عامل أية يا مع زملاء و زميلات العمل؟؟!!

[Ghosts]

عامل أية يا مع زملاء و زميلات العمل؟؟!!
يا ترى بتبقى مبسوط لما بتقابلهم؟؟!!
ولا بتبقى مخنوق ؟؟!!
ولا بتيجى على نفسك و بتمثل أنك مبسوط معاهم عشان المركب تمشى؟؟!!
بتعمل أية لما تحس أن مفيش بينك وبين زملائك أى أنسجام؟؟!!
ياترى بتعرف تدارى أحساسك دة ولا بيبقوا حاسين ومتأكدين أنك مش طايقهم؟؟!!

[Ghosts]

أية يا جماعة؟؟!!
فين مشاركتكم؟؟!!

[Esam Mosaad]

والله الموضوع ده جميل جدا لان الواحد بيشوف العجب
يمكن انا عندى جميع الاشكال موجوده
اكتر حاجه بديقنى فعلا ان لما حد يبصلك على انك اقل منه او يبقى منفوخ لمجرد انوا بياخد 2000 او 3000 فى الشهر
الفكره ان حتى سلام ربنا ممكن يبقى بخيل فى مع ناس معينه
ربنا يسترها ويكفينا شر الحاقدين والمديرين ويهدينا جميعا

[Ghosts]

الفكره ان حتى سلام ربنا ممكن يبقى بخيل فى مع ناس معينه

دى الموضة اليومين دول ....
يبقى زميلك فى الشغل أو جارك معدى جنبك و متسلموش على بعض ....

مش هكدب عليك وأقولك أنى ملاك ومش بعمل كدة ....
بس ساعات كتيييير بتلاقى نفسك بتتعامل مع أشخاص قمة فى قلة الذوق والغدر و العنجهية ....

و مهما تعمل معاهم عشان تكسب ودهم بردوا مفيش فايدة اللى فية داء مش ممكن يبطلة....
فبالتالى بتبقى مجبر أنك تتعامل معاة بنفس أسلوبة الجاف و غصب عنك مبتقدرش تقولة حتى صباح الخير ....

[shaddadfalcon1]

في ناس ببقي عايز اطير واروح الشغل اقابلهم وفي ناس ببقي مش طايق اشوف وشهم بس دوول كانو 2 وواحد منهم غار والتاني لسه قاعد واللي بيغيظني وبيغيظ الناس كلها انه فتاي قوي وكداب قوي وشخصيه زباله ومش بيفهم اي حاجه وبمساعدة الشخصيه الزباله اللي سابت الشركه قدر انه يوصل لمنصب ميستحقش ربعه ومرتبه قد اعلي واحد فينا مرتين ومش بيعمل اي حاجه

باقي الناس الحمد لله بحبهم جدا وبيحبوني جدا لدرجة اني في القاهره الناس مش عايزاني ارجع الأسكندريه

[أبو إياد]

بنتقابل الصبح قبل الشغل بساعه نفطر ونشيش وندخل على الشغل اليوم بيكون مختلف ولو حاسس ان فى حد متضايق منك هاقولك على طريقه ناجحه مليون الميه
اتصل بيه الصبح هاتلاقى جرس طويل هو بيكون بيفكر انت بتتصل بيه ليه ياترى عاوزنى اعمله اجازه ولا امضيله اذن ولا .......... المهم هايرد ومستنى حاجه زى كده
تروح انت قايله انا باجيب فطار هاعمل حسابك معايا
هاتلاقيه هو تانى يوم بيردهالك وشوف فرق المعامله عن سابق

واللى تخاف منه مايجيش احسن منه فى مدير اداره بس فى القسم بتاعى محدش بيطيقه لله فى الله وهو فعلا رخم ومش تشنيع دى حقيقه والاكيد انه عارف بكده
المهم التكييف كان باظ والمدير بتاعنا اجازه وانا عملت الموضوع بتهريج وخرجت فى الطرقه وقولت ياجماعه انا معتصم ومش هاشتغل علشان الجو حر وكمان الاجهزه هاتبوظ كل ده بتهريج انا واتنين زمايلى فوجئت بالراجل ده كاتب مذكره بالوضع وان المشكله لازم تتحل بس طبعا ماكتبش فيها اننا معتصمين والكلام ده وفعلا الموضوع كبر والناس اهتمت وحلوا المشكله فاللى يقرب من الناس هايلاقى فيهم حاجات كويسه المهم انت عاوز تشوفه ازاى ؟

[Ghosts]

طب أنا عندى سؤال ....
لو زميلك لاقيتة بيتعمد أنة مايقولكش صباح الخير لما يبقى معدى على مكتبك بالرغم أن دايمآ بتحيية لما بتعدى علية ....
هل هتسئلة هو بيعمل كدة لية ولا أنت كمان هتبطل تصبح علية؟؟!!

[ahmadmidop]

بص ياكبير لاااازم المركب يمشي عشان لو كلو فضل شايل من بعضو الواحد هيكره اليوم اللي اشتغل فيه .... انا الحمد لله مافيش عندي مشاكل مع حد لاكن في مشاااكل كتير حواليا المشكلة ان انا بشتغل في مكان لسه في اوله والمشكله ان 90% من العاملين سيدات هيا مستشفى وده باختيار الفرع الرئيسي في القاهرة :( سواء شئون عاملين سواء it سواء data entry سواء دكاترة سواء تمريض وهكذا ... ودي قالت على دي كذا ودي على دي وبص وجع دمااااااااااااااااااااغ لاكن يشوفو بعض حبيبتي وحشتيني .... بص فلااازم نكبر الدماااغ عشان الدنيا تمشي

[Ghosts]

بص ياكبير لاااازم المركب يمشي عشان لو كلو فضل شايل من بعضو الواحد هيكره اليوم اللي اشتغل فيه .... انا الحمد لله مافيش عندي مشاكل مع حد لاكن في مشاااكل كتير حواليا المشكلة ان انا بشتغل في مكان لسه في اوله والمشكله ان 90% من العاملين سيدات هيا مستشفى وده باختيار الفرع الرئيسي في القاهرة :( سواء شئون عاملين سواء it سواء data entry سواء دكاترة سواء تمريض وهكذا ... ودي قالت على دي كذا ودي على دي وبص وجع دمااااااااااااااااااااغ لاكن يشوفو بعض حبيبتي وحشتيني .... بص فلااازم نكبر الدماااغ عشان الدنيا تمشي

ولو زميلك غلط فيك ....
يا ترى هتقدر تكبر دماغك؟؟!!

[Screenplays]

كل زميلات العمل من النوعيات التنكات فبتجنبهم

[أبو إياد]

طب أنا عندى سؤال ....
لو زميلك لاقيتة بيتعمد أنة مايقولكش صباح الخير لما يبقى معدى على مكتبك بالرغم أن دايمآ بتحيية لما بتعدى علية ....
هل هتسئلة هو بيعمل كدة لية ولا أنت كمان هتبطل تصبح علية؟؟!! :u_thin1[1]:

النوعيه دى موجوده فى كل مكان واحسن طريقه هى انك ماترميش عليه السلام
انما لو هو سلم عليك لازم ترد عليه وانت مموت روحك من الابتسامه

[Ghosts]

كل زميلات العمل من النوعيات التنكات فبتجنبهم

مش فاهم التناكة دى بأمارة أية؟؟!!
أمال لو كانوا حلوين كانوا عملوا فينا أية؟؟!!

النوعيه دى موجوده فى كل مكان واحسن طريقه هى انك ماترميش عليه السلام
انما لو هو سلم عليك لازم ترد عليه وانت مموت روحك من الابتسامه

لازم طبعآ أرد السلام ....
بس أموت روحى من الأبتسام لية؟؟!!

[Screenplays]

مش فاهم التناكة دى بأمارة أية؟؟!!
أمال لو كانوا حلوين كانوا عملوا فينا أية؟؟!!

سيبهم عايشين في الوهم

[Ghosts]

أزاى الواحد المفروض أنة يتعامل مع الزميل أو الزميلة اللى بيبقى قليل الذوق و بيتعمد أهانتك؟؟!!
هل المفروض أنى أكبر دماغى ولا أخد موقف عشان ما يتمداش فى أستخدام الأسلوب دة معايا؟؟!!

[shaddadfalcon1]

أزاى الواحد المفروض أنة يتعامل مع الزميل أو الزميلة اللى بيبقى قليل الذوق و بيتعمد أهانتك؟؟!!
هل المفروض أنى أكبر دماغى ولا أخد موقف عشان ما يتمداش فى أستخدام الأسلوب دة معايا؟؟!!

اللي بيعمل كده بيبقي حاجه من اتنين

1- هو طبيعته كده (جلنف يعني) وميقصدش فمش المفروض تزعل منه بس ابعد عنه عشان ميحرجكش قدام حد
2- هو اصلا قليل الذوق وبيحب يعمل كده وده برده تجاهله وخلي التعامل معاه فورمال جدا وعلي قد ماتقدر من غير ماتوقع نفسك في مشاكل اديله علي دماغه عشان يكش منك ويبعد عنك