تختارو نوكيا c7 ولا نوكيا n8

[heshamzaky]

النوكيا ان 8 التاتش من نوع capacitive يعني التاتش مش بيشتغل غير عن طريق صوابع حضرتك مباشرة ( جلد الانسان) و اعتقد مش هايشتغل في جيب حضرتك الا لو كان الجيب مقطوع و ده زي الايفون و الاجهزة المتطورة و ممكن حضرتك تجرب بضهر قلم مثلا جرب تشتغل علي التاتش مش هايشتغل .
تاني نوع sensitive و ده اي حاجة بتلمس الشاشة التاتش بيستجيب ده ممكن و هو في جيبك يرد من غير ما يكون الجيب مش موجود و الميزة في ان 8 في جي بي اس مجانا و ده برنامج تحديد المواقع

+++++++++1111111111111
و على فكرة فية قلم ممكن تكتب بية على الشاشة بيتباع فى راديو شاك بس ب 140 جنية كتير قوى طبعا

[zezozezozezo]

والله فعلا والواحد مش عارف يقولوكو اية بجد متشكر ليكم ان شاء الله كدة هشترى n8 بأذن الله بس انا هجيبو ضمان دولى شغال ولا اية

[zezozezozezo]

سؤال كمان معلش دلوقتى كنت مع واحد صاحبى يعرف معلومات كتير عن n8 وبصراحة شكرلى فيها قوى قالى هى مشكلتها بس ان البطارية علشان تتشال لازم تفك المسامير الكلام دة صح ولو صح طيب ماكدة هيبقى فى مشكلة لو مثلا هنج ممكن ادوس على الباور شوية هيفصل بس فى تهنيج لازم البطارية تتشال صح كدة ولا اية ارجو الرد سريعا

[LegendJo]

بـص اقولك رأي انا مش برتاح لنوكيا خـالص " ببساطه نظام تشغيل نوكيا مات من زمان " الله يرحمه ,, اذكروا محاسن موتاكم

وانا بفضل جدا جدا جدا تشتري حاجه Android .. احسن من نظام نوكيا الف مره , وفيه كل حاجه انت عايزها طبعاً
وميزته انه مفتوح المصدر

فالرانج ده عندك سوني اكسبريا نيو في بـ 1950

[zezozezozezo]

بس السونى اريكسون بصراحة مش بحب الاوبشن بتاعها خالص

[zezozezozezo]

ودخالت على جوجل وشوفت عيوب n8بصراحة كتير جدا ومن ضمنها فعلا موضوع البطارية دة ولو العدة فعلا حملت عاليها حاجات كتير ساعات بتهنج وتستنى بقى لما تفصل شحن وعليك خير يعنى يوم اتنين انت وحظك وطبعا انا شغلى كلة بالتليفون فا السى 7 لو حصل هتشيل البطارية ةتحطها تانى وخلص الموضوع وعلى فكرة عيوب السى 7 مش كتير والفرق بس هو الكاميرة مساحة الذاكرة بتاعت العدة الكلام دة اية رأيكو فية

[LegendJo]

ايه الاوبشنز اللي مش بتحبها فالسوني ؟؟؟ الاندرويد اللي عليه نفس اللي على اتش تي سي وسامسونج مع اختلافات بسيطه جداً

[zezozezozezo]

يعنى انا اسمع ان مش سهل زى النو كيا فى التعامل مع التليفون

[LegendJo]

النوكيا اسهل لكن مش بحب النظام بتاعهم بصراحه :) ,, بس طالما انت مرتاح معاه تمام :)

انا اسمع ان السي 7 حلووو بس مجربتش الـان 8

[zezozezozezo]

ماهوشكلى كدة هجيب السى 7

[AhMeD EzZ]

الكلام دة كان علي سوفتات الحاجات القديمة

انما السوني دلوقتي Android و دة اسهل ما يمكن

اصل حرام بجد تحط مبلغ زي دة في سوفت زي السيمبيان مات من زمان قوي قوي

[LegendJo]

@ Ahmed Ezz

انا رأي من رأيك طبعاً

دانا هنزل الاندرويد على الـ dell inspiron

[فتح الباب]

انا قرأت الموضوع كله بجميع مشاركاته وانا كنت مكان حضرتك السنه اللى فاتت فى الحيره دى لكن هقولك الخلاصه لما نقول ال8 كاميرا 12 امام ال7 كاميرا 8 ميجا دى لصالح الn 8 انما البصاريه المبرشمه عيب علشان لما اغير بطاريه يبقى التليفن مفتح وبكده تم فقدان قيمته الجوهريه انما الc 7 فيه ارسال fm ودى ميزه جميله انما صدقنى هات ال c7 لان الn8 مميزاته فقط الكاميرا انما نفس البرامج وكل حاجه وعوضا عن الذاكره انا حاطط كارت ميمورى 16 جيجا بالاضافه الى ذاكرته الداخليه 8 جيجا ومش عارف املى الكرت هحط فيه ايه وبطاريته روعه يومين كاملين مكالمات كتير 3 ايام استعمال عادى من عشره الى خمسة عشر مكالمه مثلا الجهاز له سنه معايا مفيش مشاكل منه خالص والتحديث الجديد بتاعه روعه فيه عدد 6 شاشات قابله للتخصيص كل واحده على حده وربنا يوفقك للصح . تحياتى

[mshmshm3]

فكر في السوني اريكسون فعلا نظام الاندرويد جميل جدا

[TARAXAN]

اذا كان مش فارق معاك النظام لية بتدفع الافات في موبايل
يا اما تشتري موبايل فيه نظام عدل وتلاقيلة البرامج اللي عايزها زي الايفون او الاندرويد او الويندوز فون يا اما توفر فلوسك!!
ممكن اسالك انت عايز اية في الموبايل بتاعك شوف الneeds بتاعتك الاول