ضرورى جدا .. هل يوجد على المحور رادار ؟

[mxz911]

السلام عليكم

يا جماعه ضرورى جدا .. هل يوجد على المحور رادار ؟ لانى من يومين كنا انا والشباب رايحين عاملين حفله شواء ف فيلا بتاعت واحد صحبى ف 6 اكتوبر والمفروض ارجع البيت بدرى عشان نازل مشوار دلوقتى المهم رحنا بليل عقبال ما الراجل فى مترو ماركت تبل اللحمه والفراخ كانت الساعه 3 ونص بليل !! وطبعا انا عندى مشوار الصبح ضرورى جدا ف اضطريت اخد الطريق كله وانا رايح على 160 - 180 .. كانت الساعه ساعتها 3:40 - 4 كده ف الفتره دى بس وكل شويه الاقى كلمه هدى رادار بس صاحبى قالى مفيش حاجه وخليتها على الله
حد يطمنى
ولو فيه المخالفه كام ؟ وكده لو عديت على 5 رادارات يبقى كل رادار مخالفه ولا ايه ؟

ربنا يستر بجد .. ومحدش يقولى انت بتخالف السرعه .. بجد والله حرام امشى الساعه 3 - 4 بليل لوحدى او معايه كام عربيه قليلين على المحور بسرعه 90 !!! ده طريق مش اقل من طريق السخنه - القاهره

[3mr Farrag]

ما تقلقش
الرادارات مش شغاله
بس مره نور رادار نور و قلت هيجيلي مخالفه و لسه مجدد رخصه العربيه و الحمدلله ماجاليش اي حاجه...
و انا اصلا مش بمشي اقل من 120 علي المحور

[rompo10]

كله متكسر لا تقلق (مفيش حته لحمه مشويه)

[mr_safwt]

انا سواء كان شغال او مش شغال ما بعديش ال 90 اذا هم كاتبين 90 يبقى اكيد الطريق لايصلح لاكتر من كدة

[rompo10]

انا سواء كان شغال او مش شغال ما بعديش ال 90 اذا هم كاتبين 90 يبقى اكيد الطريق لايصلح لاكتر من كدة

ايه ده هو في عندنا في مصر دراسات تقول الطريق دا يستحمل سرعه كام ياباشا دا كله كلام فاضي هما عاوزين فلوس وخلاص

[beshomilan]

ما تقلقش
الرادارات مش شغاله
بس مره نور رادار نور و قلت هيجيلي مخالفه و لسه مجدد رخصه العربيه و الحمدلله ماجاليش اي حاجه...
و انا اصلا مش بمشي اقل من 120 علي المحور

مش عايز اقلقك بس متقلقش هتجيلك المخالفة قريبا لانى زيك بالظبط والمخالفة نزلت بعد حوالى 9 شهور بعد ماطلعت براءة مخالفات

[3mr Farrag]

مش عايز اقلقك بس متقلقش هتجيلك المخالفة قريبا لانى زيك بالظبط والمخالفة نزلت بعد حوالى 9 شهور بعد ماطلعت براءة مخالفات

يعني هو شغال ولا لأ
هو فيه واحد بس اعتقد بينور اللي هو اول واحد و انت رايح المهندسين من اكتوبر
غير كده انا رايح جاي يقالي يجي اكثر من سنه و مافيش اي مخالفات ولا بينور اصلا

[mxz911]

ما تقلقش
الرادارات مش شغاله
بس مره نور رادار نور و قلت هيجيلي مخالفه و لسه مجدد رخصه العربيه و الحمدلله ماجاليش اي حاجه...
و انا اصلا مش بمشي اقل من 120 علي المحور

يارب يكون فعلا مش شغال وربنا يطمنك .. المحور طريق نظيف جدا أصلا و 90 قليل فيه .

كله متكسر لا تقلق (مفيش حته لحمه مشويه)

اتمنى كده فعلا .. وياباشا اللحمه تجهز مخصوص فى اى وقت انت بس شوف اليوم اللى يناسبك وابعتلك الدنيا كلها
ممكن تاخد دى تصبيره عموما .. دى صوره صورتها يوم الشوى :)




وهنا اطباق اللحمه والشيش والفراخ قبل ما تتعدم

انا سواء كان شغال او مش شغال ما بعديش ال 90 اذا هم كاتبين 90 يبقى اكيد الطريق لايصلح لاكتر من كدة

يعنى حضرتك بتقول كده على أساس ان اصلا اللى عمل الطريق فى مصر عمله على أساس علمى .. يا باشا الطرق ف كل حته ف العالم بتلاقى الطريق الاسفلت مثلا له حتت تخرج منها الميه ساعت المطر وهنا تلاقى الطريق غرقان لو فى مطر والميه مش بتتشال الا لما تنشف

معلش الكلام اللى حضرتك بتقوله ملوش اساس من الصحه وطريق زى العين السخنه - القاهره دى المفروض السرعه بتاعته توصل ل 150 اقل واجب .
والمحور برضه اقل واجب خالص 120 !

ايه ده هو في عندنا في مصر دراسات تقول الطريق دا يستحمل سرعه كام ياباشا دا كله كلام فاضي هما عاوزين فلوس وخلاص

فعلا حقيقه

مش عايز اقلقك بس متقلقش هتجيلك المخالفة قريبا لانى زيك بالظبط والمخالفة نزلت بعد حوالى 9 شهور بعد ماطلعت براءة مخالفات

اتمنى ميحصلش كده .. هيه بتبقى كام عموما ؟ وربنا يستر


بالمناسبه عشان انا برضه اول مره اروح التجمع وجريت على طريق اسمه NA مشيت 160 .. ده عليه رادار ولا ايه الكلام ؟


شكرا للمساعده يا جدعان :)

[me_medoo]

اطمن الردارات مش شغاله بس المهم دلوقتي انتا حطيت لنا صور الكباب هو شكلو حلو بس اخبار التتبيلة ايه وايه مكونتها علشان نستفيد لمن نيجي نتبل احنا كمان ولا نروح عند مترو ماركت وهو هناك هيتبلهالنا

[mxz911]

اطمن الردارات مش شغاله بس المهم دلوقتي انتا حطيت لنا صور الكباب هو شكلو حلو بس اخبار التتبيلة ايه وايه مكونتها علشان نستفيد لمن نيجي نتبل احنا كمان ولا نروح عند مترو ماركت وهو هناك هيتبلهالنا

الله يطمنك يا ميدو ...
بص يا سيدى مترو أصلا بيبيع الحاجات دى مخصوص للشوى هيه بتبقى محطوطه فى التلاجه جاهزه ومتبله ومحطوطه كمان فى الاسياخ ( الخشب ) بيبقى كل اللى عليك انك تروح تشيل السيخ الخشبى وتحط الحديد بتوع الشوى عشان الخشب مش هيستحمل خالص .. الخشب هوه اللى فيه اللحمه قبل ما نفتح الاطباق والحديد واضح على الشوايه
اهم حاجه المكان بتاع الشوى يكون ف حته مفتوحه
تانى حاجه قبل الشوى اتأكد ان الفحم والع كويس
تالت حاجه وانت بتشوى يستحسن متعدش تهودى بالهوايه دى لان ده ممكن يحرق الاكل بسرعه من بره وميستويش كويس من جوه .. سيبه يتشوى لوحده لو هوى عليا بس خفيف جدا

أسعار مترو للحوم كالتالى :

كيلو شيش كباب بتلو ب 95,75 جنيه
كيلو شيش طاوق ب 43,5 جنيه
وراك دجاج ب 28,75 الكيلو ..

احنا كنا 4 اشخاص كل واحد اتكلف من 95 ل 120 جنيه تقريبا ( حسب الكميه مع كل واحد )
ال 95 جنيه ده كان ليه سيخين كباب وسيخين شيش وربع فراخ مشوى او نص . ( طبعا مش هقولك وجبه تقيله جدا لان السيخ بيبقى فيه اصلا قطع لحمه كبيره والشيش طاوق برضه وباين الحجم ف الصوره ) واللى دفع 120 كان له 3 اسياخ فراخ و 3 لحمه وربع فراخ .

اتمنى اكون افدتك وانا تحت أمرك ف اى حاجه عاوز تعرفها

[me_medoo]

لا بصراحة افادكم الله ، هيا رقاصة بس بترقص ، هههههه حبيبي قلبي ماهو طبيعي لازم نشوي ويكون الفحم والع انا كنت بسئل عن التتبيلة افتكرتك محترف تتبيل. لانو بيبقى ارخص لمن تجيب اللحمه انتا. وتبلها بايديك كده مع البصل والفل الاسود وياسلام لوشوية هيل مطحون وومكن تجيب السبع بهرات مع معلقة شطة وممكن كمان شوية كاري. في ناص بتجيب الصوص الصيني بتاع الباربكيو ممكن كمان فص توم بس حلاوة التتبيلة بقة انها تتنقع يوم ولا يومين في التلاجة علشان تشرب الزبد يالله صحه زهنا ياةحبيب قلبي وبالهنا والشفا.

[mxz911]

حبيبي قلبي ماهو طبيعي لازم نشوي ويكون الفحم والع

لا انا قلت

تانى حاجه قبل الشوى اتأكد ان الفحم والع كويس

أكيد الفحم هيكون والع بس انا قصدى اتأكد ان الفحم والع كويس .. اتأكد اللى محطوط ف الشوايه كله والع وده لازم تسنى شويه بالاول لان الفحم مش بيولع كله مره واحده أكيد ده كان قصدى

انا كنت بسئل عن التتبيلة افتكرتك محترف تتبيل. لانو بيبقى ارخص لمن تجيب اللحمه انتا. وتبلها بايديك كده

معانا واحد صاحبنا مش مصرى. محترف تتبيل.. بس العمليه مش فارقه .. لأننا فى مترو سألنا على اللحم الضانى بكام .. قالك مثلا ب حاجه وسبعين جنيه الكيلو كانت 78 أعتقد أو 72 .. المهم سألناه طيب بعد التتبيل كام ؟ قالك مش هتفرق اللى هوه نظام نفس السعر مش بياخدوا على التتبيله فلوس .. احنا بس شيهصنا الراجل ورزعناه 10 جنيه ظبطلنا الحوار كله من أوله لأخره ..
الحاجات اللى اخدناها كانت معظمها متبله من فتره الا الا لما خصلت الكميه واحتاجنا أكتر ساعتها تبل من جديد والطعم كان حلو برضه
ممكن لو انت تعرف جزار كويس يظبطك اللحمه .. لكن بصراحه حاجه مترو هيه من أنظف الحاجات اللى بنشتريها عشان كده اشترينا منه

وأكيد لو انت تبلتها بمزاجك وعلى ذوقك هتكون أحسن بس انا عاجبانى التتبيله السبايسى بتاعت مترو .. والتتبيله العاديه برضه حلوه :)

الله يهنيك وخلينا نشوفك عامل BBQ Party قريب

[me_medoo]

لا المرة الجاية خودني معاك وانا هعملك حتت دين ت
تبيلة انما ايه تاكول صوبعك وراها ،انا بحب اشوي عادة على نار هادية حتى اللحمه كده تاخود راحتها في السوى

[mxz911]

خلاص ان شاء الله مفيش مشاكل ومنك نتعلم برضه

احنا أصلا فى المنتدى ممكن نعمل خروجه كده ل وادى دجله مثلا ونشوى هناك وكده :)