بتعرف تستفيد من عروض الهايبر ماركت ولا بيتضحك عليك

[Karim_Monir]

السلام عليكم يا شعب
لاحظت ان في ناس بتدخل الهايبر ماركتس وعلى سبيل المثال كارفور
وتشتري اي عروض محطوطة وفاكرة ان دي اسعارها جنان وحلوة وتستاهل
وخاصة بقي لو عليها هدية
وعشان انا مابحبش يتضحك عليا وبحب افهم ايه يساوي ايه في العرض وبكام ودخ بياخد مني شوية وقت في الماركت
الاسعار المضروب بيها الامثلة تقريبية
مثلا لقيت عرض من مناديل فاين باكيدج 3 علب 550 ب 21 جنيه تقريبا
وعليهم سكينة مائدة هدية يعني ولا ليها لازمة
لو خطفت رجلك لغاية الرف هاتلاقي علبة المناديل لوحدها ب 6.5
يعني اجمالي التلاتة 19.5 واخد منك حق السكينة
وخلاك تشتري 3 علب مع بعض
في حين انك ممكن ماتكونش بتستعمل فاين وبتستعمل زينه واشتريت عشان العرض
ده كدة عرض مضروب ومالوش لازمة
كمان في شركات كتير لما بتعمل عروض بتخفض الوزن او الكمية
تلقي زجاجة اللبن في العرض 900 مللي مش ليتر
مثلا كان في عرض في كارفور باكدج عصير جهينة 4 علب الواحدة ليتر ب 20 جنيه
في حين ان سعرها الطبيعي 5.5 مش 6.5 لانك لما تروح هاتلقي العرض على جوافة وتفاح بس مافيش كوكتيل ولا مانجو لا شيري وبينا كولادا
وكمان مهم جدا جدا تاخد بالك من تاريخ الصلاحية لن في عروض كتير بتتعمل خاصة على المنتجات المستوردة لما يكون تاريخها قرب
واوعي تشتري لو شكل العبوة مبهدل بتكون اتبهدلت في التخزين
ويا ريت ناخد بالنا من تاريخ صاحية المواد الغازية والبيبسي في ناس كتير مش بتبص وتقولك هو البيبسي ليه تاريخ صلاحية
انا اشتريت مرة كان بيبسي من كشك وفتح وبشرب حسيت طعمة مش طبيعي بصيت تحت لقيته منتهي
طبعا مش هارجعلة اقوله ده منتهي هايقولي هاتها مقفولة فيا ريت ناخد بالنا
مثلا كان في عرض على عبوات رز الكيلو ب 4 جنيه مع ان سعر اقل عبوة 5 كيلو نضيفة ب 25 جنيه
ده اكيد عرض كويس وبنظرة على سعر البوات على الرف تعرف ان سعرها كان 6.5 وفي العرض ب 4
عشان كدة يا ريت ناخد بالنا من شوية النقط دي واحنا بنشتري العروض

كميه او وزن - تاريخ صلاحية - هدية خايبة- سعر المنتج من غير العرض

[maka]

العروض فى مصر تعنى غش الزبون او بيع منتج غير مطابق للمنتج الاصلى , و طالما كده كده هشترى بشترى من غير عرض افضل

[mahmoud_afifi]

بصراحه معلومه اول مره اعرفها !
عمري مافكرت انهم ممكن يعملوا العروض دي عشان يخدعوا الناس ولذلك كارفور شغال عروض على طول.

جزاك الله خير

[farselkon]

عروضهم كلها نصب * نصب
طبيعى إنه مش هيدفع ثمن المنتج إللى أنا بشتريه من جيبه
طيب ممكن ييجى واحد يقول هو بيشرى كمية ويبعها بسعرها ويستفيد بالعمولة إللى بتيديهالوا الشركة بس فى الحالة دى الشركة بتستفيد أكتر من مثلا بضاعة مركونة ومخززنة ومعليهاش إقبال وطلب فى السوق تاريخ صلاحية قرب يخلص
غنتهاء أى مادة فعاله بالمنتج وغيره كثيييييييييييييييييييييييير

[hossam_elwani]

السلام عليكم يا شعب
لاحظت ان في ناس بتدخل الهايبر ماركتس وعلى سبيل المثال كارفور
وتشتري اي عروض محطوطة وفاكرة ان دي اسعارها جنان وحلوة وتستاهل
وخاصة بقي لو عليها هدية
وعشان انا مابحبش يتضحك عليا وبحب افهم ايه يساوي ايه في العرض وبكام ودخ بياخد مني شوية وقت في الماركت
الاسعار المضروب بيها الامثلة تقريبية
مثلا لقيت عرض من مناديل فاين باكيدج 3 علب 550 ب 21 جنيه تقريبا
وعليهم سكينة مائدة هدية يعني ولا ليها لازمة
لو خطفت رجلك لغاية الرف هاتلاقي علبة المناديل لوحدها ب 6.5
يعني اجمالي التلاتة 19.5 واخد منك حق السكينة
وخلاك تشتري 3 علب مع بعض
في حين انك ممكن ماتكونش بتستعمل فاين وبتستعمل زينه واشتريت عشان العرض
ده كدة عرض مضروب ومالوش لازمة
كمان في شركات كتير لما بتعمل عروض بتخفض الوزن او الكمية
تلقي زجاجة اللبن في العرض 900 مللي مش ليتر
مثلا كان في عرض في كارفور باكدج عصير جهينة 4 علب الواحدة ليتر ب 20 جنيه
في حين ان سعرها الطبيعي 5.5 مش 6.5 لانك لما تروح هاتلقي العرض على جوافة وتفاح بس مافيش كوكتيل ولا مانجو لا شيري وبينا كولادا
وكمان مهم جدا جدا تاخد بالك من تاريخ الصلاحية لن في عروض كتير بتتعمل خاصة على المنتجات المستوردة لما يكون تاريخها قرب
واوعي تشتري لو شكل العبوة مبهدل بتكون اتبهدلت في التخزين
ويا ريت ناخد بالنا من تاريخ صاحية المواد الغازية والبيبسي في ناس كتير مش بتبص وتقولك هو البيبسي ليه تاريخ صلاحية
انا اشتريت مرة كان بيبسي من كشك وفتح وبشرب حسيت طعمة مش طبيعي بصيت تحت لقيته منتهي
طبعا مش هارجعلة اقوله ده منتهي هايقولي هاتها مقفولة فيا ريت ناخد بالنا
مثلا كان في عرض على عبوات رز الكيلو ب 4 جنيه مع ان سعر اقل عبوة 5 كيلو نضيفة ب 25 جنيه
ده اكيد عرض كويس وبنظرة على سعر البوات على الرف تعرف ان سعرها كان 6.5 وفي العرض ب 4
عشان كدة يا ريت ناخد بالنا من شوية النقط دي واحنا بنشتري العروض

كميه او وزن - تاريخ صلاحية - هدية خايبة- سعر المنتج من غير العرض

كلامك سليم لكن فعلا فيه عروض حلوه تستحق

[elpasha1]

فى عروض بتبقى كويسة جدا بردة يعنى مش كل العروض غش

[Karim_Monir]

فعلا في عروض بتبقي حلوة مانا بقول في عروض زي بتاعت الرز اللي من 6.5 الى 4
لكن تنبيهي للعروض المضروبه او العروض اللي بتكون سياسة ترويجية مافيهاش استفادة
ويا ريت يكون العرض مكتوب سعر القطعة قبل الخصم كتم عشان تعرف نسبة التوفير تستاهل ولا لاء

[engtmk]

أنا بقسم الموضوع يعني مراتي هي اللي بتدور علي السعر الاصلي وبتبقي عارفه معروض في حته تانيه بسعر ارخص ولا لأ.

وأنا بقه بتاع الصلاحيه وشكل العلبه

لكن عايز الحق عروض كارفور علي الاجهزه لاتعوووووووض اما الاكل والشرب فنادرا ما بنلاقي حاجه مفيده

فظبط نفسك علي العيد السنوي بتاعهم بيبقي فيه عروض جامده علي الاجهزه بالذات

[Mostafa.Ismail]

مصر مفيهاش عروض خالص ودى حقيقة ... انا بريح دماغى وعمرى مابهتم بالحاجات دى.

[me_medoo]

لا هو من حيث عروضمفيش عروض حقيقية كلها اونطه باونطة ،. لكن الحمدالله ربنا رزقني باصحاب في ادارة كارفور وهيبر وراية وراديو شاك وموبايل شوب
ونتقابل يقعدو يكلموني عن مثلاً الشركة عندهم لابسين بضاعه وعوزين. يتخلصو منها من مخازنهم
او مثلاً كارفور بيحرق سعر سلعة معينة ويبعها بسعر الشرى مع خصم الكمية. فيبقى سعروا اقل من الوكيل علشان يفضي مخزنو ويمشي السلعة وبالذات بتبقى في الاجهزة الكهربائية الي بيبقى سعرها ارخص من عبدالعزيز
وانا اقعد يا معلم اشربلي حجرين الشيشة معاهم يا معلم وتاني يوم اروح اشتري ههههههههه وفعلاً باخود حجات لقط وبارخص الاسعار واحياناً كتير يبقى العرض للموظفين فقط. بيبقى عرض يوم واحد فقط ويبقى خصم على السلعه يجي ٥٠٠ جنية حته وحده عن سعر السوق

[NineVision]

لا هو من حيث عروضمفيش عروض حقيقية كلها اونطه باونطة ،. لكن الحمدالله ربنا رزقني باصحاب في ادارة كارفور وهيبر وراية وراديو شاك وموبايل شوب
ونتقابل يقعدو يكلموني عن مثلاً الشركة عندهم لابسين بضاعه وعوزين. يتخلصو منها من مخازنهم
او مثلاً كارفور بيحرق سعر سلعة معينة ويبعها بسعر الشرى مع خصم الكمية. فيبقى سعروا اقل من الوكيل علشان يفضي مخزنو ويمشي السلعة وبالذات بتبقى في الاجهزة الكهربائية الي بيبقى سعرها ارخص من عبدالعزيز
وانا اقعد يا معلم اشربلي حجرين الشيشة معاهم يا معلم وتاني يوم اروح اشتري ههههههههه وفعلاً باخود حجات لقط وبارخص الاسعار واحياناً كتير يبقى العرض للموظفين فقط. بيبقى عرض يوم واحد فقط ويبقى خصم على السلعه يجي ٥٠٠ جنية حته وحده عن سعر السوق

متفق معاك تماما

[dr.hazem]

والله الحمد لله ياكريم باخد بالي من الكلام ده
وعموما الماركتات زي شركات المحمول
بيعرف ازاي يبيعك وانت مبصوط وهو اصلا ممكن يكون بيضحك عليك
هههههههههههههههه

عموما عروض كتير تلاقيها هي هي لو اخدت واحده بالظبط
واحيانا بيبقى الحجم العائلي (على غير المتوقع ) اغلى من الفرداني


احب انبه على موضوع تاريخ الانتاج ده جدا جدا جدا بالذات من المحلات الصغننه وماركتات الغير مشهوره

وواجهتها من كام يوم في ماركت جنب البيت ولقيته عامل عرض على عصير وببص عالتاريخ لقيته منتهي وقلتله انت بتبيع حاجه تاريخها منتهي ربنا يصلحك
وسبت كل اللي في ايدي ومشيت وكان الوقت البالليل متأخر

تاني يوم لقيته شال العرض كله وخلا العلب زي مهيا
هههههههههههههههههههههههههههههه

ديل ..... وحسبنا الله ونعم الوكيل
والناس هتشتري وتشرب وعاديقشطه عصير بنص سعره


تحياتي

[Esam Mosaad]

انا حابب اضيف حاجه بناء على كلام استاذ كريم وانوا فتحج موضوع مهم جدا
لان للاسف فى ناس بمجرد انها تلاقى 3 او 4 حجات فى بعض تفرح خصوصا ستات البيت عندهم هوس بهايبر او كارفور
نيجى للنقطه المهمه انا واحد من الناس الى كنت شغال فى كارفور بابيع هناك فى قسم الملابس والاقسام تعتبر واحده مع اختلاف المسمى لكن المبداء واحد
لو فى عرض بينزل بيبقى المستفاد منوا بنسبه 80% هوا الى شغال فيه لو عرض فعلا يستحق مش اشتغاله زى مكريم باشا بيقول
مش كدا وبس جميع الى شغالين هناك بيسالوا بعض ميش عروض هتعملوها عشان يبقوا مستعدين انهم يخدوا الحاجه الى ليها لزمه ده غير انهم بيسالو بعض ده كان بكام وبقى بكام وهكذا
والنقطه فعلا الاهم
ان اغلبيه العروض بتبقى لمجرد بيع القطعه لان مش عليها اقبال او ان مش لاقيين مكان يقدروا يخذنوا فيه او صلاحيه

[الطنطاوي]

بمناسبة العروض كنت مرة في مول في السعودية وأعلنوا عن عرض انك تشتري خروف مذبوح وتاخد عليه خروف هدية

[mrghost]

أنا بقسم الموضوع يعني مراتي هي اللي بتدور علي السعر الاصلي وبتبقي عارفه معروض في حته تانيه بسعر ارخص ولا لأ.

وأنا بقه بتاع الصلاحيه وشكل العلبه

لكن عايز الحق عروض كارفور علي الاجهزه لاتعوووووووض اما الاكل والشرب فنادرا ما بنلاقي حاجه مفيده

فظبط نفسك علي العيد السنوي بتاعهم بيبقي فيه عروض جامده علي الاجهزه بالذات

+11111111111111