رعد و برق؟؟

[sokasoon]

انا عندى منذ ساعة ونصف بدأ الرعد والبرق يشتغل لفترة فى نفس الوقت

انقطعت الاشارات فى اجهزة الريسيفرات بسبب الرعد والبرق

وبعدين قلب بمطر شديد جداااا وعادات اشارات الرسيفرات مرة اخرى

وبعد ربع ساعة مطر شديد توقفت الامطار وبعدين الجو بقا هوا جــــامد

جدااا ودلوقتى ابتدت تمطر تانى

[Ramy_Tantawi]

مش عارف انا باحس بالعكس ليه..
باحس ان دايما المطر بينضف و يهدي و يكسر حر الجو..
هتلاقفي الحو بعديه حلو جدا..
و المطر من اوقات استجابة الدعاء..
يبقي خير ان شاء الله.

طبعاً المطر خير وزي ما حضرتك تفضلت وقلت انا لم اقصد ابداً الاساءه للمطر ونعم الله علينا معاذ الله لكن كنت باتكلم عن احساسي بنوع من الاضطراب لما بيحصل كده مش عارف ليه .

جزاك الله خير على التوضيح أخي احمد وشكراً

[Dr Ahmed]

صرح مسئول بوزارة الأرصاد أن مصر اقتربت من خط الإستواء والأمطار أصبحت صيفا وشتاء ونشرت جريدة المصرى اليوم أن الحكومة تخطط للإستفادة من هذه الظواهر الجوية الجديدة بفرض ضريبة "معونة الصيف" طبعا بالإضافة لمعونة الشتاء

[NaderNabil]

صرح مسئول بوزارة الأرصاد أن مصر اقتربت من خط الإستواء والأمطار أصبحت صيفا وشتاء ونشرت جريدة المصرى اليوم أن الحكومة تخطط للإستفادة من هذه الظواهر الجوية الجديدة بفرض ضريبة "معونة الصيف" طبعا بالإضافة لمعونة الشتاء

[elpasha009]

مراسلكم من طريق القاهرة إسكندرية الزراعي:
أنا لسه واصل القاهرة حالا جاي من طنطا والجو على الطريق بشع جدا.فيه 3 حوادث منهم إتوبيس.مفيش أي عواميد نور شغالة على طول الطريق.الرياح شديدة جداااااااااااااااااااااااا لدرجة إن مفيش أي عربية صمدت أمام الرياح ده والعربيات بجميع أنواعها بتتمرجح على الطريق.الظاهرة الغريبة فعلا إن كل العربيات الصغيرة زي 128 أو 127 واقفين على جنب بسبب الرياح.المطر شوية خفيف وشوية جامد جدا وشوية متوسط.

[دموع الثلج]

انا كنت فى شارع فيصل وكنت مشغله المساحات من قوه الامطار
مطر غريب بينزل مش نقطه خفيفه لا يمكن وزن عشر نقط وبغزاره مع برق ورعد لكن ربنا سترها الحمد لله

وكله خير من عند الله

[theking2690]

خلاص يا علا اكتشفت ان كان فيه مطر و رعد و برق بس انا اللى مكنتش حاسس

[OlaOsman]

صرح مسئول بوزارة الأرصاد أن مصر اقتربت من خط الإستواء والأمطار أصبحت صيفا وشتاء ونشرت جريدة المصرى اليوم أن الحكومة تخطط للإستفادة من هذه الظواهر الجوية الجديدة بفرض ضريبة "معونة الصيف" طبعا بالإضافة لمعونة الشتاء

انت بتقول فيييييييييها؟ يعملوها :)

[aliabutaleb]

ولا حسيت بأي حاجة
شكلها كدة معملتهاش عندنا
بس قريت ده على مصراوي

سقوط الأمطار المصاحبة بظاهرتى البرق والرعد على بعض مناطق القاهرة 6/8/2008 10:56:00 PM


القاهرة-محرر مصراوي- تعرضت بعض مناطق القاهرة مساء الاحد إلى حالة من عدم الاستقرار فى الأحوال الجوية مما أدى إلى سقوط الأمطار المصاحبة بظاهرتى البرق والرعد.
وقال مجدى أحمد عباس رئيس هيئة الأرصاد الجوية إن تلك الظاهرة هى ظاهرة طارئة واستثنائية فى مثل هذا الوقت من العام ، وتحدث نتيجة لارتفاع درجة حرارة سطح الأرض ، حيث سجلت القاهرة يوم الاحد 41 درجة مئوية وحدث انخفاض مفاجىء فى درجات حرارة طبقات الجو العليا مما أدى إلى حالة من عدم الاستقرار وسقوط الأمطار الرعدية.
وأشار رئيس هيئة الأرصاد الجوية إلى أن تلك الظاهرة لا تستغرق إلا فترة قليلة جدا لا تتعدى الساعة .. ومن المتوقع حدوث تحسن فى درجات الحرارة خلال الأيام القادمة ، حيث ستصل درجات الحرارة على القاهرة الإثنين إلى 36 درجة بانخفاض خمس درجات عن اليوم وعلى السواحل الشمالية إلى 29 درجة مئوية.
المصدر: وكالة انباء الشرق الاوسط