قابل ياعم

[rompo10]

د.سعد الكتاتنى
حررت شركة تدير مواقف انتظار السيارات بمطار القاهرة أمس محضراً في نقطة شرطة المطار ضد موكب سيارات رئيس مجلس الشعب بعد قيام قائديها بكسر ذراع بوابة المرور والتعدي علي موظف طالبهم بسداد الرسوم المقررة. كان موكب السيارات يرافق الوفد البرلماني الذي غادر إلي أوغندا برئاسة د.سعد الكتاتني رئيس مجلس الشعب للمشاركة في اجتماعات الجمعية العامة للاتحاد البرلماني الدولي الذي يبدأ أعماله اليوم ولمدة ستة أيام. منقول
مش هانخلص بقي من القرف دا ايام النظام السابق ودلوقتي كمان

[LegendJo]

عشان البلد دي عمرها ما هتنضف :)

[mr_vampire]

البلاغ في حد ذاته حاجة كويسة. نشوف بقي الرد عليه هيبقي ازاي وبالذات لما يعرف رئيس مجلس الشعب اللي جه بثورة .

[rompo10]

لو سالت حد فيهم دا حلال ولا حرام هايقولك انها غنيمه مش هو دا الدين عندهم اللي عاوز يطبق الشريعه يبقي يطبقها في كل حاجه مش علي مزاجه

[mohammedabdallh]

المفروض رد الفعل يكون قاسى

[شريف]

د.سعد الكتاتنى
حررت شركة تدير مواقف انتظار السيارات بمطار القاهرة أمس محضراً في نقطة شرطة المطار ضد موكب سيارات رئيس مجلس الشعب بعد قيام قائديها بكسر ذراع بوابة المرور والتعدي علي موظف طالبهم بسداد الرسوم المقررة. كان موكب السيارات يرافق الوفد البرلماني الذي غادر إلي أوغندا برئاسة د.سعد الكتاتني رئيس مجلس الشعب للمشاركة في اجتماعات الجمعية العامة للاتحاد البرلماني الدولي الذي يبدأ أعماله اليوم ولمدة ستة أيام. منقول
مش هانخلص بقي من القرف دا ايام النظام السابق ودلوقتي كمان

طب هي الرسوم المقرره دي كام جند؟
علشان يعملوا ده كله و البلد مطربه

[enayat]

طب هي الرسوم المقرره دي كام جند؟
علشان يعملوا ده كله و البلد مطربه

5 جنية لكل سيارة

[Ralliart]

بما لا يخالف شرع الله..................

[M.belal]

لو افترضنا ان الكلام ده عشان بس منظلمش حد يبقى عليه العوض
ولسه لما عمر سليمان يمسك الرياسه ومبارك يطلع براءه
وكل ثورة وانت طيب

[MohaMed_Refaat]

طب هي الرسوم المقرره دي كام جند؟
علشان يعملوا ده كله و البلد مطربه

مش مبرر
مهو الكتاتنى مواطن عاااااااااااااااااااااااااادى زى اى مواطن ولا احنا بحب نبجل فى المسؤلين كالعاااااااااااااااادة
بل هو موجود فى منصبة بفضل الشعب وتضحياتة ؟!!!!!!!!؟

وبعدين لو مشينا كدة يبقى حينتقل من الخصوص للعموم
وحنرجع تانى للحلقة المفرغة ................
تطبيق القانون بيبدا من الناس المسؤلة الى عامة الشعب وليس زى متعودنا ايام المخلوع ان القانون معمول علشان يفرم الغلابة .....

[moh19227]

بما لا يخالف شرع الله..................

هههههههههههههههههههه لوز

[dr.hazem]

بعيدا عن الموضوع
كام واحد شايف ان اللي بيحصل في المطار سرقه وعيني عينك؟؟!!!

بيدخلك بعربيتك وتدفع 5 جنيه وقلنا آمين
تيجي بقا داخل توصل اللي معاك لجوه يقولك تدفع 5 جنيه عشان تخش الصاله

طب ما انا سواق العربية اللي دافعه 5 جنيه
ليه ميبقاش ان بنفس تذكرة العربية مسموح لشخص واحد انه يخش يستقبل او يودع ولو اكثر يدفع عن كل شخص الفلوس؟؟؟؟


ومنساش في يوم حصلي اني كان في اتنين من قرايبي جايين فنفس اليوم واحد الصبح وواحد بالليل
هل يعقل اني ادفع 20 جنيه؟؟؟

ويقولك خدمه استقبال وتوديع مميزين؟؟؟!!!!!!!!!!!

ايه المميز في كده

احيانا بتبقى الحجه مسافره
ازاي اسيبها تدخل جوا وتشيل هي الشنط يعني ولا ايه؟؟؟

انما لازم تدفع 5 جنيه لعربيتك و5 جنيه عن نفسك وناقص يدفعو المسافر نفسه 5 جنيه عشان يخش بشنطه وحسبي الله ونعم الوكيل ومتعرفش الفلوس دي بتروح فين

الله المستعان

[me_medoo]

هو انا معاك يا اتش انها سرقه عيني عينك بس المشكلة في الفلاحين الي لمن يجي واحد مسافر عندهم من البلد اهل القرية كلهم بيروحو يستقبلوه او يودعوه وواحد واحد يبوسوه كانهم طالعين رحلة فلم يلاقو التذكرة بخمس جنيه بيبوسوه بره وخلاص هههههههه طيب ما يبسوه في البلد ولا لازم البوسة تكون على باب المطار علشان تكون طازة وسخنه وطالعه من الفرن

اما بالنسبة لموضوع الرئيس الاستاذ سعد الكتتني ، انا لو كنت مكان موكبو كنت هعمل كده. انتو بتهرجووو ده رئيس مجلس الشعب ومعاه ضيف كمان وفي حاجة اسمها بروتوكول دوبلاماسي وليهم صاله مخصوصة لكبار الزوار ومينفعش ناس زي كده توقفهم ويجيلك واحد معاه بومبة ولاسلاح ولا حتى قنبلة وضربلك كرسي في الكلتش ده بيمثل مصر كلها يافندم
يعني هو المشير ولا حتى قائد كتيبة يقدرو يفتحو بقهم معاه ويوقفوه ولا حتى ضابط صغير وتحياتي

[A.Saad]

طبعا ده تهريج

[أبو إياد]

اما بالنسبة لموضوع الرئيس الاستاذ سعد الكتتني ، انا لو كنت مكان موكبو كنت هعمل كده. انتو بتهرجووو ده رئيس مجلس الشعب ومعاه ضيف كمان وفي حاجة اسمها بروتوكول دوبلاماسي وليهم صاله مخصوصة لكبار الزوار ومينفعش ناس زي كده توقفهم ويجيلك واحد معاه بومبة ولاسلاح ولا حتى قنبلة وضربلك كرسي في الكلتش ده بيمثل مصر كلها يافندم
يعني هو المشير ولا حتى قائد كتيبة يقدرو يفتحو بقهم معاه ويوقفوه ولا حتى ضابط صغير وتحياتي

مختلف معاك لان القصه حصلت بعد مغادره الضيف ياعنى ال3 عربيات خارجه من المطار بالسواقين فقط ايه اللى يوصل الامر ان سائق منهم يكسر الحاجز ؟
مش من ضمن السلبيات اللى اتعمل عليها ثوره هى المواكب ؟ ولا هو لسه النظام القديم شغال اللى هو سواق اللواء يعامل معامله اللواء
مش الناس دى مبدءها هو المعامله بالدين فين التواضع ؟

اللى بيحصل ده للاسف شبع من بعد جوع