نموذج لحرق الدم

[khaloooda]

قال وامي تقولي عاوز تسيب البلد ليه
حكايتي انهارده يا بهوات مع شركة الغاز - "هتسيب علامة في بيتك"
نموذج حي لحرق دم مستمر
الاول عايزين ندخل من الشارع الرئيسي ونكسر واجهة البرج والرخام بتاع المدخل والسلم الرئيسي ونكسر الشقة من الريسبشن فطرقة اوض النوم ثم المطبخ ثم بلكونة المطبخ اللي هيمدوا منها المواسير
مع انهم ممكن يدخلوا من ضهر العمارة علبلكونة عدل
خناقة وزعيق وطردت العمال وقلتلهم مش عاوز غاز
بعد مفاوضات قالولي جبنا استثناء ليكو بس تتحملوا فرق التكاليف 15 الف تقريبا
قسمناهم علينا ورضينا
يخدوا المقاسات :
تعالي ساعدني - شوفلي اسمنت - عاوز جبس - حركلي الجهاز ده - انقل ده من هنا
باختصاااااااااااار قلب المطبخ رأسا علي عقب
مع ان انا اللي اعرفه ان كل حاجة عليهم وعمالهم معاهم ومتحاسبين علي كل حاجة

ووظيفتهم يريحوا الزبون مش يطلع ..... امه
خناااااااقة تانية وطردت العمال تاني وقلتلهم مش عاوز غاز
يوافقوا علي مضض علي انهم يرأفوا بحالي ويراعوا اللي صرفته علي الشقة من تشطيب وديكورات
الغريييييييييييب انهم بيتعاملوا مع العملاء علي انهم بيمنوا عليهم ولا مديني حاجة من جيبهم
مش كفاية انهم استغلوا ازمة الانابيب ورفعوا رسوم التوصيل وتسمعهم بيقولوا لبعض : اللي مش عاجبهم طظ عنه ما وصل يبقي يروح يدور علي انابيب

حرقة دم مستمرة
يارب اكتبلي الخروج الااااااااااامن من البلد دي علي خير ((اشمعني المجلس العسكري))

كنت عاوز اعرف ايه اللي عليه وايه اللي عليهم عشان ميجيش واحد لا مؤاخذة ...... (لفظ تعاقب عليه ادارة المنتدي) يعمل معايا كده وكأن انا اللي بشحت منهم

[ahmed_h_g]

مش عارف أقولك ايه
بس نار مصر ولا جنة أى بلد تاني مش هرتاح فيها
الله يعينك

[me_medoo]

خلوده باشا. النموذج بتاع حرق الدم بتاعك يختلف عن نموذج حرق الدم بتاعي. ينفع اضيف نموذج حرق دمي انا ولا مينفعش

[mohamednorelde]

يا عزيزي مصر كلها حرقة دم , مبقاش فيها حاجة تريح الاعصاب , سواء كنت صاحي ولا حتي نايم

[me_medoo]

معاك حق اصل انا نموزج حرقت الدم بتاعي انا بقالي خمس سنين بجري ورى شركة الغاز. نفسي حتى لو يعملونا مصورة كده في الشارع وانا اجيب خرطوم اخود وصلة منووووو ههههههههههههه

[shaddadfalcon1]

مش عارف اقول لحضرتك ايه بس انا لما جم يركبو غاز في الشقه اللي ماجرها في الأسكندريه كانو محترمين جدا جدا والفتحه اللي كانو بيعملوها في الحيطه كانو بيظبطو مكنها ويحطو الجبس ويدهنوها بويه كمان والموضوع خلص في اقل من ساعه ومكنوش حتي عايزين يشربو حاجه ساقعه اللي بقدمها

[cameeron]

معاك حق اصل انا نموزج حرقت الدم بتاعي انا بقالي خمس سنين بجري ورى شركة الغاز. نفسي حتى لو يعملونا مصورة كده في الشارع وانا اجيب خرطوم اخود وصلة منووووو ههههههههههههه

على فكرة مجرد وصول الغاز لصاحب الموضوع دى نعمة كبيرة جدا جدا مهما كانت رخامة التركيب اهو وجع ساعة و لا كل ساعة مش احسن ماتشيل الهم كل ما انبوبة تفضى
صاحب الموضوع قول الحمد لله و حال البلد كله حرقة دم مفيش جديد

[human]

احمد ربنا ان فيه حد جالك

اهرب من البلد

[me_medoo]

بالمناسبة ياشباب الا هو مش لمن قزازة المية بتفضى بنروح على اي حنفية نملاها ...
طيب مفيش طريقة ... أنو يعملو محطات ولمن الواحد الانبوبة بتعتو تفضى يروح يملاها يركب خرطوم كده في الانبوبة وفسسسسسسسس تقوم مملية الانبوبة ... كل واحد يروح يملى أمبوبتو ..

[ahmedhawas]

ههههههه .. حلوة فسسسسس دي .. تقوم مملية الأنبوبة.

[khaloooda]

ياباشا هي المشكلة مش في الغاز
طبعا الحمد لله
انا بتكلم علي السلوك
اي حاجة ليها علاقة بالحكومة بقت تجيب الضغط وتحرق الدم
انا تعبت من الزعيق والخناق يا جدعان
في حاجة كمان عندي انا : هي اني مش ممكن في اي جهة حكومية مهما كانت المصلحة اللي عاوزها اني ادفع رشوة
ده مبدأ وماشي عليه من زمان
تيجي مرة بالكلام وتجيب مرة بالخناق ومرة بالمعارف (بس بكون صاحب حق)
وده طبعا مش بيعجب موظفين كتير

[BLOODY_STONE]

ههههههه .. حلوة فسسسسس دي .. تقوم مملية الأنبوبة.

ههههههههههههههههههههههههههههههههههههه

[me_medoo]

ياباشا هي المشكلة مش في الغاز
طبعا الحمد لله
انا بتكلم علي السلوك
اي حاجة ليها علاقة بالحكومة بقت تجيب الضغط وتحرق الدم
انا تعبت من الزعيق والخناق يا جدعان
في حاجة كمان عندي انا : هي اني مش ممكن في اي جهة حكومية مهما كانت المصلحة اللي عاوزها اني ادفع رشوة
ده مبدأ وماشي عليه من زمان
تيجي مرة بالكلام وتجيب مرة بالخناق ومرة بالمعارف (بس بكون صاحب حق)
وده طبعا مش بيعجب موظفين كتير

+11111
ياباشا أرجوك متقلبش عليا المواجع ... لأن فعلاً بقت حاجة تحرق الدم ، أنتا عارف حضرتك انا دافع 1000 جنية رشوة لموظف ........ علشان يخلصلي شغلي بعد الثورة ومرضاش كمان بعد ماخد الفلوس كمان مش راضي يخلصني ... وكل ما اروح له كالعاده ميقليش فوت علينا بكره زي زمان ... لا ده بيقلي تعلالي الحد الجاي بأذن الله يعني فوت عليا بعد اسبوع .

المهم فين وفين لمن عرفت أنو هو عندو شركة في الباطن علشان مصاريف العيال وان مكنتش شركتو هيا الي تمسك الموضوع والعملية مش هيمشيلي ورقي ...

طلعت أشتكيتو لكبير المصلحة الحكومية وقلتلوا خد مني 1000 جنية رشوة علشان يخلصني لأنو بقالو سنة ملوع قلبي ومش عجبو كمان عاوز يمسك هو تنفيذ المشروع والا مش هيمشيلي ورقي وتراخيصي ... نادا عليه الريس طبعاً وقلو صحيح الكلام الي سمعتو ده ... قام الموظف قالو محصلش ، وانا مش متأخر على الاستاذ ومن العين دي قبل العين دي بس ضغط الشغل وانتو عارفين ..هو يعدي عليا الحد الي جي وانشاء الله يكون ورقو خالص وتراخيصو .

وفعلا عديت عليه بعد اسبوع قالي معليش الدوسية بتاعك ضااع مش عارف الفراش حطو فين .

كنت عاوز أقتلوو لأول مره كان نفسي أقتل أنسان وأقطعو مليون ألف حته ... بس المشكلة عندي عيال عاوز أربيهم ، ومخلصش الموضوع ولا لقى الدوسية غير لمن مسك المهندس الحكومي بسلامتو العملية .

وقعدت أتكتك وأخطط علشان أبلغ عنو مفيش حتى قشاية أقدر أمسكها ضدووو ... ولو صعدت الموضوع لأعلى مستوى ... ممكن يرفع عليا قضية بالتشهير ويكسبها ويحطوني في السجن ... أنو أزاي أتهم موظف شريف مرتشي انو أرتشى ... ده أذا مطلبنيش بالتعويض المادي والمعنوي .

ودي أستمارة تانية ساعتك من حرقت الدم ؟؟؟
عندي أستمارة تالتة كمان ينفع أملاها ولا كفاية كده .
ههههههههههههههههه

[bmw3m007]

الحقيقه انا وصلت و كانو 2 بس ( بتوع التركيب )
و كانو منتهى الاحترام
و الشقه عندي كلها ديكورات و طمنوني و بالفعل العامل الي كان بيعمل الفتحات
كان بيعملها ( بفن ) بحيث انها ولا تبان و لا يبوظلي حاجه

و في نفس الوقت اعترضو على توصيل الحمام ( المهندس ) علشان مش عايز يعدي الماسورة من المنور
قعدت اقوله مـ المنور بتاعي ( جوه البيت ) و مقفل اصلا و كله تمام
و مفيش فايده

بس قلت الحمد لله لأني كنت قلقان جدا من تكسير جوه الشقه ده

و برده الجدير بالذكر ان مواسير الخارجي اتعملت عك x عك
قالي مش عارف اجبلك اذن حفر في الشارع !
و حط المواسير في حتت عجيبه عالبرج الي جنبي و البرج الي انا فيه
و عدت الحمد لله

بس مصر ملهاش ذنب
المصريين يا باشا ربنا يهديهم

انا بقترح البلاد المتقدمة بدل السجون تعمل التأديب في مصر هنا
ههههههههههههههههههههههههههههههههه
الي يسرق يعاقبوه بـ 5 سنين عيشه فمصر

طبعا السرقه هتمنع من عندهم خالص

,, ربنا يولي من يصلح و ربنا يهدينا جميعا