هو لية الجواز فى مصر كدة

[AhMeD MeTwAlY]

والله يا جماعة مش كل الناس كدة انا لسة قاريى فاتحة من شهر تقريبا
والخطوبة بعد العيد ان شاء الله(كنت مرتبط بيها ) والله رحت لااهلها ناس متفاهمين
والشبكة بالمبلغ الى انا حددتوا (لسة هتتجاب ) واتفقنا على الغرف والاجهزة والدخليات وتقريبا مفيش خلاف الحمد الله
والامور ماشية بشكل كويس

ربنا يتمم بخير دي ناس بسم الله ما شاء الله عليهم محترمه بجد عايزه تعيش بنتها في خير وبجد لو زي ما حضرتك بتتكلم يبق الف الف مبروك وربنا يتمم بخير
في ناس زي ما بنوصف كدا كتير واللهي انت ربنا بيحبك عشان مشوفتش الناس دي

[Screenplays]

ربنا يتمملك علي خير

بس برضه ارجع و اقولك

في جوازات بدأت كويس و انتهي نهايه وحشه

انا بقولك كده عشان تحرص بس

[corsair]

انا ضد التعقيد فى الجواز طبعا
بس الطلبات دى اغلبها بيكون للخوف على البنت و هسأل سؤال للجميع
لو البنت دى بنتك او اختك ؟ هل هتتغاضى و هتجوزها من غير شقه و ضمانات للجواز

والله يا غالي الشقة موجودة ومكنش في اي مشاكل بالنسبالي بس تعمل ايه في التعقيدات اللي ملهاش اي لازمه

ههههههههههههههههههههههههه بيفكر تفكير جملى باين عليه
^_^

^_^

الجملي مبتاخدش شهر علشان تستوي كبيرها ساعتين تلاته يا عم احمد

هههههههههههههههههههههههههههه بالله انا لو مكانك كنت اديته الطريحه في قلب بيته خليه يحترم نفسه و يبطل اوهام ... اصله مخلف فينوس و احنا مش عارفين ... كتهم القرف

ليه يا عم سكرين انتا فاكرني هرقل هو كل شئ قسمه ونصيب في الاخر ومتعرفش نصيبك فين

[shaddadfalcon1]

محدش يقدر ينكر ان الجواز في مصر مشكله كبيره سواء كانت من اهل متدينين اولا لآ لان الناس بتبص للي اندفع في العروسه كام وفي ناس في اماكن بيبقو معزورين يعني تلاقي العرف ماشي ان المهر مثلا ب 20 الف ولو شافو واحده عريسها دافع 10 الاف مهر عشان الناس مقدرين الظروف هيهروها كلام ويقولك دوول اكيد في حاجه ازاي قبلو بالمهر ده يبقي الواد والبنت عاملين حاجه واي كلام في اي كلام

تاني حاجه موضوع الجواز من اجانب سواء عرب او غير عرب اللي الناس ملت المنتدي بيه دلوقتي وخصوصا موضوع السوريات وقد ايه الناس فرحانين وعايشين زي الكتاكيت ياريت نحكم كمان 10 سنين ولا حاجه لما يبقي في عيال ولا في ظروف منيله للزوج والسن يتقدم ونشوف الناس دي هتبفضل مبسوطه ولا لآ

[Screenplays]

لا يا احمد ... التناكه لا .. معدهاش ... هو مخلف انجلينا جولي و احنا مش واخدين بالنا ؟

[Screenplays]

ياريت نحكم كمان 10 سنين ولا حاجه لما يبقي في عيال ولا في ظروف منيله للزوج والسن يتقدم ونشوف الناس دي هتبفضل مبسوطه ولا لآ

اطلع انت منها بس و هي هتعمر هههههههههههههههههه بلاش غيره هههههههههههههههههههه

[MohammedAladel]

ولا فى القاهرة الجواز سهل شوية بالنسبة للمنيا والصعيد يعتبر بيتجوزوا ببلاش هنا تروح تخطب واحدة حالتها المادية عادية وأقل كمان وأبوها يقولك عايز 150 جرام أصل أختها جوزها جابلها كدا !!!!!!!!!!! وأنا مال أهلى بأخت اللى خلفوها أنا ؟؟؟؟ حصل موقف سخيف مع واحد عندنا خطب واحدة وكانوا متفقين على 120 الراجل جاب 100 وهو متورط بصراحة الجماعة طلعوا ولاد أصول ومرضيوش يخلوه يجيب ال 20 الباقية بس كتبوله فى القائمة 120 برضه !!!!!!!!!

[ainshouka]

المشكلة للاسف هو تفكير الاهل بطريقة الماضى ورفض التفكير بايقاع العصر

[mohaismail]

يارب يرزق كل شاب مسلم بزوجة صالحة ويرزقهم بالخلف الصالح ان شاء الله

[Screenplays]

اميين يا رب بس متكونش مصريه

[mrwho1982]

السلام عليكم ورحمة الله
هو لية يا جماعة الجواز فى مصر كدة يعنى عايز من ربع مليون لنص مليون يدوبك عشان تتجوز
فى حين ان واحد قريبى عرف واحدة امريكية واتجوزوا فى شقة مفروشة وما دفعش نكلة غير ايجار الشقة
دة لو واحدة بس فى مصر حلوة شوية مش زى الاجانب يعنى بتبقى عايز يسكنها فى القصر الجمهورى ويكتبوا باسمها كمان
وتبقى متفضلة علية كمان
انا مش فاهم اية اللى بيحصل دة

اتجوز اجنبية واضرب عصفورين بحجر

1- دمك مش هيتحرق

2- هتاخد الجنسية


لعلمك بعد الجواز هتشوف العجب ...............انا قلت بس اخش اهدي النفوس