ادعولى :(

[KHALED AYMAN]

السلام عليكم
طبعا انا بحمد ربنا انى اصلا صاحى من النوم
وانى شايف ادامى
وانى قدرت افتح المنتدى و اكتب موضوع !
لانى من يوم الاربعاء لى فات نايم 24 ساعه
الموضوع انى بقالى اسبوعين عندى "اعراض" برد
خدت بنادول بتاع البرد كنت بوصل ل 8 اقراص فى اليوم (دى اقصى جرعه)
طول مفعول الدواء مش بحس بحاجه
مجرد ما مفعوله يروح ابدا احس بوجع فى الجسم و صداع و زغلله
+ كمان انى كنت مش بقعد فى البيت ..كنت مسافر على طول ورايح جاى
لحد ما جيت يوم الاربع
نزلت الصبح رايح الشغل
وصلت الشغل و لقيت الدنيا بتلف بيا و مش شايف ادامى
مكنش فى حد ساعتها يودينى البيت نزلت انا خدت العربيه و مشيت وصلت البيت بأعجوبه لانى فعلا ماشى مش شايف
و نووووووم
صحونى ودونى لدكتور كشف عليا قال "تيفود" و طبعا طلب تحليل .وللاسف عملت التحليل فى المختبر و قالى هيطلع يوم الاحد
من يوم الاربع شغال مسكنات و نايم على طول
اوقات بصحى بس مش بقدر افتح عينى
وكمان لما بحب اتحرك فى السرير لازم حد يحركنى و طبعا مفيش اكل و كانو معلقين محاليل
الحمد لله المختبر طلعوا التحليل امبارح
وفعلا طلع تيفود و بدات اخد الدوا و حسيت بتحسن (حتى فتحت نت)
طبعا السبب الاكل من برا ..طول عمرى باكل من اماكن مقرفه بس من سنه و شويه جالى تيفود بردو بقيت اكل من اماكن نضيفه ...بس بردو مفيش فايده جالى تانى
الحمد لله على كل شىء
مفروض اقعد فى السرير 10 ايام و اصلا معتقدش هقدر اقوم منه قبل 10 ايام
ادعولى بقى

[الغزالى]

الف سلامه يا خوخه ... انت طلعت فرفور اوى ...

[WalidAdel]

ربنا يشفيك ياباشا و ان شاء الله تقوم بالسلامه

[KHALED AYMAN]

الف سلامه يا خوخه ... انت طلعت فرفور اوى ...

الله يسلمك يا غزالي ان شاء الله تجرب و وريني رجولتك :)

ربنا يشفيك ياباشا و ان شاء الله تقوم بالسلامه

الله يسلمك يا باشا

[mr_vampire]

الف سلامة ياباشا وان شاء الله تقوم بالسلامة وترجع تاكل من برا تاني قصدي تالت. اصل الرمرمة من الشارع ده زي الادمان بالظبط وعلاجه الجواز عشان تلاقي حد مستنيك تاكل معاه فالبيت ويفتح نفسك.

[KHALED AYMAN]

الف سلامة ياباشا وان شاء الله تقوم بالسلامة وترجع تاكل من برا تاني قصدي تالت. اصل الرمرمة من الشارع ده زي الادمان بالظبط وعلاجه الجواز عشان تلاقي حد مستنيك تاكل معاه فالبيت ويفتح نفسك.

الله يسلمك يا باشا و اعتقد التيفود تالت و رابع و عاشر هيبقى افضل من الجواز
ومستعد اكل من الزباله كمان ههههههه
انا السبب فى الاكل برا انى مسافر على طول
فبصراحه مش لاقى حل غير انى اجوع نفسى طول النهار !

[alfath8]

1000 سلامة عليك خالد باشا وان شاء الله تقوم منها على خير
وقول الحمدلله ده تخفيف من الخطايا فى الدنيا
ربنا يعافيك ان شاء الله

[ahmed_mido1889]

الف سلامه ياخالد

[rompo10]

الف مليون سلامه ياباشا ومعلش كله بيحصله كدا وكله بياكل من برا

[cameeron]

سلامات و ربنا يشفيك

[gebreel]

الف سلامة عليك يا خالد

شفاك الله و عافاك و مستنييك في القاهرة عند اي حد من الناس بتوع شنوري =)))

[ramyhekal]

اسال الله العظيم رب العرش الكريم ان يشفيك
اسال الله العظيم رب العرش الكريم ان يشفيك
اسال الله العظيم رب العرش الكريم ان يشفيك
اسال الله العظيم رب العرش الكريم ان يشفيك
اسال الله العظيم رب العرش الكريم ان يشفيك
اسال الله العظيم رب العرش الكريم ان يشفيك
اسال الله العظيم رب العرش الكريم ان يشفيك

[kar!m]

الف سلامه عليك يا خالد .. شفاك الله و عفاك.

[dramir1]

الف سلامه عليك ياباشا وعلى كده ماشي على علاج ايه دلوقتي؟

[abogogo]

عن أبي هريرة رضي الله عنه: عن النبي صلى الله عليه وسلم قال ( ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه )
ربنا يشفيك ويعفو عنك ... طهورا بإذن الله