لله لان كده لو هخرج وهما لوحدهم هحط الاكل جنبهم هياكلوه انما مقدرش انزل وهما مش بيعرفو ياكلو...

فعلا يا ريت مواصفهم و انا ممكن اخد اتنين كمان

انا خلاص هاخد واحده و هتكون رصاصى باذن الله و عاوز اعرف تفاصيل عنوان حضرتك
و رقمى اهو 01224759190

والله ياباشا مش عارف اقولك ايه
مش موضوع مواصفات ولا واحده او اكتر
انا بس خايف اسيبهم ميعرفوشياكلو فمحتاج حد ياخدهم بمعرفته عشان ابقى مطمن


تحياتي

[Medo.Malek]

حصل معايا موقف مشابه من كام يوم و للاسف انا جاهل فى تربيه القطط بس بحبها اوى :(
قطة برضة صغيره اوى و لسة مش مفتحه ولا عارفه تتحرك و عمالة تنونو طول الليل و مش عارفين مامتها فين ولا جت ازاى
اخدناها و سقيناها لبن و حطيناها فى علبه و فرشنالها العلبة و كل شوية نسقيها لبن بسرنجة صغيرة
و قعدت معانا يوم تقريبا و بعدين حسينا انها تعبانة فا شكينا اننا نكون بنعاملها غلط او حاجة
دخلت على جوجل و عملت سيرش على تربية القطط الصغيرة و كانت الصدمة
القطط لازم تبقى فى مكان دافى و لازم تتسقى لبن ب ببرونة خاصة للقطط و مخلوط عليه خلطة غريبة كده ( صفار بيض ووو ) .. و لازم تدليك للقطة و جرعة تحصين وووو و كلام كتير كده مش عندى و صعب عليا اوفره
خفت تموت منى و قمت سقيتها لبن و نزلتها تانى الشارع مكان ما كانت يمكن امها تلاقيها و حطيتها جنب قطة كانت قاعدة فى الشارع بقالها فترة و فضلت مراقبها من الشباك و للاسف ما سلمتش من العيال فى الشارع و عيل ابن تيت راح جاب قزازة ماية لتر و نص مخصوص عشان يرش مية على القطة
قعدت ساعتين مراقبها من الشباك و على بالليل كانت بطلت تنونو و مش عارف اية اللى جرالها

[windofchange]

القطط الصغيرة اللي بترضع امها بتلحس لها بلسانها الدافيء مكان البول عندها فالقطط بتنزل البول فالمفروض بقطنة بمياه دافية تعمل لها كده كل فترة تنزل البول من جسمها لغاية مهي تكبر بعد شهرين كده وتعمل بول لوحدها

[dr.hazem]

يا اخوان حد عايزهم الليله دي؟؟؟

انا في الزتون وومكن اروح مصر الجديده

لحد دلوقتي بأكلهم وبياكلو كويس الحمد لله بس المشكله عندي في التفرغ


اللي عايزهم يبعتلي عالخاص وياريت يكون النهارده لان بكره من اول اليوم مش هبقى متواجد معاهم اصلا وحرام اسيبهم في البيت لوحدهم لسا مش بيعرفو ياكلو لوحدهم



تحياتي

[me_medoo]

هوا في حاجة دلوقتي
انا عندي الكلبة بتاعتي لسة ولدة من قيمة شهر كده
ولسه مفطمتش عيالها


أيه رئيك لوحطنلها القطط بتاعتك أهي تكسب فيهم
ثواب وترضعهم مع عيالها ...

[lanos_power]

يا باشا انا قولتلك انا فاضى و جاهز بس انا اقدر على واحده بس
او ممكن اتنين
و ربنا يباركلك الثواب اللى انت بتعمله

[lanos_power]

و على فكره انا فى حدايق القبه جنبك و رقمى اهو 01224759190