والحل إيه ؟

[A7MED_PHARMA]

السلام عليكم

" يادكتور أحمد أنا مش جاي تاني أنا مسافر القاهرة أنا أسف "


.
ده كان نص الرسالة إلي صحيت من النوم النهاردة
لقيتها على الموبايل من الدكتور محمد إلي كان بينا إتفاق إنه هييجي العيادة كل يوم

.
أول دكتور بعد ماتفقت معاه
يوم مافتحت ..روحتله قالي مش فاضي خليها الاسبوع الجاي
وكانت كسفة كبيرة ليا وللناس الي جت أول يوم

.
تاني دكتور جالي 5 ايام
وبعتلي الرسالة الي في اول الموضوع دي

حد عنده حل
انا بكتب الموضوع ده وأنا أعصابي مابقتش مستحملة
حد عنده حل ؟
وللا أخليني في الحل الأخير إلي مش فاضل قدامي غيره

[A.Saad]

احمد
بالعقل
ايه اللى يخلى دكتور يقف معاك ويضحى بوقته وياخد اجر منخفض لان عيادتك جديدة ما دام فيه مكان تانى يدى له اجر اعلى
الا اذا كان صغير وممكن يكبر معاك
لو شايف ان الدكاترة كتير
سهل تجيب
بس كتر تغيير العيادة للدكاترة يقرف المريض
او انك تضمن حد ادنى ليه من الدخل
وانت تغطى الفرق على ما تشتغل

[SYD]

معلش يا احمد دور تاني
انت خلاص فتحت العيادة وبقيت قدام امر واقع

والمشاريع مش بتنجح بالساهل
لازم تستحمل وتصبر

والله المستعان
،
،

[A7MED_PHARMA]

انا ممكن أدور على امتياز
بس الفكرة ان الشغل بياخد وقت لحد مايتعدل
والوقت ده الدكتور(طبيعي) مش ملزم يستحمله
يبقا أنا لازم أغطي الفرق من جيبي .. يعني هو ياخد مينيمال شارج وملوش دعوة اشتغلت ولا ماشتغلتش
يعني المفروض ادفع كل يوم 100 ج من جيبي حد أدنى لأي دكتور هييجي
الــ 100 هيرجعلي منهم 20-30 بالكتير
يعني المفروض أدفع كل يوم حوالي 70-80 ج ........... في الوقت الي مافيش فيه جنيه يوحد الي خلقه




ودكاترة الامتياز
كلمت كام واحد..وكلهم حسسوني(وعذرا للأطباء) إنهم مهمين أووووووي وعلشان ييجي لازم أوصله كل يوم وياخد الحد الادنى الــ 100 ج ومالوش دعوة ..

[A7MED_PHARMA]

انا مش بغلط في أطباء الامتياز عموما.أنا بتكلم على الشخصيات الي كلمتها

[hossam_chixo]

ان شاء الله ربنا هيقف جمبك عشان انت اكيد نيتك خير :) لا تقلق

[mohammedabdallh]

معلشى يا احمد كمل واستحمل
ودور على اى دكتور
(((انا فاضى اجى ))))

[maryano]

ربنااا يوفقك و اصبر و باذن الله ربناااا يجزيك كل خيرر
حاول تشوف عنصر جذب لاي دكتور يجي عندك في العياادة و اوعي تحسس اي حد انك حتقف عليه علاشان معظم الناس لما يحس بكدة بيدلع

[Hondawy_2008]

ربنا معاك اصبر و الله الحال واقف في كل المشاريع في البلد و ايه الحل الأخير دة؟

[A7MED_PHARMA]

انا رايح النهاردة أطب على محمود
megamody
رايح أسهر معاه في إستقبال الجامعة (في الزقازيق)
بالمناسبة لو حد عاوز ييجي يسهر معانا مفيش مشكلة..............

هحاول أشوف حد هناك من زمايله..او هو نفسه

وربنا المستعان


وعنصر الجذب لأي دكتور..هو العامل المادي(مش هجيبله ممرضة حلوة يعني )كعامل جذب

[gaaz]

هههههههههههههههههه
انا عن نسبالي ممكن اجي عشان الممرضة الحلوة
وادفع فلوس كمان هههههههه
انا نايب عضم على فكرة ولو كنت في اسكندرية مكنتش قصرت معاك والله
ومن غير فلوس خالص حتى لحد ما الدنيا توقف على رجلها
ربنا ييسرلك الامور ان شاء الله ويفتحها في وشك

[A7MED_PHARMA]

هههههههههههههههههه
انا عن نسبالي ممكن اجي عشان الممرضة الحلوة
وادفع فلوس كمان هههههههه
انا نايب عضم على فكرة ولو كنت في اسكندرية مكنتش قصرت معاك والله
ومن غير فلوس خالص حتى لحد ما الدنيا توقف على رجلها
ربنا ييسرلك الامور ان شاء الله ويفتحها في وشك

انا في الزقازيق يادكتور
وربنا يكرمك

طيب قولي..هو الاتفاق في الحالات الي زي دي بيكون إزاي ؟

[gaaz]

للأسف انت عارف اصل اللي بيشتغل في مستوصفات زي دي بيبقى غالبا دكاترة صغيريينن وبيشتغلو في حتت شعبية فيها ريت عالي عشان يدخلهم دخل كويس
بس انا مش عارف انت المكان اللي عندك فين
بس على العموم الاتفاق بيبقى حالة من الاتنين
يا اما المكان عليه رجل
وفي الحالة دي صاحب المكان بيحدد مبلغ للدكتور ثابت زائد عشرة في المية مثلا من اللي حيدخل
لو المكان مش عليه رجل في الحالة دي بتبقى بالاتفاق بقى
يا اما الدكتور بياخد مبلغ ثابت صغير زائد خمسين في الميه
وفي الغالب لو المكان مافيهوش رجل محدش حيقعد فيه
بس انت فاتح مشروع لازم تخسر عليه في الاول
يعني زي الدكتور اما يفتح عياده بيعمل الكشف مجانا في الاسبوع الاول
فانت لازم تعمل حاجة كده
وتتحمل شوية خسارة في الاول
ويا سلام بقى لو انت صيدلي على حسب ماانا خدت بالي تجيب ستوك من الصيدلية جمب العيادة دي وتشغلها كمان
تبقى كده فل اوي
اتمنى اكون فدتك شوية
هي العملية كلها بالاتفاق
بس انت شوف حد دكتور ابن حلال يوقف معاك في الاول
المشكلة ان في المحافظات اي دكتور مابيغلبش انه يأجر شقة ويفتح عيادة
ايه اللي حيجبره يروح لواحد يرازيه في اكل عيشه ! فاهمني ؟
انما الحاجات دي تنفع في المدن .. القاهرة اسكندرية كده يعني

[A7MED_PHARMA]

ربنا يجايزك خير يادكتور
القصة ومافيها...إن صعب دكتور غريب ينزل بلد ارياف مش بلده ويشتغل فيها
الا لو كان نازل تبع حد من البلد يعمله دعايا(زي الوضع بتاعي كده)أو تبع جمعية خيرية تعمله دعاية برضوو

البلد بتاعتنا فيها ميزة
انها قرية كبيرة..حواليها عزب صغيرة بتصب فيها
البلد كان فيها 5 أطباء باطنة وأطفال..و2 اسنان
فجأة
بقوا 2 بس باطنة وأطفال..و1 أسنان

وكل الــ 5 كانوا شغالين ....... الــ 4 الي سابو البلد سابوها لأسباب ان واحد سافر والتاني اتجوز بره واشتغل بره والتالت توفاه الله والرابع فتح في مدينة





طيب
انا دلوقتي في أول 5 ايام شغل
الرات اليومي كان 3 كشوفات في اليوم
3 كشوفات في أول ايام شغل....أنا شايف انها كويسة((ولا أنا غلطان؟؟ ))

انا متوقع مثلا ان الرات المعقول بــيكون 15-20 كشف

طيب
انا دلوقتي لو جبت طبيب إمتياز .. وقولتلت تعالى معايا 4 ساعات في اليوم..وشغلك اليومي قليل أو كتير هيكون ثابت على 50 ج
هل يوافق؟
انا بتكلم على طبيب جديد زيرووو .. خبرته تقريبا محدودة
يعني أنا هقعد أعرفه أ ب تعامل مع الناس.وهقعد أعرفه الاصناف كلها
وبدايلها
وإيه بيتكتب لإيه..وإمتى يكتب الجيل الاول من الانتي بايوتك..وإمتى يكتب الجيل التالت
كده يعني

مش فكرة غني هعدل عيه..فكرة إني بقالي 7 سنين شغال في المجال..وعندي خلفية طبية محترمة والحمد لله

يعني تصدق

انا ممكن أروح أنا العيادة أكشف فيها...ههههههههههههههههههههه
بس الناس عارفاني فمش هينفع هههههههههههههههههههههههههههههههههههه





فقولي؟
50 ج يومي لطبيب إمتياز ..مقبولة ليه ؟

ولو الرات وصل لــ 10 كشوفات مثلا يوميا..وده مقبول كبداية .. (الكشف بــ 11 ج)
ممكن ياخد نسبة وليكن 25 %
يعني كده يوصل لــ 75 ج يوميا في 3-4 ساعات شغل ؟


وهجيبله بت حلوة تخدم عليه..وعليا أنا كمان ههههههههههههههههه

[MASERATI]

السلام عليكم و رحمة الله و بركاته

ان شاء الله, ربنا ييسرلك الأحوال و يوفقك, ان بعد العسر يسرا و ان شاء الله, ماهتضيق الا لما تفرج من أوسع الأبواب.

سيبها على الله و حاول تشوف طبيب تانى يكون باطنة و أطفال أو نسا و لادة, لأن دول اللى أكيد هيشتغلوا أكتر حاجة ان شاء الله.