لكل مشتركى لينك ... ضاعف سرعتك ب 10 جنيه

[Mahmoud Nagieb]

السلام عليكم يا رجالة

لينك منزله عرض جامد بصراحة قولت اقولكوا عليه

ضعف السرعة وهيزودولك 10 جنيه فى الشهر على الفاتورة

اللينك اهو

‘SUPER SPEED ME’ Offer

دوس على super speed me now وبعدين 48 ساعة هيضاعفوا السرعة وفاتورتك هتزيد 10 جنيه فى الشهر

انا شايف ان كده بيس بصراحة

[Donzi]

مفيش حاجة ل te data ؟؟

[Mahmoud Nagieb]

مش عارف والله يا استاذة دونزى انا ملاقيتش حاجة فى موقع تى اى داتا

عموما هو كده ولا كده اسعار النت هتنزل الفترة اللى جاية ... ربنا يسهل بس علشان هما كل شوية يأجلو

[koshary]

بصراحه عرض رااااااااائع ولينك شركة ممتازه

[Mostafa.Mahran]

ده لمدة 3 شهور بس و بعد كده هيرجع تانى

[FunnyMickey]

عملته
تسلم ايدك ياباشا

[korkor]

انا اشتركت عرض ظريف مش بطال على الاطلاق

[beshomilan]

ظهرلى كده :(
عفوا, هذا العرض لا يمكن تطبيقه على اشتراكك.

1. عذرا، هذا الاشتراك يتمتع حاليا بعرض أو خصم خاص. هذا العرض لا يمكن تطبيقه على اشتراكك.

انا نحس جداااااا :((((((((

[Hacker5]

اشتركت فيه امبارح
و ربنا يستر و السرعة تبقى مضبوطة ماتبقاش نص اليوم 2 ميجا و باقى اليوم 1 ميجا و البنج مايبقاش عالى لان الطبيعى ناس كتير هاتشترك و لينك اصلا عندها مشاكل عدم كفاية البندويدث فكدة احتمال يحصل ضغط جامد على السنترلات و السرعة تقل عند ناس و ناس لاء و البنج يبقى عالى
لان من فترة حصلت المشكلة دى فى عرض كانوا عاملينه

[DreAmO]

عرض ملوش اي سبعين لازم .. اقولك ليه

انت اولا ملزم تكمل ال 3 شهور .. يعني لو فكرت تكنسل قبل اكتمال 3 شهور .. هتتحاسب بسعر السرعه المضاعفه وهتخرج برا العرض

لو سرعتك ميجا .. بدل ما هتدفع 145 جنيه .. هتدفع 165 جنيه وتبقى سرعتك 2 ميجا

بس الحقيقه ان اصلا لينك بطيئه .. يعني السرعه بتوصلك التلت والربع

يعني لو انت 2 ميجا .. هتلاقي الدون لود 60 و 70 واليوتيوب يقطع .. وكأن سرعتك 512 بالظبط

طب ماتروح تشترك في شركة عدله على 512 ب 95 جنيه بقى احسن وتوفر فرق السعر دة

العرض يبنان انه مغري وكلمه ضعف السرعه بتزغلل العين .. لكن للأسف مش هتاخد نص السرعه دي حتى في الحقيقه

ومش هينوبك غير انك ارتبطت ب3 شهور مع الشركة ودفعت فلوس زياده على اشتراكك

دي شركة كل حركاتها اتحفظت .. وانا هكنسل منها اخر الشهر مع انتهاء اخر فاتوره ليه . . بعد تعامل اكثر من 11 عام معها على خطوط مختلفه

وزبون عسل انا بالنسبالهم .. مش عامل شبكه .. مش بتاع دون لود الا نادراً نادراً .. مليش في فيس ولا تييس ولا مدمن يوتيوب

استخدامي سمبل اوي

والحمد لله جبت خط تليفون اخر .. واشتركت مع تي ايه داتا والخدمه هتشتغل قبل ما اكنسل مع لينك .. ومش هتحرم من النت دقيقه واحدة

ولا هكون تحت رحمة رقم الكنسليشن

وخط التليفون الجديد ب 50 جنيه فقط

[Hacker5]

و كمان فيه حاجة
الشركة مش عاملة العرض دة عشان خاطرنا يعنى
لما بيكون فيه عرض ضعف السرعة بتدفع 3 شهور مقدم و سرعتك بتتضاعف
يعنى مثلا لو انا سرعتى 1 ميجا و هاشترك فى العرض يبقى هدفع 435 جنيه اشتراك 3 شهور اللى هو 145 جنيه شهريا
لكن هو فى العرض الحالى قالك ادفع 20 جنيه كل شهر لمدة 3 شهور
بمعنى انك هاتدفع 165 جنيه فى 3 شهور بـ 495 جنيه
يعنى هما كسبانين 60 جنيه من كل واحد مشترك فى العرض :)
هما لقوا ان كدة افضل من انك تدفع 3 شهور و هما مش كسبانين حاجة قالك نزود الاشتراك 20 جنيه و نبقى كسبانين و طبعا العميل هايشوف الـ 20 جنيه هايفرح جدا و يشترك :)

[Mahmoud Nagieb]

عرض ملوش اي سبعين لازم .. اقولك ليه

انت اولا ملزم تكمل ال 3 شهور .. يعني لو فكرت تكنسل قبل اكتمال 3 شهور .. هتتحاسب بسعر السرعه المضاعفه وهتخرج برا العرض

لو سرعتك ميجا .. بدل ما هتدفع 145 جنيه .. هتدفع 165 جنيه وتبقى سرعتك 2 ميجا

بس الحقيقه ان اصلا لينك بطيئه .. يعني السرعه بتوصلك التلت والربع

يعني لو انت 2 ميجا .. هتلاقي الدون لود 60 و 70 واليوتيوب يقطع .. وكأن سرعتك 512 بالظبط

طب ماتروح تشترك في شركة عدله على 512 ب 95 جنيه بقى احسن وتوفر فرق السعر دة

العرض يبنان انه مغري وكلمه ضعف السرعه بتزغلل العين .. لكن للأسف مش هتاخد نص السرعه دي حتى في الحقيقه

ومش هينوبك غير انك ارتبطت ب3 شهور مع الشركة ودفعت فلوس زياده على اشتراكك

دي شركة كل حركاتها اتحفظت .. وانا هكنسل منها اخر الشهر مع انتهاء اخر فاتوره ليه . . بعد تعامل اكثر من 11 عام معها على خطوط مختلفه

وزبون عسل انا بالنسبالهم .. مش عامل شبكه .. مش بتاع دون لود الا نادراً نادراً .. مليش في فيس ولا تييس ولا مدمن يوتيوب

استخدامي سمبل اوي

والحمد لله جبت خط تليفون اخر .. واشتركت مع تي ايه داتا والخدمه هتشتغل قبل ما اكنسل مع لينك .. ومش هتحرم من النت دقيقه واحدة

ولا هكون تحت رحمة رقم الكنسليشن

وخط التليفون الجديد ب 50 جنيه فقط

ياباشا مع احترامى ليك ... بس انا عاوز اقولك على حاجة ... اولا الواحد كده كده مكمل مع الشركة ان شاء الله مش كل يوم هشترك فى شركة جديدة .... وبعدين انا استفدت من العرض بأنى خدت ضعف سرعتى ودفعت بتاع 10 جنيه بس وبدفع كل شهر برضه مش 3 على بعض زى عروض الصيف

ويعدين يا باشا والله صدقنى شركات النت تقريبا زى بعضها ... بس الفكرة ان كل شركة ليها سنترالات كوييسة والتانية لأه .... انا عندى خطين واحد لينك والتانى تى اى داتا .... تى اى داتا بينج زى الزفت وحاجة قرف .. ولينك إلى حد ما مستواها كويس جدا .... كفاية يا باشا ان خدمة عملاء لينك ممتااازة جدا وبكرة تعرف الفرق بينها وبين تى اى داتا فى خدمة العملاء بالذات علشان دولة بنى ادمين ربنا يهديهم

و كمان فيه حاجة
الشركة مش عاملة العرض دة عشان خاطرنا يعنى
لما بيكون فيه عرض ضعف السرعة بتدفع 3 شهور مقدم و سرعتك بتتضاعف
يعنى مثلا لو انا سرعتى 1 ميجا و هاشترك فى العرض يبقى هدفع 435 جنيه اشتراك 3 شهور اللى هو 145 جنيه شهريا
لكن هو فى العرض الحالى قالك ادفع 20 جنيه كل شهر لمدة 3 شهور
بمعنى انك هاتدفع 165 جنيه فى 3 شهور بـ 495 جنيه
يعنى هما كسبانين 60 جنيه من كل واحد مشترك فى العرض :)
هما لقوا ان كدة افضل من انك تدفع 3 شهور و هما مش كسبانين حاجة قالك نزود الاشتراك 20 جنيه و نبقى كسبانين و طبعا العميل هايشوف الـ 20 جنيه هايفرح جدا و يشترك :)

ياباشا مهو انت دفعت فلوس وخدت قصادها حاجة .... من غير العرض كنت هتروح تشترك فى السرعة الجديدة بتمنها الحقيقى

عموما يا جماعة انا مليش مصلحة فى الموضوع ده ... انا لاقيت حاجة كويسة قولت اخلى الناس تعرف

مع تحياتى

[DreAmO]

ياباشا مع احترامى ليك ... بس انا عاوز اقولك على حاجة ... اولا الواحد كده كده مكمل مع الشركة ان شاء الله مش كل يوم هشترك فى شركة جديدة .... وبعدين انا استفدت من العرض بأنى خدت ضعف سرعتى ودفعت بتاع 10 جنيه بس وبدفع كل شهر برضه مش 3 على بعض زى عروض الصيف

ويعدين يا باشا والله صدقنى شركات النت تقريبا زى بعضها ... بس الفكرة ان كل شركة ليها سنترالات كوييسة والتانية لأه .... انا عندى خطين واحد لينك والتانى تى اى داتا .... تى اى داتا بينج زى الزفت وحاجة قرف .. ولينك إلى حد ما مستواها كويس جدا .... كفاية يا باشا ان خدمة عملاء لينك ممتااازة جدا وبكرة تعرف الفرق بينها وبين تى اى داتا فى خدمة العملاء بالذات علشان دولة بنى ادمين ربنا يهديهم

لو انت مرتاح مع لينك .. اوك .. دي حاجة كويسه

لكن مشكلة الباندويتث في لينك .. ناهيك عن الانقطاعات المتكررة للنت في الشهور الاخيره

الانقطاع من الشركة .. مع كثرة الرد من خدمة العملاء اللي فعلاً مهذبين جداً .. ان عندنا مشكله عامه جاري اصلاحها .. السيستم واقع ممكن تتصل بعد ساعة .. الخ الخ

كل المشاكل دي .. كل عملاء لينك في جميع المحافظات وكل السنترالات اكلمت عنها في المواقع المتخصصه بالكلام في الحجات دي

لينك بايظه من بعد انقطاع النت ايام الثوره ..

وخدمة العملاء .. للأسف كلام واسلوب مهذب فقط .. لكن حل مشكله لا لا لا لا انسى

لان الحل مكلف للشركة .. ( تأجير سعة اضافيه من الباندويتث ) .. مع ان يا اخي احنا بندفع حق البانديوتث دة للشركة

الخدمه الرديئه للأسف دي بقت سياسه الشركة لهدف مجهول

وعموماً خدمة عملاء تي ايه داتا .. مش وحشين اوي للدرجه .. يعني متفاهمين بردو لو اللي بيكلم معاهم متفاهم

وان شاء الله مش هنحتاج نكلمهم كتير

وان شاء الله .. زي ما كنت انا اول عميل لشركة لينك في سنترالي .. من قبل ادراجه حتى في قايمتهم

وزي ما شجعت الناس عندي تشترك معاها .. هشجعهم يسبوها وهوفرلهم الحلول


والحمد لله .. اليوم حولت خط الموبايل من موبينيل كمان لإتصالات .. بسبب مشاكل بردو منها

دة انا بفكر اقاضيهم كمان واتسلى بيهم شويه

[me_medoo]

هو ينفع الغي تيلفون البيت خالص واخلي بس اشتراك dsl اصلي مبتسخدمش تيلفون البيت وبيجلي عليه فواتير قد كده على الفاضي ونفسي اشيلوو ؟؟؟؟

[dr.hazem]

تسلم ايديك ياباشا وشكرا جزيلا للتنبيه على العرض


تحياتي