للمتزوجين فقط حست ايه لما مراتك قلتلك انا حامل

[minicooper20]

كنت عند عمى امبارح
و بالصدفه كانت مراتو جايه من بره و قلتلو انا حامل
لقيت عمى بيتشقلب فى الهواء من الفرحه
اول مره اشوفو فرحان كده فرحان فرح مبالغ فيه
و ادانى الف جنيه ههههههههههههههههههههه
يا ريت تحمل كل يوم
المهم انتا كا راجل مجوز حسيت ايه لما مراتك قلتلك انا حامل كان ايه رد فعلك
انا كا راجل خاطب بقول انى هكون عادى لاكن الشفتو من عمى خلانى افكر مليون مره فى ان ازاى الحاجه دى غاليه اوى كده
شار كونا يا مجوزين الخاطبين لا
اعداء الجواز لا
البيشورو عقلهم لا برضو هههههههههههه

[w-m-a]

انا برضه الحمد لله اتشقلبت واتنططت وسجدت لله على البلاط فى طرقه الشغل
عقبالك كده وان شاء الله تعمل اكتر مننا

[sanhory]

تفرق ياباشا

اول بيبي ولا التاني ولا التالت

اول بيبي طبعا الفرحة ماتتوصفش

تاني بيبي الخبر بيجي كانك اطلطشت قلم هههههه خاصتا لو كان لسة الاولاني عنده سنة و يدوب الدنيا حتبدي تستقر و تعرف تنام باليل (ده اللي حصل معايا)

عشان في لحظة كده بيحصل play قدام عنيك بسرعة بيفكرك بالمعاناة من مشاوير متابعة الحمل و المصاريف و مصاريف الولادة و السبوع و بامبرز بقى و مفيش نوم تاني و الخ الخ ههههههه

في الاخر الحمد لله ربنا بيرزق و بيكرم و الاطفال دول حاجة حلوة رغم انك ساعات بتبقى نفسك تحطهم في التلاجة و تقفل عليهم و ترتاح شوية

[lanos2004]

عنى نفسى لو اتجوزت ومراتى قالت ليا انا حامل هقلها---حامل من مين---ههههههههههههه

[أبو إياد]

مش فاكر
هههههههههههههههههههههههه

اول لما عرفت فعلا كنت فرحان جدا بس ما اتشقلبتش صليت ركعتين وحمدت ربنا

[Screenplays]

احم احم انا بصبح بس

[ahmedeihab]

انا راجل لسه على البر
بس انا حاسس كده انى لما اتجوز و مراتى هتقولى انا حامل
تقريبا ممكن اتشقلب فى الهوا ده اساسى
و كمان هصلى شكر لربنا و ده طبعا
لكن بقا من فرحتى هدخل السرايه الصفراء بعديها ب 5 سنين
ولا فرحتى هتكمل
على ما اعتقد هدخل السرايه الصفراء
رأيكوا ايه فى الكلام ده بلنسبه للى متجوزين و خلفوا ؟؟؟
^_^

[tameraast]

انا خاطب و مش عايز اطفال فى المستقبل القريب
على 30 كده
علشان تسيطر

[mohammedabdallh]

مراتى قالتلى يوم 1 ابريل قلتلها دى كدبه ابريل ولا ايه
وكنت عادى يعنى فرحان والهم ابتدى يركب واحده واحده
يوميها طبعا روحت كشفنا عند الدكتوره وقابل بقى ياعم
:b4_444::b4_444::b4_444::b4_444:
وفين يوجعك من يومها
مراحل الحمل بعد كدا الخلفه بعد كدا ..............................................
انت عارف الباقى

[D . a .\ AYMAN]

أنا أول حاجة حسيت بيها هي المسئولية التي القيت فجأة على عاتقي وهل سأكون بقدرها وأستطيع أن أخرج الى المجتمع من يقومه أم لا ... ووجمت فجاة ... وبعدين الفرحة جت واحدة واحدة لما شوفت البيبي وابتديت أتعامل معاها بس بصراحة فرحة لا توصف

البيبي التاني بقى كنت فرحان جدا أكتر من الأول بكتير .. لأن خلاص مش فارقة كدة كدة مسئولية وربنا يقدرنا على تحملها يحفظهم ويبارك فيهم أجمعين ويجعلهم ممن تقوم الأمة على أيديهم طالما احنا ماقدرناش نعمل حاجة ... يارب

[hossam_elwani]

تفرق ياباشا

اول بيبي ولا التاني ولا التالت

اول بيبي طبعا الفرحة ماتتوصفش

تاني بيبي الخبر بيجي كانك اطلطشت قلم هههههه خاصتا لو كان لسة الاولاني عنده سنة و يدوب الدنيا حتبدي تستقر و تعرف تنام باليل (ده اللي حصل معايا)

عشان في لحظة كده بيحصل play قدام عنيك بسرعة بيفكرك بالمعاناة من مشاوير متابعة الحمل و المصاريف و مصاريف الولادة و السبوع و بامبرز بقى و مفيش نوم تاني و الخ الخ ههههههه

في الاخر الحمد لله ربنا بيرزق و بيكرم و الاطفال دول حاجة حلوة رغم انك ساعات بتبقى نفسك تحطهم في التلاجة و تقفل عليهم و ترتاح شوية

نفس الى حصللى بلزبط ..........

[Moustafa_Kamel]

في اول بيبي كلمه اتشقلبت في الهوا دي قليله علي اللي عملته علشان الحمل اتاخر شويه
تاني بيبي ما كنتش مصدق بصراحه و افتكرتها بتهزر بس لما عملت التحليل حسيت بفرحه من نوع تاني
فرحه ان اسرتك بتكبر
اما المصاريف فالرزاق هو الله و فعلا كل عيل بيجي برزقه

[engtmk]

هو انا فرحت بس لمش درجه شقلبه ولا توزيع فلوس

الفرحه كانت اني هارتاح من زن مراتي كل يوم عايزين نخلف عايزين نجيب عيال

[abdalah_hashem]

انا لسة لا متجوز ولا خاطب ولا خلصت كلية ولا عملت اى حاجة ههههههههههههههه

بس اكيد هبقى طاير من الفرحة مش بعيد امشى على السقف واجرى على الحيط

ربنا يرزقنا بالذرية الصالحة ان شاء الله

[Ahmed A Rahman]

هو بصراحة انا اللي قلت لها أنها حامل مش هي اللي قالت لي نظرا لاني دكتور

ههههههههههههههههههههههههههههههههه

مش عايز ضرب