حمايا عاوز يتجوز امي !!!!!!!!!!

[7atem]

السلام عليكم ورحمه الله وبركاته
واللهي انا ما عارف اقولكم ايه ولا ابدا منين
بس انا بعتبر المنتدي هنا بيتي التاني
والعضويه دي هي عضويه تانيه ليا في المنتدي كنت عاملها زمان ومش بستعملها وانشغلت عن دخول المنتدي وعملت الموضوع بالعضويه دي لاني محرج
والمشكله دي مينفعش اعرضها علي حد والا حيضحك عليا

انا حماتي اتوفت بقالها شهر ونص
وامبارح فوجئت بمراتي جايه تقولي ان ابوها عاوز يتجوز امي
مبقيتش عارف اقول ايه
انا امي صحتها علي قدها اصلا ومبتقدرش تخدم حد
فمراتي قالتلي ماهو انا قولتله كده
وقال انا حغسلها واطبخلها وانشرلها الغسيل
واكتبلها شقه باسمها
دا ناقص يقول حجيبلها فستان واعملها فرح في الميريلاند
المشكله انه مستني ردي علي الموضوع بموافقتي
واصلا هو عنده 70 سنه وامي عندها 66 سنه
ولما مراتي رشحتله كذا واحده تانيين
لقته مصمم علي امي وبيقولها انه مصمم عليها علشان هي طيبه وهو مش عاوز يدخل حد غريب في العيله
اعمل ايه يا ناس دي امي ممكن تبطل تكلمني لو فاتحتها في موضوع زي ده وتخاصمني طول العمر
افيدوني الله يكرمكم

[mody3on]

تبطل تكلمك ليه هو الموضوع حرام ؟
الموضوع مش محتاج تعقيد .. هو طلب .. قولها وهي تقول اه او لا وخلص الموضوع , الموضوع مش عيب يعني , مش عشان كبير ميتجوزش
والله يرحم حماتك

[NoOoOoUr]

هو طبعااا الموضوع مش غريب,..... بس بما انك خايف ان انت اللى تفاتح والدتك خلى زوجتك هى اللى تفاتحهااااا فى موضوع زى ده.. واستنى اراء بقية الاعضاء المحترمين... :)

[abdalah_hashem]

هو الموضوع مش غلط ولا حرام دة جواز يعنى حلال
بس الفكرة مجتمعنا بيبص للسن دة بطريقة مختلفة
بس فعلا افضل حل ان زوجتك هى اللى تفاتحها فى الموضوع دة وميبقاش مباشر
يعنى مرة مجرد كلام طاير كدة يعنى وبعد كدة ياخد صورة جدية اكثر

[ابو حفص مصطفى]

توكل على الله وخلي زوجتك تفاتح الحاجة , هذا أمر عين الحلال بس المشكلة في مجتمعنا احنا , ولو ولدتك كلمتك اولها انتي امي وهو بمثابة ابي واحنا عيلة واحدة وهذه راحتك وانا ها كون مبسوط لرحتك

[magyver]

طيب منين والدتكمش هاتقدر تخدمة
طيب هايتجوزها ليية
اصل جواز السن دة علشان حد يخدمة صح ولا غلط
بصراحة مش عارف اقلك اية بس ماتدخلش انت في الموضوع دة
خلي مراتك هيا اللي تكلم والدتك وانت ولا كانك عارف حااجة

[Medo.Malek]

حماك يتجوز والدتك يعنى مراتك تبقى اختك ! حد يصححلى لو غلط

[Mostafa.Mahran]

بصراحة انا شايف ان دمها تقيل جدا جدا و ملهاش اى لازمة حاجة زى دى تحصل او حتى يتم التفكير فيها

[shaddadfalcon1]

اعتقد حما حضرتك عايز حد يونسه مش اكتر وهو مستريح لوالدتك عشان كده عايز يتجوزها
بس الفكره ان ممكن تحصل مشاكل كتير بعد كده لانه الكلام اللي بيقوله ده عشان يتجوز والسؤال هل مراته اللي يرحمها كانت بتخدمه لحد ماماتت ولا هو اللي كان بيعمل كل حاجه زي مابيقول لانه هيعمل؟

لو مكنش بيعمل حاجه يبقي الأفضل يدور علي واحده تكون في الأربعينات او حتي بداية الخمسينات مناسبة وتقدر تعيش معاه وتخلي بالها منه

[magyver]

حماك يتجوز والدتك يعنى مراتك تبقى اختك ! حد يصححلى لو غلط

؟؟؟؟؟؟؟؟؟+++

[hugan]

الموضوع صعب
وكمان زي ما حضرتك ذكرت ان والدتك كبيره في السن وهو محتاج واحده علي الاقل 55 سنه علشان تقدر تخدمه
بغض النظر عن كل ده
انت شخصيا متقبل ان الست والدتك
تتجوز تاني ولا الموضوع سهل بالنسبه لك

[mody3on]

يا جماعة ما هما كده كده قاعدين لوجدهم , هي جوزها متوفي وهو مراته توفت , فيها ايه لما يتجوزوا بعض ويقعدوا مع بعض ويونسوا بعض ويساعدوا بعض , مش ممكن بيحبها ؟

[cameeron]

حماك يتجوز والدتك يعنى مراتك تبقى اختك ! حد يصححلى لو غلط

انت بتهزر و الا بتتكلم جد

[MaZaGAngeE]

يا جماعة ما هما كده كده قاعدين لوجدهم , هي جوزها متوفي وهو مراته توفت , فيها ايه لما يتجوزوا بعض ويقعدوا مع بعض ويونسوا بعض ويساعدوا بعض , مش ممكن بيحبها ؟

ده كلام سليم ... ايه المشكلة لو كلمتها ؟ لو وافقت خير و بركة لو رفضت عادي مش قضية كبيرة ....
ممكن فعلا كان بيحبها و سهران طول الليل يفكر فيها و جايب نظارة جديدة عشان يكتبلها جوابات ( متزعلش مني بس القافية تحكم )

[NoOoOoUr]

انت بتهزر و الا بتتكلم جد

ههههههههههههههههههههههههه هههههههههههههههههههههههههه
اكيد مش بيهزر يعنى....