استفسار بخصوص المدارس الخاصة بالزقازيق

[yalahwy2010]

برجاء النصيحة
أنا عايز أدخل بنتى كى جى 1 ........وقدامى 3 إختيارات
مدرسة الفؤاد......ودى هتبقى ميزتها انى مش هشترك فى الباص لأنها قريبة من البيت
والشريف.......لازم أشترك فى الباص عشان بعيدة.....
والمدرسة الإنجليزية اللى على طريق منيا القمح....لازم الباص .....بس متهيألى غالية
السؤال هنا بقى.......ايه أفضلهم من حيث التعليم....والنظام....
والمصاريف .....(مع حساب الزيادة فى السنوات القادمة)......عشان انا مش ناوى أعودها على مدرسة ....وبعد كدة أطلعها منها قدام لأى سبب من الأسباب
فا مش عايز ألاقى المدرسة بتفاجئنى بمصاريف المرحلة الإبتدائية برقم خيالى
فا أضطر أطلعها منها
يا ريت حد يدلنى ويقوللى الأفضل.....ويا ريت يكون شرح وافى لأصحاب الخبرة
وألف شكر مقدما

[mastr_n]

بص ياسيدى ان عن نفسى بنتى فى الشريف انا شايف مصاريفها هادية شوية عن الفؤاد لان واحد صاحبى ابنة فى الفؤاد وبيشتكى من المصاريف بتاعتها عالية شوية لانهم عاملين بسين جوة المدرسة وحبة حركات كدة نيجى بقى للشريف الحمد للة ماندمتش مستوى التعليم فيها ممتاز وفية متابعة من المدرسين وبيعلموا الاطفال سلوكيات ايجابية كمان البنت الحمد للة بتاخد انجلش فى كى جى وان ودة اهم حاجة وبالنسبة للمصاريف بالباص توتال حوالى 4000 جنية وبيخدوهم على دفعات وبتزيد من 200 ل300 كل سنة مش متاكد صراحة
بالنسبة للانجلزية دية كاتيجورى تانى ومستوى اعلى والطالب لية لاب توب وبيعمل كل حاجة فى المدرسة يعنى من الاخر ولى الامر مالوش دعوة بحاجة حتى الهوم ورك فلو تقدر على مصاريفها اتوكل على اللة واى استفسار انا تحت امرك وربنا يهديك للصواب

[yalahwy2010]

بص ياسيدى ان عن نفسى بنتى فى الشريف انا شايف مصاريفها هادية شوية عن الفؤاد لان واحد صاحبى ابنة فى الفؤاد وبيشتكى من المصاريف بتاعتها عالية شوية لانهم عاملين بسين جوة المدرسة وحبة حركات كدة نيجى بقى للشريف الحمد لله ماندمتش مستوى التعليم فيها ممتاز وفية متابعة من المدرسين وبيعلموا الاطفال سلوكيات ايجابية كمان البنت الحمد لله بتاخد انجلش فى كى جى وان ودة اهم حاجة وبالنسبة للمصاريف بالباص توتال حوالى 4000 جنية وبيخدوهم على دفعات وبتزيد من 200 ل300 كل سنة مش متاكد صراحة
بالنسبة للانجلزية دية كاتيجورى تانى ومستوى اعلى والطالب لية لاب توب وبيعمل كل حاجة فى المدرسة يعنى من الاخر ولى الامر مالوش دعوة بحاجة حتى الهوم ورك فلو تقدر على مصاريفها اتوكل على الله واى استفسار انا تحت امرك وربنا يهديك للصواب

ألف شكر يا باشا على الرد
أنا كنت اتصلت بالشريف وقالولى ان كى جى وان انجليش ب 4900 ....والباص ب 1300
فا أنا مشكلتى دلوقتى انى محتار بين الشريف والفؤاد
عندى ميزة فى الفؤاد انها جنب البيت.....مش هحتاج للباص........الفكرة انى مش عايز أدفع فلوس بدون مقابل...........يعنى الفرق بين الفؤاد والشريف فى الفلوس لو قدامه ميزة يبقى أتوكل على الله فى الفؤاد.........لو مافيش ومجرد اسم وخلاص .....يبقى حرام الواحد يدفع فلوس فى حاجة من غير مقابل
فا لو حد ينصحنى ويشرحلى الفرق بين الفؤاد والشريف يبقى كتر خيركم
وألف شكر ليك يا ماستر

[yalahwy2010]

هزود حاجة تانية .معلش
الفؤاد كى جى وان ب 6475.......والباص ب 2000 جنيه
واليونيفورم ب 900 جنيه
ومعرفش يونيفورم الشريف بكام
ومستنى الردود

[kar!m]

أمال على كده المدرسه الانجليزية بكام؟

تقريبا المدرسة الانجليزية دى بتاعة الشيخ اللى هو صاحب a2z هايبر ماركت .. مش كده ولا ايه؟

[yalahwy2010]

أمال على كده المدرسه الانجليزية بكام؟

تقريبا المدرسة الانجليزية دى بتاعة الشيخ اللى هو صاحب a2z هايبر ماركت .. مش كده ولا ايه؟

أنا خايف أسأل والله
أنا سمعت انها ب 9000 لحلوح
ربنا يسترها علينا

[michohat]

قولي لي كمان وكمان انا متابع معاكم بنتني عمرها لسه 8 شهور وشكلي كده هبتدي احوش مش دلوقت
هيا الكي جي ون دي من عمر كام؟؟
حد يعرف استاذ جوده لسه بيمسك مدارس ولا طلع معاش (لو حد مش عارفه ده اشهر مدير إدارة جه فى الزقازيق ولما ساب الإدارة راح للمدارس كنت عاصرت ايامه ايام ما كان مدير لمدارس الشبان المسلمين كان بيخلي المدرسة تمشي علي الشعرة)

[yalahwy2010]

قولي لي كمان وكمان انا متابع معاكم بنتني عمرها لسه 8 شهور وشكلي كده هبتدي احوش مش دلوقت
هيا الكي جي ون دي من عمر كام؟؟
حد يعرف استاذ جوده لسه بيمسك مدارس ولا طلع معاش (لو حد مش عارفه ده اشهر مدير إدارة جه فى الزقازيق ولما ساب الإدارة راح للمدارس كنت عاصرت ايامه ايام ما كان مدير لمدارس الشبان المسلمين كان بيخلي المدرسة تمشي علي الشعرة)

أنا فاكر الأستاذ جودة وحضرت سنتين معاه
كانت أيام زمان..........الله يمسيه بالخير
أنا مستنى باقى ردود خبراء المدارس فى الزقازيق.........بس شكلها كدة هترسى على الفؤاد ان شاء الله

[mazagngi2010]

الانجليزي فعلا بتاعت الشيخ ده
وعلى ايه ده كله ياجدعان ال6 الف دول علمونا لحد الثانويه بالدروس بكله

[yalahwy2010]

الانجليزي فعلا بتاعت الشيخ ده
وعلى ايه ده كله ياجدعان ال6 الف دول علمونا لحد الثانويه بالدروس بكله

هنعمل ايه طيب.........زمن غير الزمن
ربنا ينتقم من النظام البائس.......هو اللى سوء التعليم ووصله للمرحلة دى

[mazagngi2010]

انا شايف ان التعليم كله فى البيت
بنت اختى فى مدرسه خاصه وامها طالع عينها معاها فى حل الواجب

[ahmedkhairy]

أفضل مدرسة فى الزقازيق كلها فى المصرية الإنجليزية بصراحة بل ومستواها يوازى مدارس قوية جدا فى القاهرة
مصروفاتها كى جى تو 11000 تقريبا شاملة الباص وكل حاجة

[sameh 81]

ممكن حد يفيدنا عن مدرسة نور زكي و عن مصاريفها و مستواها