البحث عن نصيحه بخصوص كورس معتمد hr

[TIMODAX]

السلام عليكم
أخوكم 30 سنه خريج ألسن ألماني و أجيد الانجليزيه كمان
باشتغل في السياحه اداري operator و مسئول عن فريق مكون من 70 شخص أو أكتر
مشاكلهم و توزيع العمل عليهم و كتير كتير
مشاكل الشغل مابتخلصش لأن الانسان مابتملاش عينه الا التراب و الصناعه كلها مش مستقره
بأفكر أغير الشغل و أخد دبلومه HR , و أشتغل في المجال ده في الخليج
عندي كذا استفسار
أولا هل المجال ده مقتصر علي خريجي التجاره !!!
ثانيا ايه الفرق بين مراكز التدريب : أصل لقيت فرق شاسع بين مثلا الجامعه الامريكيه بكذا 1000 جنيه و مراكز تدريب ب 1200 و عاملين عرض ب 400 و كذا عرض بيخلط بين التنميه البشريه و الموارد البشريه
ثالثا هل فعلا المجال مطلوب في الخليج
رابعا هل الشهادات كلها معتمده و ليها لازمه
وأخيرا هل عندكم اقتراحات لمراكز محترمه مش غاليه أوي للدبلومه دي
مع الشكر
و التحيه
والله المستعان

[bHa2]

متابع :)

[Amr_tika88]

متابع

[TIMODAX]

:-) شكرا علي متابعتكم

[me_medoo]

:-) شكرا علي متابعتكم

هههههههههههه وانا كمان متابع اشكرني انا بقه كمان للمتابعه
هو عفواًياباشا انتا تقصد ايه بال hr

[TIMODAX]

دبلومه الموارد البشريه :-)

[msa142]

انا باخد الدورة دى فى المعهد البريطانى لو عايز اى معلومات انا ممكن اساعدك غير ان المعاهد معتمدة والكلام دا عشان المعهد البريطانى معروف انه مضروب بس هوا ارخصهم :d وتقريبا من الى فهمته ان hr مطلوب داخل مصر اكتر .

[Ahmed_Elkhateb]

ياباشا يعنى احنا زمايل انا شغال فى شركة سياحة بردو وتقريبا فى نفس اللى انت فيه انا مدير فرع بص انا انصحك بحاجه افضل وهيا السياحة الألكترونية اعتقد فى مجالك وتخصصك وكمان معاك لغتين وعندك الخبرة انت عاوز ايه تانى hr ايه السياحة الألكترونيه هيا المستقبل اللى جاى ولو عاوز اى استفسرات احنا زمايل وياريت تقولى انت شركة ايه

[TIMODAX]

انا باخد الدورة دى فى المعهد البريطانى لو عايز اى معلومات انا ممكن اساعدك غير ان المعاهد معتمدة والكلام دا عشان المعهد البريطانى معروف انه مضروب بس هوا ارخصهم :d وتقريبا من الى فهمته ان hr مطلوب داخل مصر اكتر .

شكرا علي الرد ممكن أعرف بكام الكورس و كام ساعه و لو معاك لينك للمعهد أو أرقام تليفون يا ريت
:-)

[TIMODAX]

ياباشا يعنى احنا زمايل انا شغال فى شركة سياحة بردو وتقريبا فى نفس اللى انت فيه انا مدير فرع بص انا انصحك بحاجه افضل وهيا السياحة الألكترونية اعتقد فى مجالك وتخصصك وكمان معاك لغتين وعندك الخبرة انت عاوز ايه تانى hr ايه السياحة الألكترونيه هيا المستقبل اللى جاى ولو عاوز اى استفسرات احنا زمايل وياريت تقولى انت شركة ايه

هأبعتلك عالخاص ان شاء الله و ألف شكر علي الافاده

[Mshawky]

auc فى كورسات الموارد البشريه والماركتنج والسيلز اقوى مكان فى مصر

[micromoud]

انا شايف ياباشا انك تخليك فى مجالك لو ربنا كرمك واشتغلت فى مجال الاتش ار جوا شركتك خد الكورس ان شالله تحت بير السلم ونمى نفسك غير كده متضيعش وقتك وفلوسك فى كورس "مرطرط" والمنافسة فيه كبيرة ودول الخليج غالبا احتياجاتهم لمديرين عندهم خبرة من 4 الى 6 سنين فى المجال ده ....

[beshomilan]

بص هو افضل مكان لكورس ال hr الجامعة الامريكيه وده تمنه اعتقد 15000 جنيه
الارقام اللى بتسمعها دى 400 جنيه والحاجات دى دى كورسات عامه فى hr تقدر تقول hr worjkshop مش hr بكل فروعه
فيه مركز يات بيدى ماستر فى ال hr كان تمنه اخر حاجة 1500 وليه امتحان بتمتحنه نهائى وتجيلك شهاده من جامعة اجنبيه
بص مشكله ال hr ان اى مكان بره مصر لازم ياخدك بخبره من 3 ل 5 سنين ولو جوه مصر من سنه لسنتين فا دى المشكله
ومرتبات ال hr بتبتدى من 1500 وانت طالع لفووووووووووق اوى
وكمان بتشتغل مستشار hr وبتعمل دراسات للشركات والمصانع والحاجات دى وده مع كورس الجامعة الامريكيه فقط الشركات ممكن تقبلك وتنميك وتكبر معاه وتاخد من 2000 لفوق
بس انا لو مكانك وشغال فى السياحة هشتغل فى حجز تذاكر الطيران ده تحفة ومرتبه ممتاااااااااز جدا واكيد انت عارف