اختراع مصري اسمه "الشاااااااااي"

[khaloooda]

خلااااااااااااص
تعبت
وربنا احنا يا مصريين ما لينا حل
مش ممكن
الصنايعية عندنا لهم قانونهم الخاص
اي صنايعي او عامل في اي محل بيصبحبك خاجة او بيبيع لك حاجة
بعد ما ياخد حقه واتعابة تاااااااالت ومتلت
تلاقيه يبص لك بقرف شديد ويقولك "ايه يا بيه .. فين الشاي"
بيت ام الشاي عالقهوة يا شيخ
يا سيدي ما انت واخد حسابك والمعلم بتاع واخد حسابه وفوقه تبس كمان
يقولك " لاااااااااااااا يا بيه .. دي حاجة ودي حاجة ... انا الشاي بتاعي ملوش دعوة بالناس دي "
========
بيتكلم معاك عن حق مكتسب
مش عن حاجة المفروض انك تديهاله من عندك تقديرا منك
تديهاله ولا لأ وتديله كام .. دي بتاعتك انت

هل في كده في اي بلد في العالم
انا معنديش مانع انك تقولي من الاول ان اجرتك زايدة 20 - 50 او حتي 100 جنيه
براحتك .. لو مش عاجبني خلاص هقولك متشكرين
لكن بعد ما احاسبك تيجي تقولي شاي

يا مؤمن ده بشطب شقة .. دافع شاي يشتري فدان شاي بحاله
ومش عاجب
تلاقي الصنايعي بيبص لك بقرف انك بتفاصله في الشاي
ده انت زبون ايحه اوي
تفاصل في الشاي .. تخيل بيفاصل في الشاي

[Screenplays]

ههههههههههههه روق يا باشا

اللهي يجيلهم تسمم من كتر الشاي اللي بيلبعوه ههههههههههههههه

معلش هو ده العادي من صنايعيه مصر

[M.belal]

ده ف القهوة كمان يا ريس اول لما سمعتها مكنتش فاهم
انت اساسا ممكن تلاقى نفسك دافع شاى وقهوة تقريبا اد المصنعيه حاجة زى الفل يعنى

[grand hand]

اللى يقولك فين الشاى قوله استنى اروح اعملك براد واجى
ناس غريبة واحنا مجتمع اتعود على كدة